Kairaki iroun te Tamnei, imwain ae I a Bon Ataia
I a tia ni kairake iroun te Tamnei n taai aika a mwaiti imwain reiakinan ae tera raoi te kaotioti.
Ngke 17 au ririki, I kaina te ekaretia ni Boretetanti are I kunea uoua te ririki mai imwaina. Bon te moan tabo are I reiakina iai taekan te Atua ao Iesu Kristo. N te tai anne, I mwananga iaon te bwati n te bong teuana ngke te mwaane temanna e tekateka irarikiu. E tuangai bwa e a bon tibwa kaotinakoaki man te karabuuti ao e taetae iaon namakinan ae kaanga e aki kona ni manga rinnako n te ekaretia teuana riki te tai. N te tai anne, I ataia bwa te Atua e a tia ni kanakoai nako ikekei bwa N na kaitibo ma te aomata anne, ao I kaunga teuaei, n tuangnga bwa e riai ni kakaea te ekaretia.
Ngke ti taetae, I tuanga teuaei bwa I kamatebwai bwa N na nako n te reirei ibukin te psychology. Ma imwiina ao Ia manga kabuanakoa bwa I kona ni kamatebwai iaon te journalism. E taku, “Ko bon rangi n tara n journalist—ko riai ni karaoa anne!” I kunea bwa te bwai ae kamimi ibukina bwa I tuai man iangoa anne n riki bwa te journalist mai imwaina. Te iango e taraa n tia n roko man te tabo teuana ae akea ataakina.
Uoua te namwakaina imwiina, te ukeuke are N na kona iai n rin n te iuniwetiri ni kamatebwai iaon te psychology e a roko. N te tairiki teuana I a ataia bwa I aki rang koaua raoi n au babaire. I bon mimi ibukina bwa ai akea nanou ni kan karekea nakoau. Imwina I a uringnga are I maroro ma te mwane arei iaon te bwati. Akea te bwai ae I ataia iaon te reirei n riki bwa te journalist, ma I kunea te webutiaite ibukin teuana n au tabo. E maninnanti, bwa te bong anne bon te kabanea ni bong ibukin te kabaeara. I aki manga iangoia te kauatai, I ana te tai anne. Ni kauarerekea te karaki ae abwabwaki: I kabanea te reirei iaon te journalism.
Kuneakin te Koaua
I aki ataia n te tai anne, ma I a ataia ngkai bwa te Atua e kairai rinanon te kaotioti ae onoti ni bairean te bwai are N na kamatebwai iaona. I namakinna ae kaanga I a tia ni kakabwaiaki n tainako n atai bwaai ae e tangiria te Atua bwa N na karekea—n aekakin nako tibwanga ao aroaro ake E katei inanon maiu ni kaotia nakoiu te kawai are E tangirai bwa N na irii.
Aua te ririki imwiina, I kunea te Ekaretia ao I a bwabetitoaki, rinanon naba te kairaki iroun te Tamnei ae Raoiroi. Ao n tokin te tai I reiakina te kaotioti ae onoti nakoiu man warekan Reirei ao Berita aika Tabu. N te bong teuana imwain au bwabetito, I wareka ana Boki Moomon ibukina bwa mitinare a tuangai. N te tai ae waekoa I baireia ni warekia imwaina ibukina tabeua, n 2 Nibwaai 31, are e kabwarabwara iai Nibwaai ana bwabetito Iesu Kristo. E ngae ngke, I tuai n tataro ibukin Ana Boki Moomon, I namakinna ae kaanga Tamau are i Karawa e kataia n tuangai taekan te bwabetito. Te mwakoro are imwiina are e katika naba matau, are I warekia iai bwa te Tamnei ae Raoiroi e kona ni kaoti bwaai ni kabane nakoira ake ti riai ni karaoi (taraa 2 Nibwaai 32). Taeka akanne a bane ni manena inanon maiu.
Ni koauana, teuana te bwai are I ataia n tainako bwa ngkana I kunea bwa I mena n te roo, te Atua e kantaningaai bwa N na uoti ota tabeua n otinako mai iai. Ngke I reiakina taekan Iotebwa Timiti, I noori bwaai aika titebo imarenara. I reiakinna n nakon te Atua ibukin taian kaeka. Inanon au tai n ataei, e ngae ngke I aki nako n taromauri, I tatataro n tainako, are e kaungaai bwa N na raira nanou, n taotaona nanou, ao ni kataia n akoi ao n tangira nakoia aomata nako.
N te aro teuana I ataia bwa te Atua e ongora irou. Ngke n tokin te tai I nako n taromauri ngke 15 au ririki n reiakina taekan te Baibara, I tanrikaaki nakon bwaai ake I a tia n rinanona ao I ataia bwa te atatai are I karekea bon man te tataro a roko mai iroun te Atua.
Matata man Kaotioti
N 2 Nibwaai 32:5, E reirei Nibwaai, “ngkana ko rin n te kawai aio, ma ni karekea te Tamnei ae Raoiroi, ao e na kaoti nakoim bwaai ni kabane aika ko riai ni karaoi.” Anne te bwai are I taku bwa I matata iai ni karokoa, imwiin au bwabetito, mitinare a tuangai ngkana I ataia bwa tera te kaotioti. I aki raoi ata arana, ma I taekinna bwa I taku bwa te namakin are I namakinna n taai aika a mwaiti, n aron are te Atua e taetae nakoiu n au iango, ni kaekaan au titiraki ao au iango. A taku bwa I bon taekina te eti.
N ataakin te kaotioti ao ma te bwaintangira are te Tamnei ae Raoiroi, I a kunea te nano ae boou ni kan wareka te Baibara. I a tabe ni kunei bwaai aika kakaawaki ikekei—I ata bukina bwa i kairaki iroun te Tamnei. I tatangiria ni wareka ana reta Bauro ao n noorakin ana banna ni katoto n reireinaki iroun te Tamnei man ana mwakuri ao mwengaraoina iroun ana Tia Kamaiu. Akanne bwaai ake I karekei man rinanoan te Ekaretia are e kaokaki.
Ngaia are n tokina, e aki kakaawaki am ririki, te tabo are ko maeka iai, ke mwaitira am atatai n ataakin te Atua. Te bwai ae kona tii karaoia bon irirakin te kuna n taromauri: “I’ll go where you want me to go, dear Lord, …; I’ll be what you want me to be” (Hymns, nambwa 270). Maiuakini ao tibwai bwaai aika a tamaroa ake e a tia ni katei inanom te Tamnei, ibukina bwa te Tamnei e na kaota te kawai nakoim ni kakabwaiaia tabeman bwa kona karekei kakabwaia ibukim n te maiu aei.