Ngaahi Founga ʻe 5 Ke Ke Manatuʻi ai e Ngaahi Lea ʻi he Konifelenisí
ʻOku tau maʻu ha faingamālie fakaʻofoʻofa ʻi he taʻu kotoa pē ʻi he māhina ko ʻEpeleli mo e ʻOkatopá, ke tau fanongo ki hono fakahā mai ʻe he kau palōfita lolotongá ha fakahinohino fakahangatonu mei he ʻOtuá. ʻOku nau teuteu ʻenau ngaahi pōpoakí ʻi he faʻa lotu ʻo fakataumuʻa kiate kitautolu—ke fakahinohinoʻi kitautolu, akoʻi kitautolu, tali ʻetau ngaahi fehuʻí mo fakanonga kitautolu.
Ka ʻi he hili ʻa e konifelenisi lahí mo ʻosi atu ha ngaahi ʻaho ʻe kamata ke faingataʻa ke ke manatuʻi e ngaahi leá, ngaahi kaveingá, ngaahi ueʻi fakalaumālié pe ngaahi talí. ʻE kamata leva ke tau ongoʻi loto-siʻi ʻi he ʻamanaki ke hoko mai ʻa e konifelenisi lahi ka hokó ʻo kapau te tau ongoʻi ʻoku teʻeki ke tau fakalakalaka.
ʻOua ʻe ilifia! ʻOku ʻi ai ha founga te tau lava ai ke tauhi maʻu ʻi hotau lotó e fakahinohino mei he ʻOtuá mei he konifelenisi lahi ʻe taha ki he konifelenisi lahi hono hokó:
-
ʻI he hili ʻa e konifelenisí, fili ha lea ʻe taha, meʻa ʻokú ke ako, tefitoʻi moʻoni pe ko ha malanga kakato naʻá ne ueʻi fakalaumālie koe.
-
Vahevahe mo ho fāmilí pea tohiʻi ia ki ha meʻa te ke malava ʻo sio ki ai ʻi he ʻaho kotoa pē.
-
Fokotuʻu ha taumuʻa ki he founga te ke moʻui ʻaki ai ʻa e tefitoʻi moʻoni ko iá ʻi he ʻaho takitaha ʻo hoʻo moʻuí.
-
Fepoupouaki. Ko e founga lelei te ne fakaʻaiʻai koé ko hoʻo ongoʻi ko ia ʻokú ke tali ui ki he niʻihi kehé!
-
ʻI he ofi ko ia ki he konifelenisi lahí, mou fevahevaheʻaki fakafāmili e meʻa kuo mou akó mo e ngaahi tāpuaki kuo mou maʻu mei hono moʻui ʻaki e tefitoʻi moʻoni ko ʻení.
Kapau te tau ngāueʻi ʻetau ngaahi taumuʻa fakalaumālié, te tau fakamālohia ʻetau ngaahi fakamoʻoní mo ʻunu ke ofi ki he Tamai Hēvaní.
ʻAhiʻahiʻi ia he ʻahó ni!