Wan Pikja Kopi we I Kamaot long Buk blong Ebraham
Namba 3
Mining
Pkj. 1. Ebraham i stap sidaon antap long jea blong Fero, wan saen blong respek we i kam long king, wetem wan hat blong king antap long hed blong hem we i ripresentem Prishud, olsem ripresentesen blong Hae Presidensi we i stap long Heven; wetem stik blong king blong jastis mo jajmen long han blong hem.
Pkj. 2. King Fero, we nem blong hem i stap long ol saen we oli stap antap long hed blong hem.
Pkj. 3. I minim Ebraham we i stap long Ijip. I stap tu long Pikja 10 blong Pikja Kopi Namba 1.
Pkj. 4. Prins blong Fero, King blong Ijip, folem raeting we i stap antap long han.
Pkj. 5. Sulem, wan long ol stamba wokman blong king, folem raeting we i stap antap long han blong hem i stap talem.
Pkj. 6. Olimla, wan slef we i blong prins.
Ebraham i stap toktok raon long ol prinsipol blong Saens blong Ol Wol, wetem ol man blong king.