Ļap Tōprak āinwōt juon Mijenede ilo iien COVID-19
Aolep oktak in bōro ewōr tokjān n̄an Irooj.
Eļan̄n̄e en kar wōr juon armej ej kajjitōkin eō jejjo allōn̄ rem̧ooltļo̧k kōn wāween aō pijaikļo̧k mijen eo aō, iban kar jeļā kōn iaļ in aō im̧aan. Ak juon men me ej juon wōt: N̄a juon mijenede n̄an Kabun̄ eo an JIsōs Kraist im Armej ro Rekowjarjar ilo Raan Ko Āliktata—ak kiiō ij barāinwōt juon mijinede ilo iien ajedeed in nan̄inmej in ekapopo im ekauwōtata.
Ta meļeļe in menin?
Ej meļeļein kōņaan kōm̧m̧an ankilaan Irooj enaaj ilo juon wāween eo em̧ūlaļ ļo̧k. Ej meļeļein n̄an kajjieon̄ jerbal n̄an Irooj im ajri ro Nejin ilo am̧ jelm̧ae okoktak ko remakijkij. Ej meļeļein ekkatak n̄an kajjieon̄ mour ilo iien eo em̧ōkajtata ilo jekjek ko rekāāl. Ej meļeļein ekkatak n̄an jouj,
Ej barāinwōt meļeļein jelm̧ae elōn̄ tarpok im kajjitōk elōn̄ kajjitōk ko āinwōt:
“Kampānion eo aō enaaj ke rool n̄an m̧weeo im̧ōn ilju?
“Enaaj ke bar em̧akūt n̄an bar juon jikin eoktak kōn wōt kūj ne?
“Ta eo enaaj waļo̧k n̄an armej ro jej katakin er eļan̄n̄e ij aikuj em̧akūt?”
Jelakar wōnm̧anļo̧k wōt kōn katak ko an gospel ilo social media, ak ejjab pidodo—im ejjab juon iminene in mijen eo me jabdewōt iaad jekar antooneļo̧k. Ijoke, jej pād wōt ijin, dim ilo kāālet ko ad n̄an jerbal n̄an e ijoko jabdewōt, n̄an jerbal n̄an Irooj jekdoon jekjek ak wāween ta eo kwoj kōm̧m̧ane, n̄an tōpar buruōn ajri ro Nejin.
Etke Ij Aikuj in Kāālet n̄an Jerbal?
Aaet, men ko reppen ilo mour an mijenede ro rej ilo ānbwin, ilo kōļmenļo̧kjeņ, im ilo jetōb—em̧ōj am aolep jelm̧ae menin diktata juon iaan men kein. Aaet, jej jelm̧ae elōn̄ apan̄ ko im naaj wōnm̧aanļo̧k n̄an jelm̧ae apan̄ ko jet, ak kam̧m̧oolol Jisōs Kraist, eo ekar leļo̧k mour eo An n̄an kōj, jejeļā bwe aolepāer eļap tokjāer.
Ikar kile bwe Jemedwōj Ilan̄ ejeļā kōn ta ko jej jelm̧aeiki. Ekar jeļā bwe enej wōr mijenede ro reban maron̄ etal n̄an tampeļ ak deļon̄e ilowaan jikin kaminene an mijenede ro m̧okta jān aer etal n̄an mijen ko aer. Ekar jeļā bwe enaaj wōr rūm̧m̧an ded ro reban bōk iien rōt in n̄an jerbal ilo jikin ko me kwaar kūr er n̄an jerbal ie. Im aeet mijenede ro rejeļā bwe Irooj ej iakwe im kōjparok kōj āinwōt An naaj kōm̧m̧an aolep iien. Im bwe aolep kijejeto ko rebwe ilo mej ko Mejān. Jekar lukkuun ekkatak ke jemaron̄ jerbal n̄an Irooj im kwaļo̧k kōn gospel eo an ijoko jabdewōt im ilo elōn̄ kain jekjek im wāween ko. Im elukkun ļap tokjān.
Ta eo ej kōm̧m̧an bwe in wōnm̧aanļo̧k wōt?
Ilo jet raan ko reppen, ikar kile bwe kar ruo wāween ko n̄an etale n̄an erreim̧aanļo̧k kōn tōre in:
-
Kōn juon m̧wil in kajimelele, jab maron̄ kijenmej kōn men ko me renej bar rool n̄an jinoin.
-
Ak kōn juon kōļmenļo̧kjeņ ekkāāl, kōm̧m̧an kōttōpar, karōk im pepe men ko rem̧m̧an im am̧ make, kōjerbal jekjek in āinwōt juon iien em̧m̧an n̄an kōm̧m̧an oktak n̄an men ko ekar to an baj kōttari ak karūm̧ūjļo̧k.
Ij kajjieon̄ kāālet jokāālet eo kein karuo. Ke ikar kōļmenļo̧kjeņ kōn jekjek ko me laļ in ej jelm̧aeiki rainin, ikar ļōmņak eļan̄n̄e COVID-19 ej juon iien em̧m̧an n̄an jipan̄ kam̧m̧oolol jemjerā ko ad eļapļo̧k ak n̄an kōketak kōj n̄an kōpelļo̧k buruōd eļapļo̧k n̄an ad Rikōm̧anm̧an eo im kōņaan ron̄jake E. Im n̄an kaorōk tata gospel eo eļapļo̧k jān kar m̧okta.
Menin ejjab juon iien eo epen n̄an mijenede ro—epen n̄an aolep. Ak āinwōt Kapen Moronai ekar kūr ro jet n̄an kobatok ilo jibadbad in n̄an anemkwoj (lale Alma 46), kūr in n̄an bar kōj n̄an jerkak im jab mijak. Im kile bwe Jemedwōj Ilan̄ em̧ool ej pād ippād aolep iien, kōmaron̄ kōj n̄an jerbal n̄an e kōn aolepān buruōd, maron̄, ļōmņak, im kajoor, jekdoon ta (lale Katak im Bujen Ko 4:2).
Āinwōt mijenede ro an Irooj, jej aikuj mije wōt mejād n̄an Rilo̧mo̧o̧r im kōttōpar eo ad n̄an indeeo. Ijeļā bwe Jemedwōj Ilan̄ ej iakwe kajjojo ajri ro Nejin im ekōņaan bwe jen aolep pād ilo kapijuknen eo juon alen ilo baam̧le ko.
Mool eo, āinwōt an pen n̄an erom̧ juon mijenede ilo iien COVID-19, jemaron̄ kōm̧m̧ane jon̄an wōt ad maron̄ iien in em̧m̧an tata ilo mour ko ad. Ilo m̧ool, ej juon iien em̧m̧an tata n̄an n̄a! Im ej kōn ta eo ij ļōmņak wōt, kōnke aolep iien ij kajjieon̄ keememej iakwe eo aō n̄an Jemedwōj Ilan̄ im ikdeleel eo aō n̄an jipan̄ E kobaitok Israel eo ekar ejepelōklōk. Im ijeļā bwe E enaaj kōjeraam̧m̧an kajjojo mijenede ro An tūriam̧o im jouj ilo ad kōm̧m̧ane ijo koņaad n̄an kakūrm̧ool kūr in me Ekar letok n̄an kōj.