Digital Lamang
Pagkab-ot sa mga Tumong pinaagi sa Grasya ni Kristo
Ang pagtinguha sa langitnong tabang nagtugot kanato nga mas mahisama ni Jesukristo sa atong inadlaw-adlaw nga kinabuhi.
Si Jesukristo mao ang hingpit nga ehemplo sa paglambo.
“Ug siya wala makadawat sa kahingpitan sa sinugdanan, apan nakaangkon og grasya ug dugang pa nga grasya, hangtod nga siya nakadawat sa kahingpitan;
“Ug sa ingon siya gitawag og Anak sa Dios, tungod kay siya wala makadawat sa kahingpitan sa sinugdanan” (Doktrina ug mga Pakigsaad 93:13–14).
Kita makakaplag og kalamposan diha sa pagsunod sa Iyang ehemplo pinaagi sa atong mga buhat ug grasya ni Kristo.
Ang grasya naglakip sa makapahimo nga gahom ug kalig-on nga naggikan ni Jesukristo ug sa Iyang Pag-ula. “Ang importante nga ideya sa pulong mao ang balaang paagi sa tabang o kusog, nga gihatag pinaagi sa abunda nga kalooy ug gugma ni Jesukristo.”1
Kabahin sa plano sa Langitnong Amahan alang nato mao ang pagkat-on ug paglambo sa “grasya ug dugang pa nga grasya,” hangtod nga kita mahingpit diha kang Kristo (tan-awa sa Moroni 10:32).
Samtang nagtrabaho kita sa atong mga tumong aron mas molambo sama ni Jesukristo, kinahanglang iapil nato Siya ug mosalig Kaniya aron makakaplag og mas dakong kalig-on, gahom, ug kalipay.
Pagkat-on pa og dugang bahin sa pagtakda og mga tumong gikan sa bag-ohay nga mga pagtulon-an gikan sa mga propeta ug apostoles diha sa social media o sa Kabataan ug Kabatan-onan Tamdanan nga Giya sa Kabatan-onan.