¶ 1 BEA i he fanogo e Sanibalate, mo Tobaia, mo Kesemi koe Alebea, mo hono toe o ho mau fili, kuou laga‘i ae a maka; bea nae ikai ha ava oku toe; (ka i he kuoga koia nae heeki ai teu fokotuu hake ae gaahi mataba laubaba ki he gaahi huaga,): nae hoko ai o behe:

2 Nae fekau e Sanibalate mo Kesemi kiate au, o behe, Ha‘u, ke tau fakataha i he botu kakai e taha i he toafa o Ono. Ka naa nau fifili ke fai ha kovi kiate au.

3 Bea neu fekau ae kau talafekau kiate kinautolu, o behe, Oku ou fai ae gaue oku lahi, koia oku ikai teu faa alu hifo: koe umaa a eku tuku ae gaue, i he liaki ia, bea alu hifo ai kiate kimoutolu?

4 Ka naa nau fekau behe kiate au, o liuga fa; bea neu talia akinautolu i he aga be taha:

5 Bea nae toki fekau behe ai be e Sanibalate a ene tamaioeiki kiate au ko hono liuga nima moe tohi mafola be i hono nima;

6 Aia nae tuu ai ae lea ni, Kuo fakaogo ki he hiteni, bea kuo tala ia e Kasimu, o behe ko koe moe kakai Jiu oku mou tokaga ke agatuu: koia oku ke laga ai ae a maka, koeuhi ke ke hoko ai ko ho nau tu‘i, o fakatatau ki he gaahi lea ni.

7 Bea kuo ke fakanofo ae kau balofita ke nau malaga aki koe i Jelusalema, o behe, Oku ai ae tu‘i i Juta: bea koeni e fakaogo atu ia ki he tu‘i o fakatatau ki he gaahi lea ni. Koia ke ke ha‘u, bea ke tau alea o fakakaukau fakataha.

8 Bea neu fekau kiate ia, o behe, Oku ikai fai ha mea hage koia oku ke lau ki ai, ka oku ke fakatubu ia i ho loto oou.

9 He naa nau fai kotoabe ke fakamanavahe‘i akimautolu, o behe, E vaivai ai ho nau nima mei he gaue, ke oua naa fai ia. Bea koeni,  E Otua, ke ke fakamalohi hoku nima.

10 Hili ia naaku alu ki he fale o Simaia koe foha o Telaia koe foha e Miheta-beli, aia nae nofo fale be: bea nae behe eia, Ke ta fakataha i he fale oe Otua, i he loto fale tabu, bea ke ta tabuni ae gaahi mataba oe fale tabu: he te nau ha‘u ke tamate‘i koe, io, te nau ha‘u i he bouli ke tamate‘i koe.

11 Bea neu behe, He oku lelei ke hola ae tagata hage ko au? bea kohai ia, aia kuo hoko o hage ko au, bea e alu ia ki he fale tabu ke hao ai ene moui? E ikai teu alu.

12 Bea, iloage, naaku vakai, nae ikai fekau ia e he Otua: ka naa ne fakaha ae kikite ni kiate au; koeuhi nae totogi ia e Tobaia mo Sanibalate.

13 Koe mea ia nae totogi ai ia, koeuhi keu hoko o manavahe, bea fai behe, o fai agahala, bea ke nau ma‘u ai ae mea ke fakaogo kovi aki, bea koeuhi ke nau faka kovi ai au.

14 E hoku Otua, ke ke manatu‘i ekoe a Tobaia mo Sanibalate o fakatatau ki he e na gaue koeni, bea ki he fefine balofita ko Noatia, bea mo hono toe oe kau balofita, aia naa nau loto ke fakamanavahe‘i au.

¶ 15 Bea behe, nae fakaoji ae a maka i hono uofulu ma nima oe aho oe mahina ko Iluli, i he aho e nimagofulu ma ua.

16 Bea nae hoko o behe, i he fanogo ki ai e ho mau fili kotoabe, bea mamata e he hiteni kotoabe nae nofo o takatakai iate kimautolu ki he gaahi mea ni, naa nau loto vaivai lahi i ho nau mata: he naa nau mamata kuo fai ae gaue ni i ho mau Otua.

¶ 17 Bea koeni foki, i he gaahi aho koia nae ave e he koueiki o Juta ae gaahi tohi kia Tobaia, bea nae omi ae gaahi tohi a Tobaia kiate kinautolu.

18 He nae ai ae toko lahi i Juta nae fuakava kiate ia, he koe foha ia i he fono kia Sikania koe foha o Ala; bea kuo too e hono foha ko Johanani ae ofefine o Mesulami koe foha o Belekia.

19 Bea naa nau fakaogo mai kiate au ene gaahi gaue lelei foki, bea nae fakaogo eku gaahi lea kiate ia. Bea nae omi e Tobaia ae gaahi tohi ke fakamanavahe‘i ai au.