2023
Atiina ae o le “Faatuatua Le Maluelue” ia Iesu Keriso—ma Ana Perofeta
Mati 2023

E Na’o Tusiga Faatekinolosi: Autalavou Matutua

Atiina ae o le “Faatuatua Le Maluelue” ia Iesu Keriso—ma Ana Perofeta

(2 Nifae 31:19)

Saunia e Lisa Laycock

Pe mafai ona maua le filemu i taimi faigata?

o se ulugalii faifeautalai matutua o loo tatalo

Atapue na faaalia e le au faataitai

Ia Fepuari 2010, sa ma auauna atu ai ma lo’u toalua o ni taitai misiona o le Misiona a Chile Santiago Sasae. Faatasi ai ma a matou faifeautalai ma tagata Chile, sa matou oo ai i le matautia o le gatete o le eleele i se mafuie e 8.8-le malosi.

O se tasi lea o aafiaga sili ona taufaafefe ua matou oo i ai. Sa luluina ai lo matou fale, ae sa lei luluina ai lo matou faatuatua ia Iesu Keriso ma Ana perofeta. O le mea moni, na faamalosia ai lo matou talitonuga maumaututu e mafai e perofeta soifua ona saunia i tatou mo mea uma.

I le iva masina na muamua atu, na saunia ai i tatou e le Alii e ala mai i se tasi o Ana perofeta filifilia, o Elder Richard G. Scott. Ina ua ia vaetofia i matou e auauna atu o ni taitai misiona, sa ia tuuina mai ia i matou ni fautuaga musuia. Sa ia fai mai o le tele o taimi i la matou misiona, o le a fagua ai i matou e le Agaga taimi o le vaveao. Sa ia valaaulia i matou e tusi i lalo ma faatino ia savali na aoao mai e le Agaga ia i matou, ma sa ia folafola mai ia i matou afai matou te faia, o le a matou oo i vavega.

Na faataunuuina na upu a o fagua a’u e le Agaga i le na o le lua vaiaso a o lei oo i le mafuie, ma faaali mai ia te a’u e manaomia ona matou saunia a matou faifeautalai mo se mafuie. Sa matou mulimuli i lena uunaiga, ma ina ua oo mai le mafuie, sa matou oo i vavega o le filemu ma le saogalemu lea na folafola mai e Elder Scott ia i matou.

Filifili e Mulimuli i le Perofeta

O lenei aafiaga ua faamanatu mai ai ia i tatou e mafai ona tatou maua le filemu i se lalolagi faigata a o tatoufilifilie mulimuli i fautuaga musuia a o tatou perofeta.

Mafaufau i taimi nei na maua ai e Nifae le filemu e ala i lefilifilie talitonu i lona tama, le perofeta o Liae:

  • Ina ua fai mai Liae ua ta’u atu e le Atua ia te ia e ave lona aiga ma sosola ese mai le aai ua faateteleina le amioleaga o Ierusalema, uafilifiliNifae e faaaoga le “faatuatua le maluelue” (2 Nifae 31:19) ma “tagi atu i le Alii” (1 Nifae 2:16). I le tali i le tatalo a Nifae, ua faamaluluina ai e le Alii le loto o Nifae. Ae o loo filifili pea Nifae e talitonu na fetalai mai le Atua ia Liae. Ua faatino e Nifae i le faatuatua ma mafai ona mulimuli i lona tamā-perofeta i le vao ma le filemu i lona loto.

  • Ina ua faamalamalama atu e Liae ia Nifae ma ona uso e finagalo le Atua ia i latou e toe foi atu i Ierusalema ina ia maua mai papatusi apamemea sa toefilifilima le loto i ai Nifae e talitonu e tautala lona tama-perofeta i le finagalo o le Atua. Ua manatua e Nifae le tali na ia mauaina muamua. Na fai mai o ia, “O le a ou alu ma fai mea ua poloaiina e le Alii” (1 Nifae 3:7).

Pe a ou faitau ma mafaufau loloto ia Nifae, ou te fesili ifo ia te a’u lava: “Pe ua lava ea lo’u faatuatua le maluelue efilifiliai e mulimuli i le perofeta, e tusa lava pe Na te valaaulia a’u e fai ni mea faigata? O le a le galuega faaleagaga e manaomia ona ou faia e atiina ae ai le faatuatua e le maluelue?”

Filifili e Fai le Galuega Faaleagaga

E tolu mausa faaleagaga na fesoasoani ia te a’u e faateleina ai lo’u faatuatua i le Atua ma talitonu ai e fetalai mai o Ia ia i tatou e ala mai i Lana perofeta:

  1. Ou te tatalo. Ou te alu i se nofoaga filemu, tootuli i lalo, ma aioi atu i le Atua e fesoasoani mai ia ou malamalama ma ia talitonu atili. Ou te faia ni fesili faamaoni ma ole atu mo se fesoasoani e faalotomaualalo ai lo’u loto ma manatua ou te le o vaai i le ata e faavavau o lo’u olaga, e pei ona Ia faia.

  2. Ou te suesue i a’u tusitusiga paia, aemaise lava le Tusi a Mamona, aua e i ai le mana tele e valaaulia ai le Agaga Paia i lo’u olaga. Ou te vaai i upu ma fasifuaitau e faatatau i le mataupu lea o loo ou fesili ai. Ou te suesue i upu a perofeta o aso nei. Ou te faitauina lo’u faamanuiaga faapeteriaka. Ou te mafaufau loloto. Ou te taulotoina. Ou te faitau leotele foi.

  3. Ou te faalogo. Ou te tapeina le lalolagi e ala i le tapunia o la’u telefoni, le initoneti, ma soo se leo faatautava lava. Ou te faalogo i lo’u mafaufau ma lo’u loto aua o iina e fetalai mai ai le Agaga Paia ia te a’u (tagai Mataupu Faavae ma Feagaiga 8:2–3).

Pe a ou faia le galuega faaleagaga e tatau ai, ou te maua i taimi uma se faamautinoaga toafilemu e saunoa mai le perofeta i le upumoni. O nisi taimi e vave ona oo mai o’u faamautinoaga. O isi taimi e manaomia ai le taimi. Ae ou te molimau atu e oo mai lava tali.

Ina ua mavae le maliu o Nifae, sa faaauau pea e lona uso laitiiti o Iakopo ona valaaulia i tatou efilifilie faia le galuega faaleagaga e atiina ae ai le faatuatua e le maluelue i o tatou perofeta.

Sa folafola mai Iakopo: “O le mea lea, ua matou suesue ai i perofeta, ma sa matou maua faaaliga e tele ma le agaga o valoaga; ma o le mauaina o nei molimau uma na matou maua ai se faamoemoe, male maluelueai lo matou faatuatua, ua oo ina mafai moni lava ona matou poloai atu i le suafa o Iesu ma usiusitai ai laau ia te i matou, po o mauga, po o galu o le sami” (Iakopo 4:6; faaopoopo le faamamafa).

E mafai ona tatoufilifilie faia le galuega faaleagaga e manaomia e atiina ae ai le faatuatua e le maluelue ia Iesu Keriso ma i o tatou perofeta soifua. A o tatou faia, e mafai ona tauia i tatou i faamanuiaga matagofie e faavavau o le a faamalamalamaina ai le ala o feagaiga o le avea ma soo ma aumaia ia i tatou le filemu ma le lototele tatou te manaomia e tetee atu ai i soo se faafitauli tele i o tatou olaga.