O a ki o le perisitua?

O ki o le perisitua o le pule ua tuuina atu e le Tama Faalelagi i taitai perisitua e taitai ai le faaaogaina o Lana perisitua i le lalolagi. O Iesu Keriso o loo umiaina ki uma o le perisitua. “O ki o lenei tisipenisione,” lea e manaomia e taitai ai le Ekalesia, na tuuina atu i le Perofeta o Iosefa Samita (tagai MF&F 110:16). O loo umia e le Au Peresitene Sili ma le Korama a Aposetolo e Toasefululua ia na ki. Ua tuuina atu foi na ki o le perisitua i le Au Peresitene o Fitugafulu; peresitene o malumalu, misiona, siteki, ma itu; epikopo; peresitene o paranesi; ma peresitene o korama—e aofia ai peresitene o korama a le Perisitua Arona.

Saunia oe lava ia faaleagaga

Mafaufau i taitai perisitua i lou olaga.Aisea e taua ai ia te oe le lagolagoina o i latou o loo umia ki o le perisitua? O a aafiaga na e maua ao lagolagoina taitai o le Ekalesia e mafai ona e faasoa atu i alii talavou?

O le a se mea e mafai ona e fai e fesoasoani ai i alii talavou ia malamalama i le taua o ki o le perisitua i le Ekalesia? E faapefea ona e fesoasoani i le peresitene o le korama e faaaoga ana ki o le perisitua e faamanuia ai olaga o uso o le korama?

Suesue ma le agaga tatalo mau ma punaoa nei. O a mea o le a fesoasoani i alii talavou e malamalama ai i ki o le perisitua?

Mataio 16:18–19 (Ua folafola atu ia Peteru ki o le malo o le Atua)

Mosaea 25:19 (Ua faatagaina e Mosaea Alema e faatu le Ekalesia)

MF&F 65:2 (E manaomia ki o le perisitua mo le talalelei ina ia agai ai i luma)

MF&F 124:123, 142–43 (E umia e peresitene ki o le perisitua e pulea ai le galuega talai)

MF&F 132:7 (O le Peresitene o le Ekalesia ua na o le pau lea o le tagata i le lalolagi e faatagaina e faaaogaina ia ki uma o le perisitua)

Gary E. Stevenson, “O Fea o I Ai Ki ma le Pule o le Perisitua?” Ensign po o le Liahona, Me 2016, 29–32

Dallin H. Oaks, “O Ki ma le Pule o le Perisitua,” Ensign po o le Liahona, Me 2014

“Perisitua,” Faamaoni i le Faatuatua (2004) 136–38

Vitio: “Aoao Lou Tiute”; “Toe Fuataiina o Ki o le Perisitua”; “O le Perisitua, o se Avanoa e Auauna Atu Ai”

2:33

2:8

1:19

Tuu atu i alii talavou e taitai

E taitai e se uso o le au peresitene o le korama le fonotaga faalekorama. Na te taitaia alii talavou i le fefautuaai faatasi e uiga i mataupu faalekorama, aoao atu i latou i o latou tiute faaleperisitua (mai tusitusiga paia ma le tusi o le Tiute i le Atua), ma valaaulia se faufautua po o isi uso o le korama e aoao atu se lesona o le talalelei. E mafai ona ia saunia e ala i le faatumuina o se lisi o mataupu talanoaina o le fonotaga a le korama i le taimi o se fonotaga a le au peresitene.

Amata le aafiaga faaleaoaoga

Filifili mai nei manatu pe mafaufau i ni ou lava manatu e iloilo ai le lesona o le vaiaso ua tea ma faalauiloa atu le lesona o lenei vaiaso:

Valaaulia ni alii talavou se toalua e faasoa mai se mea na la manatuaina mai le lesona o le vaiaso ua tea ma pe na faapefea ona aafia ai a la amioga i le vaiaso.
Valaaulia alii talavou e fetufaa'i i le faataitaiga lenei: Afai o loo e fai aso malolo mamao mai le ekalesia, pe mafai ona e faatinoina le faamanatuga i lou aiga? E fai ma se vaega o lenei fetufaa'iga, valaaulia ia latou mafaufau loloto ma tali fesili e pei o nei: O a ki o le perisitua? O ai e umia ki o le perisitua i le Ekalesia? Fautuaina i latou e saili mo tali ao latou faitau i le “Ki o le Perisitua,” i itulau 126-127 o le Faamaoni i le Faatuatua, pe matamata le vitio “Toefuataiina o Ki o le Perisitua”.

2:8

Aoao faatasi

O gaoioiga taitasi nei o le a fesoasoani i uso o le korama e malamalama ai i ki o le perisitua. I le mulimuli ai i le uunaiga a le Agaga, filifili se tasi po o le sili atu o le a sili ona aoga mo lau korama:

I se sauniuniga mo le fonotaga a le korama, valaaulia le peresitene o le korama e toe iloilo le vitio “O Le Perisitua, o se Avanoa e Auauna Atu Ai.” Fai atu ia te ia e faasoa mai i le taimi o le fonotaga a le korama se mea sa ia aoaoina e faatatau i le uiga o le umia o ki o le perisitua. E mafai ona ia faia lenei mea o se vaega o lana fuafuaga i le Tiute i le Atua e aoao mai ai ma aoao atu e uiga i le perisitua ma ki o le perisitua (tagai “Malamalama i le Aoaoga Faavae” itulau 18, 42, po o le 66).

1:19
I lana lauga “O Fea o I Ai Ki ma le Pule o le Perisitua?” Sa faamalamalamaina e Elder Gary E. Stevenson ki o le perisitua i le faatusatusaina i ki o le taavale. A o faitau alii talavou i lenei faatusatusaga, faasino i latou e vaavaai mo mea o loo i le tala faatusa o loo suitulaga i le perisitua, ki o le perisitua, ma taitai perisitua o e o umia ki. O a ni auala o loo fautua mai e Elder Stevenson e mafai e le tupulaga talavou ona “maua ai ki”? E mafai faapefea ona tatou mulimuli i lana fautuaga? Valaaulia alii talavou e mafaufau i ni a latou lava lesona faatino e mafai ona latou faaaogaina e faamatala ai ki o le perisitua.
Tusi mau fesootai nei i le laupapa: Mataio 16:18–19; MF&F 124:123, 142–43; MF&F 132:7. Valaaulia uso o le korama e faitau mau taitasi ma tusi se aotelega e tasi le fuaiupu o mea na latou aoaoina e uiga i ki o le perisitua mai fuaiupu.Tuu atu i alii talavou taitasi e faitau leotele se tasi o ana aotelega, ma fai atu i alii talavou e faailoa mai po o le a le mau o loo ia aoteleina.Fesili atu i uso o le korama pe aisea e taua ai ia i latou le i ai o ki o le perisitua i le lalolagi i le taimi nei.
Faaali le vitio “Aoao Lou Tiute.” O le a le mea o loo valaaulia e Brother Gibson au peresitene o korama e fai? O a mea o loo ia valaaulia uso o korama ma faufautua e fai? O le a se mea o le a tatou faia e faatino ai ana valaaulia? Mafaufau e valaaulia le peresitene o le korama e taitaia lenei talanoaga.
Valaaulia sui taitasi o le korama e faitau le vaega lona III o le saunoaga a Elder Dallin H. Oaks “O Ki ma le Pule o le Perisitua” ma tusi se parakalafa puupuu o otooto mai ai i ana lava upu, mea sa ia aoaoina e uiga i ki o le perisitua. Tuu atu i alii talavou se taimi e faasoa mai ai mea sa latou tusiaina ma tuu mai soo se latou fesili o i ai e uiga i ki o le perisitua.

Fai atu i alii talavou e faasoa mai mea na latou aoaoina i le aso. Pe ua latou malamalama atili i ki o le perisitua? O a ni o latou lagona ma ni uunaiga? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Motugaafa faafaiaoga

“Ia tuuina atu ni fesili e moomia ai ona sailia e tagata o loo aoaoina ia ni tali i totonu o tusitusiga paia ma aoaoga a perofeta o aso e gata ai” (Aoao Atu, E Leai Se Valaauga e Sili Ai [1999], 64).

Valaaulia e faatino

O le alii talavou o loo taitai e faaiuina le fonotaga.E mafai ona ia:

Faasoa mai ni ona lagona e uiga i le tiutetauave o le umia o ki o le perisitua.
Valaaulia sui o le korama e faasoa mai ma o latou aiga mea sa latou aoaoina i le aso.