¶ 1 BEA nae fakakatoa fakataha akinautolu e he kakai o hage koe tagata be taha i he hala lahi aia nae hagatonu ki he mataba vai: bea naa nau lea kia Esela koe tagata tohi ke omi ae tohi oe fono a Mosese, aia nae fekau e Jihova ki Isileli.

2 Bea nae omi e Esela koe tagata tohi ae fono ki he ao oe fakataha oe kau tagata moe kau fefine, bea mo kinautolu kotoabe nae faa fanogo moe loto ilo, i he uluaki aho i hono fitu oe mahina.

3 Bea naa ne lau eia i ai i he hala aia nae hagatonu ki he mataba vai mei he bogibogi ki he hoata, i he ao oe kau tagata moe kau fefine, mo kinautolu nae ilo hono uhiga; bea nae fanogo e he kakai kotoabe ki he tohi oe fono.

4 Bea nae tuu a Esela koe tagata tohi ki he tuuga akau, aia naa nau gaohi ki he mea koia: bea nae tuu moia a Matitia, mo Sema, mo Anaia, mo Ulija, mo Hilikia, mo Maaseia i hono nima toomatau; bea i hono toohema, ko Bitaia, mo Misaeli, mo Melikia, mo Hasumi, mo Hasibatana, mo Sakalia, mo Mesulami.

5 Bea nae folahi e Esela ae tohi i he ao oe kakai kotoabe: (he nae maoluga ia i he kakai kotoabe;) bea i he ene folahi ia, nae tuu hake ai ae kakai kotoabe:

6 Bea nae fakafetai e Esela kia Jihova, koe Otua lahi. Bea nae tali e he kakai kotoabe, Emeni, Emeni, o hiki hake ho nau nima: bea naa nau bunou hifo ho nau ulu, o hu kia Jihova mo ho nau mata ki he kelekele.

7 Bea ko Jesua foki mo Bani, mo Selebea, mo Jamini, mo Akubi, mo Sabitei, mo Hotija, mo Maaseia, mo Kilita, mo Asalia, mo Josabati, mo Hanani, mo Belaia, moe kau Livai, naa nau ako ki he kakai ke nau ilo ae fono: bea nae tutuu ae kakai i ho nau botu:

8 Koia naa nau lau fakabatonu i he tohi i he fono ae Otua, mo fakamatala hono uhiga, bea akonaki‘i akinautolu ke ilo hono uhiga oe lau.

¶ 9 Bea ko Nehemaia, aia koe eiki bule, mo Esela koe taulaeiki moe tagata tohi, moe kau Livai aia nae akonaki‘i ae kakai, naa nau lau ki he kakai kotoabe, Oku maonioni ae aho ni kia Jihova ko ho mou Otua: oua naa mou mamahi, be tagi. He nae tagi ae kakai kotoabe, i he e nau fanogo ki he gaahi lea oe fono.

10 Bea nae behe eia kiate kinautolu, Alu i ho mou hala, kai ae gako, bea inu ae mea melie, bea fekau ke ave ae gaahi inaji kiate kinautolu aia nae ikai teuteu ha mea e taha ki ai: he oku maonioni ae aho ni ki ho tau Otua: bea oua naa mou loto mamahi: he koe fiefia a Jihova ko ho mou malohi.

11 Bea nae lolomi e he kau Livai ae kakai kotoabe, o behe, Mou logo be, he oku maonioni ae aho ni: bea oua foki naa mou mamahi.

12 Bea nae alu ae kakai kotoabe i ho nau hala ke kai, mo inu, bea ke feaveaki ae gaahi inaji, bea ke fai ae fiefia lahi, koe mea i he e nau ilo hono uhiga oe gaahi lea nae fakababau kiate kinautolu.

¶ 13 Bea nae fakakatoa fakataha i hono ua oe aho ae kau tuu kimua i he mātua oe kakai, moe kau taulaeiki, moe kau Livai, kia Esela koe tagata tohi, io, ke nau ilo hono uhiga oe gaahi lea oe fono.

14 Bea naa nau ilo kuo tohi i he fono aia nae fekau e Jihova ia Mosese, o behe e nofo ae fānau a Isileli i he gaahi fale fehikitaki i he katoaga o hono fitu oe mahina:

15 Bea ke nau fakaha mo fanogonogo i he e nau gaahi kolo, bea i Jelusalema, o behe, Mou alu atu ki he mouga, bea fetuku mei ai ae gaahi ulu‘i olive, moe ulu‘i baini, moe gaahi maile, moe gaahi vaa boga, moe gaahi vaa akau matolutolu, ke gaohi aki ae gaahi falefehikitaki, o hage koia kuo tohi.

16 Koia nae alu atu ai ae kakai, o fetuku ia, bea nae gaohi aki ae gaahi tuu fale, o taki taha ki he tua fale o hono fale, bea i ho nau gaahi loto a, bea moe loto a oe fale oe Otua, bea i he hala lahi oe mataba vai, bea i he hala lahi oe mataba o Ifalemi.

17 Bea koe fakataha kotoabe okinautolu nae toe ha‘u mei he bobula, naa nau gaohi ho nau gaahi tuu fale, bea nofo i he malu oe gaahi tuu fale: he oku talu mei he gaahi aho o Josiua koe foha o Nuni o a‘u ki he aho koia nae ikai fai behe e he fānau a Isileli. Bea nae i ai ae fiefia lahi aubito.

18 Bea naa ne lau i he tohi oe fono oe Otua i he aho hokohoko be, mei he uluaki aho o a‘u ki he aho ki mui. Bea naa nau fai ae katoaga i he aho e fitu; bea i hono valu oe aho nae i ai ae fakakatoa molumalu, o fakatatau mo hono aga.