Koe Tohi o Lute

¶ 1 BEA nae hoko o behe, i he gaahi aho nae bule ai ae kau fakamāu, nae to ae hoge ki he fonua. Bea koe tagata e toko taha o Betelihema‐juta nae alu ia ke āunofo i he fonua o Moabe, aia, mo hono unoho, mo hono ogo foha e toko ua.

2 Bea koe higoa oe tagata ko Elimeleki, bea koe higoa o hono unoho ko Naomi, bea koe higoa o hono ogo foha ko Maloni mo Kilioni, koe kau Ifalemi o Betelihema‐juta. Bea naa nau ha‘u ki he fonua ko Moabe, o nofo i ai.

3 Bea nae bekia a Elimeleki koe unoho o Naomi; bea nae nofo be ia mo ene ogo tama.

4 Bea naa na omi ho na unoho mei he kau fefine Moabe; koe higoa oe toko taha ko Ooba, bea ko hono higoa oe toko taha ko Lute: bea naa nau nonofo i ai i he ta‘u e hogofulu nai.

5 Bea nae bekia ai a Maloni mo Kilioni fakatouojibe; bea nae too behe mei he fefine a ene ogo tama mo hono unoho.

¶ 6 Bea nae tuu hake ia mo ene ogo taahine i he fono, koeuhi ke hiki ia mei he fonua ko Moabe: he kuo ne ogo‘i i he fonua ko Moabe kuo aahi e Jihova ki hono kakai i he foaki kiate kinautolu ae mea kai.

7 Koia naa ne alu atu ai mei he botu nae i ai ia, mo ene ogo taahine i he fono mo ia; bea naa nau alu atu be i he hala ke fonoga ki he fonua o Juta.

8 Bea nae behe e Naomi ki he ene ogo taahine i he fono, Mo o fakatouoji be o foki atu taki taha ki he fale o ene fa‘e: ke fai ofa a Jihova kiate kimoua, o hage koia kuo mo fai ki he bekia, bea mo au.

9 Ke tuku e Jihova ke mo ilo ae fiemalie fakatouoji be i he fale o ho mo unoho. Bea nae toki uma ia kiate kinaua; bea naa na hiki ho na le‘o, o tagi.

10 Bea naa na behe kiate ia, Koe mooni te ma o mo koe ki ho kakai.

11 Bea nae behe e Naomi, A eku ogo taahine mo foki atu: koeha te tau o ai mo au? he oku kei toe ha tama i hoku fatu, koeuhi ke na hoko ko ho mo unoho?

12 Mo foki atu a eku ogo taahine, bea alu i ho mo hala: he kuou motua fau ke toe ma‘u ha unoho. Ka neu behe e au, Oku ou amanaki lelei, bea ka ne ma‘u e au ha unoho he bo ni foki, be au fanau‘i ae tama tagata;

13 He te mo tatali ki ai ke oua ke na tubu? te mo faa tatali ki ai, bea oua naa ma‘u ha unoho? e ikai, a eku ogo taahine; he oku ou mamahi lahi koeuhi ko kimoua i he ene mafao mai ae nima o Jihova kiate au.

14 Bea naa na hiki hake ho na le‘o, o toe tagi: bea uma a Ooba ki he ene fa‘e i he fono; ka nae bikitai a Lute kiate ia.

15 Bea behe eia, Vakai, kuo toe liu atu a ho tokoua i he fono ki hono kakai, bea ki hono gaahi otua: ke ke foki koe o muimui atu ki ho tokoua i he fono.

16 Bea nae behe e Lute, Oua naa ke kole keu liaki koe, be keu foki mei he eku muimui iate koe: he koe botu oku ke alu ki ai, te ta o ai; bea koe botu te ke mohe ai, te ta mohe ai: ko ho kakai e hoko ko hoku kakai, bea ko ho Otua ko hoku Otua:

17 Koe botu te ke mate ai, teu mate ai, bea teu tanu i ai: ke fai behe e Jihova kiate au, bea lahi hake, o kabau e ai ha mea te ta mavae ai mo koe ka koe mate be.

18 Bea i he ene vakai oku loto malohi be ia ke na o mo ia, nae tuku ene kei lea ki ai.

¶ 19 Bea koia, naa na o ai ke na hoko ki Betelihema. Bea i he e na hoko ki Betelihema, bea behe, nae gatū ae kolo kotoabe koeuhi ko kinaua, bea nau febeheaki, Ko Naomi eni?

20 Bea nae behe eia kiate kinautolu, Oua naa ui au ko Naomi, kae ui au ko Mala: he kuo fai fakamamahi lahi kiate au e he Mafimafi.

21 Naaku alu kitua kuou fonu, bea kuo toe omi au e Jihova ki abi kuou maha: bea koe umaa hoo mou ui au ko Naomi, he kuo tukuakii au e Jihova, bea kuo fakamamahi‘i au e he Mafimafi?

22 Koia nae liu mai a Naomi, mo Lute koe fefine Moabe, ko ene tama i he fono nae ha‘u mo ia, aia nae ha‘u mei he fonua ko Moabe: bea naa na hoko ki Betelihema i he kamataga oe ututa‘u baale.