¶ 1 KUO alu kife ho ofaaga, akoe oku hoihoifua i he kau fefine kotoabe? kuo alu kife aia oku ke ofa ai? koeuhi ke tau kumi ia mo koe.

2 Kuo alu hifo a hoku ofaaga ki he ene goue, ki he botu goue oe gaahi kakala, ke ne kai i he goue, mo ne toli ae gaahi lile.

3 Oku o hoku ofaaga a au, bea oku ooku a hoku ofaaga: oku ne kai i he lotolotoga oe gaahi lile.

¶ 4 Oku ke hoihoifua, akoe oku ou ofa ai, o hage ko Telisa, bea matamatalelei o hage ko Jelusalema, bea manavaheia o hage koe matatau moe nau gaahi fuka.

5 Ke oua naa jio mai ho mata kiate au he oku ou vaivai ai: oku tatau ho louulu moe faga koji oku fafaga i Kiliati.

6 Oku tatau ho kau nifo moe faga sibi oku alu hake mei he kaukau‘i, he oku taki uhi ua a ho nau uhiki, bea oku ikai ke baa ha taha i ai.

7 Oku tatau ho manifinifihaga moe koga bomikanite oku fakalilo aki ho louulu.

8 Oku ai ae tu‘i fefine e toko onogofulu, moe jinifu e toko valug ofulu, moe kau tāuboou taefaalaua.

9 Ka oku taha be a eku lube, a eku haohaoa, koe taahine be taha ia a ene fa‘e, bea koe bele aana naa ne fanau‘i ia. Nae mamata ki ai ae gaahi ofefine o nau fakaogolelei ia, bea naa moe gaahi tu‘i fefine moe jinifu foki kuo nau lea fakamalo ki ai.

¶ 10 Kohai eni oku ha mai o hage koe bogibogi, oku fakaofoofa o hage koe mahina, oku ulo o hage koe laa, bea manavaheia o hage koe matatau moe nau gaahi fuka.

11 Neu alu hifo ki he goue nutimeki keu mamata ki he gaahi fua oe akau i he telea, koeuhi keu ilo be oku tubu lelei ae vaine, bea fatakau ae gaahi bomikanite.

12 Bea iloage kuo fakafokifa nae buna hoku laumalie, o hage ha taha kuo heka ki he gaahi saliote o Aminatiba.

13 Ke ke tafoki mai, tafoki mai, E fefine Sulami; tafoki mai, tafoki mai, ka mau mamata kiate koe. Koeha oku mou fie mamata ai ki he fefine Sulami? ke mau mamata o hage koe kau taha ae matatau e ua.