¶ 1 KA nae hoko o behe, i he ogo‘i e Sanibalate oku mau laga‘i ae a maka, nae ita lahi ia, bea ne fai lili lahi, o ne manuki‘i ae kakai Jiu.

2 Bea nae lea ia i he ao o hono kaiga moe tau o Samelia, o ne behe, Koeha ia oku fai e he kakai Jiu vaivai ni? he te nau fakamalohi‘i akinautolu ke tau? te nau fai ha feilaulau? he te nau fakaoji  ia i he aho be taha? te nau fakaakeake ae gaahi maka mei he gaahi fokotuuga veve aia kuo tutu?

3 Bea nae ofi kiate ia a Tobaia koe tagata Amoni, o ne lea o behe, Io, koia oku nau laga, ka ne alu hake ai ha fokisi, te ne holoki hifo e nau a maka.

4 E ho mau Otua ke ke fanogo: he kuo luma‘i akimautolu: bea ke fakatafoki ho nau manuki ki he ulu onautolu, bea ke tuku akinautolu koe mea vete i he fonua oe fakabobula:

5 Bea oua naa ke ufiufi e nau gaahi hia, bea oua naa fakamolemole e nau gaahi agahala mei ho ao: he kuo nau fakatubu a hoo houhau i he ao oe kau laga fale.

6 Nae behe e mau laga ae a maka; bea nae fakahokohoko ke fakataha ae a maka o a‘u ki hono vaeuaaga: he nae i he kakai ae loto fie gaue.

¶ 7 Ka nae hoko o behe, i he fanogo e Tobaia, moe kau Alebea, moe kau Amoni, moe kau Asitoti, oku fakamaoboobo ae gaahi a maka o Jelusalema, bea kuo kamata tabuni hono gaahi ava, naa nau ita lahi,

8 O nau alea fakataha kotoabe ke nau ha‘u ke tau‘i a Jelusalema, koeuhi ke taofi hono fai.

9 Ka naa mau fai e mau lotu ki ho mau Otua, bea nae fakanofo ae kau leo ke vakai akinautolu i he aho moe bo, koe mea iate kinautolu.

10 Bea nae behe e Juta, Oku fakaaau ke jii ae malohi oe kau haamo, bea oku lahi ae veve: koia oku ikai te mau faa laga ae a maka.

11 Bea nae behe e ho mau gaahi fili, Oua naa nau ilo be mamata, kae oua ke mau hoko atu ki ho nau lotolotoga, bea tamate‘i akinautolu, bea taofi ae gaue.

12 Bea nae hoko o behe, i he ha‘u ae kau Jiu nae nofo ofi kiate kinautolu, naa nau fakaha mai o liuga hogofulu e nau  teu tau mei he gaahi botu kehekehe.

¶ 13 Koia naaku fakanofo ai ae kakai o tatau mo ho nau gaahi fale, i he gaahi botu i lalo i tua oe a maka, bea i he gaahi botu maoluga, moe nau gaahi heleta, mo ho nau gaahi tao, mo ho nau gaahi kaufana.

14 Beau vakai, mo tuu hake, beau behe ki he houeiki, bea ki he kau bule, bea ki hono toe oe kakai, Oua naa mou manavahe kiate kinautolu: manatu kia Jihova, aia oku lahi, mo fakamanavahe, bea mou tau koeuhi ko ho mou gaahi kaiga, ko ho mou gaahi foha, mo ho mou gaahi ofefine, mo ho mou gaahi unoho, mo ho mou gaahi fale.

15 Bea nae hoko o behe, i he fanogo e ho mau gaahi fili kuo mau ogo‘i ia o ilo, bea kuo fakataeaoga‘i e he Otua e nau fakakaukau, naa mau toe liu mai kotoabe ki he a maka, o taki taha ki he ene gaue.

16 Bea nae hoko o behe talu mei he kuoga koia o fai ai be, nae fai e hono vaeuaaga o eku kau tamaioeiki ae gaue, bea buke e he vaeuaaga e taha ae gaahi tao, moe gaahi ba, moe kaufana, moe kofu tau: bea nae i he tua fale kotoabe o Juta ae kau bule.

17 Ko kinautolu nae laga i he a maka, mo kinautolu nae haamo kavega, mo kinautolu nae fakaheka, naa nau fai o gaue aki ae nima e taha i he gaue, bea buke mahafu tau aki ae nima e taha.

18 He koe kau laga, naa nau laga be o taki taha ma‘u hono heleta kuo nonoo i hono vakavaka. Bea koia nae ifi ae mealea nae ofi ia kiate au.

¶ 19 Bea neu behe ki he gaahi houeiki, bea ki he kau bule, bea ki hono toe oe kakai, Oku lahi ae gaue bea lau lahi, bea kuo tau mavahevahe i he a maka, bea vamamao ae taha mei he taha.

20 Iloga ae botu koia te mou ogo‘i ai ae ifi oe mealea, mou katoa ki ai leva kiate kimautolu: e tau e ho tau Otua ma atautolu.

21 Koia naa mau gaue be i he gaue: bea buke tao e ho nau vaeuaaga anautolu mei he maa hake oe bogibogi o a‘u ki he ene ha mai ae gaahi fetuu.

22 Bea neu lea foki i he kuoga koia ki he kakai,  o behe, Tuku ke taki taha mohe mo ene tamaioeiki i Jelusalema, koeuhi ke nau iate kitautolu koe kau leo i he bo, bea gaue i he aho.

23 Koia nae ikai  vete e au, be ko hoku kaiga, be ko eku kau tamaioeiki, be koe kau tagata leo aia nae muimui iate au, nae ikai ha toko taha nae vete hono kofu, ka koeuhi be ke fo.