Tunaweza Kueneza Nuru ya Injili

Picha na Weston C. Colton

Ujana mkubwa ni wakati wa kukua, fursa nyingi, na nafasi ya kuanza kujenga maisha yako. Na hilo linaweza kuwa la kuchosha mno, kusisimua, na kuogofya yote kwa wakati mmoja (hakika imekuwa hivyo kwetu sisi).

Lakini hata kama hatuna majibu ya maswali yote muhimu ya maisha, kuna kitu kimoja ambacho tuna uhakika nacho—kwamba vijana wakubwa siku zote wamekuwa nguvu muhimu katika Urejesho unaoendelea wa Kanisa la Yesu Kristo.

Katika kupanga sehemu ya mwezi huu, tulizungumza na vijana wengi wakubwa kuhusu kushiriki kwao katika ukusanyaji wa Israeli. Na tumenyenyekezwa sana na upendo wao wa dhati na kujitolea kwao kwa ajili ya injili ya Yesu Kristo. Bila kujali hali zao, hawa vijana Watakatifu wanaelewa wajibu mkuu walio nao katika kipindi hiki cha mwisho. Katika “Jinsi Vijana Wakubwa Wanavyoleta tofauti katika Urejesho Unaoendelea” katika ukurasa wa 44, unaweza kusoma jinsi vijana wakubwa kutoka India, Hungary, Barbados, Australia, na Marekani wanavyoutayarisha ulimwengu kwa ajili ya Ujio wa Pili wa Mwokozi.

Katika makala ya kidijitali pekee, Cesar anatoa umaizi kuhusu jinsi tunavyoweza kupata lengo letu na kuwa viongozi. Lauri anazungumza kuhusu baraka tunazopata kwa kutii ushauri wa nabii. Vijana wengine wakubwa wanashiriki uzoefu wao wa huduma ya hekaluni, kuhudumu, historia ya familia, na kazi ya umisionari. Na tunashiriki mfano kutoka kwa kijana mkubwa kutoka New Caledonia unaoonesha jinsi waumini wa umri mdogo wanavyofanya kazi ya Bwana katika maeneo madogo ya Kanisa.

Popote ulipo na bila kujali hali yako ilivyo, unaweza kuchangia pakubwa katika kukusanya Israeli zaidi ya vile unavyodhania. Kama vijana wakubwa, sisi ni viongozi wa baadaye wa Kanisa hili. Na cheche ya juhudi zetu leo itawaka na kueneza nuru ya injili kote ulimwenguni kesho.

Kwa moyo wa dhati,

Chakell Wardleigh na Mindy Selu

Wahariri wa Magazeti ya Kanisa sehemu ya vijana wakubwa

Umaizi …

Kutoka kwa vijana wakubwa

kuhusu Urejesho unaoendelea

“Urejesho unaoendelea unamaanisha kwamba Mungu bado huzungumza na watoto Wake. Anaishi na anashughulika katika siku hizi, anapatikana. Anatujali, na nabii angetaka sisi kama vijana wakubwa tujue ya kwamba Anatupenda. Kwa hivyo kuwa mfano na uoneshe upendo huo kwa wengine. Kuwa mvumilivu na mkarimu na wasaidie wengine kupata amani kuu, furaha, na lengo linalopatikana tu katika injili ya urejesho ya Yesu Kristo.”

—Parker Smith, Oregon, Marekani

“Nimekuja kugundua kwamba ni mchakato unaoendelea na bado kuna mengi ya kurejeshwa!”

—Ashlin Eddington, California, Marekani

“Lengo letu linapaswa kuwa kujitayarisha kwa ajili ya Ujio wa Pili wa Mwokozi.”

—Kevin Bergmann, North Rhine-Westphalia, Ujerumani

Kutoka kwa viongozi wa Kanisa

“Wakati muda wetu katika maisha haya unapokamilika, ni uzoefu gani tutaweza kushiriki kuhusu mchango wetu wenyewe kwa kipindi hiki muhimu cha maisha yetu na kwa kuendeleza kazi ya Bwana? Tutaweza kusema kwamba tulijitahidi kufanya kazi kwa nguvu, akili na uwezo wetu wote? Au itabidi tukiri kwamba wajibu wetu ulikuwa mara nyingi ule wa mtazamaji?”

Mzee Dieter F. Uchtdorf wa Akidi ya Mitume Kumi na Wawili, “Je, unalala kufikia mwisho wa Urejesho?” Liahona, Mei. 2014, 59.

Ni jinsi gani watu ambao wameathiriwa na uraibu wanaweza kupata tumaini na uponyaji? Tutumie jibu lako kwenye liahona.ChurchofJesusChrist.org kabla ya Aprili 30, 2020.

Shiriki Hadithi Yako

Je, una hadithi ya kupendeza ya kushiriki? Au je, unataka kuona makala kuhusu mada fulani? Kama ndivyo, tunataka kusikia kutoka kwako! Unaweza kuwasilisha makala yako au jibu lako kwenye liahona.ChurchofJesusChrist.org.

Tafuta makala hizi na nyingine zaidi:

• Kwenye liahona.ChurchofJesusChrist .org

• Katika VW kila wiki (kwenye sehemu ya Vijana Wakubwa katika Gospel Library)