¶ 1 BEA nae ia Naomi ha kaiga o hono unoho, koe tagata koloaia lahi aubito, i he fale o Elimeleki, bea ko hono higoa ko Boasi.

2 Bea nae behe e Lute koe fefine Moabe kia Naomi, Ke ke tuku au keu alu ni ki he goue, bea tufi ae gaahi ulu‘i uite o muimui iate ia, aia teu ma‘u ai ae fiemalie i hono ao. Bea nae behe eia kiate ia, A eku tama, ke ke alu.

3 Bea nae alu ia, bea hoko o tufi i he goue o muimui i he kau tuuji: bea ta ne malieia ene hoko ki he botu oe goue nae ia Boasi, aia nae i he kaiga o Elimeleki.

¶ 4 Bea, vakai, nae ha‘u a Boasi mei Betelihema, o ne behe ki he kau tuuji, Ke iate kimoutolu a Jihova. Bea naa nau tali ia o behe, Ke tabuaki koe e Jihova.

5 Bea nae behe e Boasi ki he ene tamaioeiki nae fakanofo ki he kau tuuji, Koe fefine o hai eni?

6 Bea leaage e he tamaioeiki nae fakanofo ki he kau tuuji o ne behe, Koe fefine Moabe ia nae ha‘u mo Naomi mei he fonua ko Moabe:

7 Bea nae behe eia, Oku ou kole kiate kimoutolu, tuku au keu tufi o tanaki muimui i he kau tuuji i he lotolotoga oe gaahi u: koia nae ha‘u ai ia, bea kuo ne fai mau ai be ia, talu mei he bogibogi ki he feituulaa ni kuo ne afe jii be ia ki he fale.

8 Bea nae behe ai e Boasi kia Lute, E hoku ofefine, oku ikai te ke fanogo? Oua naa ke alu ki ha goue kehe ke tufi, bea oua naa ke alu mei heni, ka ke nofo mau be o ofi ki hoku kau fefine:

9 Ke ke jio be ki he goue oku nau tuuji, bea ke muimui iate kinautolu: ikai kuo oji eku fekau ki he kau talavou ke oua naa nau ala kiate koe? bea oka ke ka fieinu, alu ki he gaahi aiaga inu o inu, bea inu aia kuo utu e he kau talavou.

10 Bea nae tomabee ia ki hono mata, bea bunou ia ki he kelekele, o ne behe kiate ia, Koeha kuou ilo ai ae ofa i ho ao, koeuhi ke ke fie tokaga ai kiate au, he koe muli au?

11 Bea nae tali e Boasi o ne behe kiate ia, Kuo fakaha o lahi kiate au, aia kotoabe kuo ke fai ki hoo fa‘e i he fono, talu ae bekia a ho unoho: bea mo hoo liaki hoo tamai mo hoo fa‘e, bea moe fonua naa ke tubu ai, bea kuo ke ha‘u ki ha kakai nae ikai te ke tomua ilo.

12 Ke totogi e Jihova a hoo gaue, bea ke foaki kiate koe e Jihova koe Otua o Isileli ae totogi lahi, aia koe kabakau oona kuo ke ha‘u ke falala ki ai.

13 Bea nae behe eia, Tuku keu ilo ae ofa i he ao o hoku eiki; he kuo ke fakafiemalie‘i au, bea kuo tau hoo lea ki he loto o hoo kaunaga, ne ogo oku ikai teu hage ha taha i hoo kaunaga.

14 Bea nae behe e Boasi kiate ia, I he feituulaa kai ke ke ha‘u ki heni, bea kai i he ma, bea beke hoo koga ma i he vaimahi. Bea nae nofo ofi ia ki he kau tuuji: bea naa ne atu kiate ia ae uite tunu, bea kai eia, bea makona, bea nae toe.

15 Bea i he ene tuu hake ke tufi, nae fekau e Boasi ki he ene kau talavou, o behe, Tuku ia ke tufi i he lotolotoga oe gaahi u, bea oua naa fakama ia:

16 Bea tuku ke gagana ae gaahi faluku koeuhi ke ne ma‘u ia, bea tuku ai be ia, koeuhi ke ne tufi ia, bea oua naa valoki ia.

17 Koia ne tufi ai ia i he goue koia o a‘u ki he efiafi, bea nae tuki eia aia kuo ne tufi: bea koe efa nai e taha oe baale.

¶ 18 Bea naa ne too hake ia, o alu ki he kolo: bea nae mamata ene fa‘e i he fono ki he mea naa ne tufi: bea ne omi ia o atu ia kiate ia, aia naa ne fakatoe, hili ene kai o makona.

19 Bea nae behe e he ene fa‘e i he fono kiate ia, Naa ke tufi kife he aho ni? bea naa ke gaue kife koe? Ke monuia be ia aia naa ne tokaga‘i koe. Bea naa ne fakaha ki he ene fa‘e i he fono aia naa ne gaue mo ia, o ne behe. Koe tagata naaku gaue i ai he aho ni ko Boasi hono higoa.

20 Bea nae behe e Naomi ki he ene tama i he fono, Ke monuia be ia ia Jihova, aia oku ikai tuku ene fai agaofa ki he moui, bea moe mate. Bea nae behe e Naomi kiate ia, Koe tagata kaiga ofi ia kiate kitaua, koe toko taha o ho ta kaiga oku ofi lahi.

21 Bea nae behe e Lute koe fefine Moabe, Naa ne behe foki kiate au, Ke ke fai mau be ke ofi ki he eku kau talavou, ke oua ke oji eku tuuji eku ta‘u kotoa.

22 Bea nae behe e Naomi kia Lute ko ene tama i he fono, A eku tama, Oku lelei ia, koeuhi ke ke alu kitua mo ene kau kaunaga, koeuhi ke oua naa ilo koe i ha goue kehe e taha.

23 Koia nae alu mau be ia moe kau kaunaga a Boasi, ke fai ene tufi ke oua ke hili ae fetuku ae ta‘u baale moe ta‘u uite: bea nae nofo ia mo ene fa‘e i he fono.