E mafai faapefea ona ou avea atili e faapei o Keriso i lou auauna atu i isi?

Na faatuina e Iesu Keriso le faataitaiga atoatoa o le ala e alofa atu ai ma auauna atu ai ia i latou na vagaia o Ia. I le papatisoga, ua tatou folafola atu e auauna atu i isi. E mafai ona tatou auauna atu i isi e pei ona faia e le Faaola i le tele o auala, e pei o le fesoasoani i se tagata o le aiga, faasoa atu o le talalelei i isi, ma faatino ni galuega faigofie ma masani ai o le agalelei.

Saunia oe lava ia faaleagaga

O le a se mea sa e aoaoina mai tusitusiga paia e uiga i le auala na auauna atu ai Keriso i isi? Na faapefea ona faamanuiaina oe e ala i le auauna atu faaKeriso i isi? Na faapefea ona e mulimuli i le faataitaiga a le Faaola o le auauna atu?

O a avanoa o loo maua e tamaitai talavou mo le auauna atu? O anafea na e vaaia ai i latou o loo auauna atu i isi? O a ni aafiaga e mafai ona latou faasoa atu i le tasi ma le isi? Mata e ono aafia o latou aiga ao saili tamaitai talavou ia auauna atili atu ia i latou?

O a mau ma nisi punaoa o le a fesoasoani i tamaitai ina ia malamalama i le taua o le auauna atu i isi e pei ona faia e Keriso.

Mataio 14:13–21; Iaone 9:1–7; 13:4–5, 12–17; 1 Nifae 11:31; 3 Nifae 17:5–9 (Faataitaiga a Iesu Keriso o le auauna atu i isi)

Mataio 20:27 (Ua aoao atu e le Faaola Ona soo o le o le a avea ma se tasi e sili o le auauna lea)

Mataio 25:31–46 (Pe a tatou auauna atu i isi, ua tatou auauna atu i le Atua)

Luka 10:25–37 (O le Samaria agalelei; tagatai foi i le vitio faaTusi Paia “Faataoto o le Samaria Agalelei”)

5:12

Ioane 13:34–35 (E tatau ona tatou alolofa atu e pei ona alofa mai le Faaola)

Mosaea 2:17 (Ua aoao mai le Tupu o Peniamina afai tatou te auauna atu i isi, ua tatou auauna atu i le Atua)

Cheryl A. Esplin, “Ua Ia Talosagaina i Tatou e Avea ma Ona Aao,” Ensign po o le Liahona, Me 2016, 6–9

Michael T. Ringwood, “Lelei Moni Lava ma Aunoa ma le Faa’ole’ole,” Ensign po o le Liahona, Me 2015, 59–61

Thomas S. Monson, “E Le Tuua Lava Na o i Tatou,” Ensign po o le Liahona, Nov. 2013, 121-24

“Auauna Atu,” Mo Le Malosi o le Autalavou (2011), 32–33

Vitio: “Faasaoina o e le Tagolima“ “Taimi e Fesosaoani Atu ai,” “Mo Madison,” “Faamalosiau Atu o le Tasi i le Isi,” “O Avanoa e Fai Ai le Lelei”

5:3

3:50

4:15

4:50

4:2

Aoao atu i le ala a le Faaola

I le taimi o Lana auaunaga i le lalolagi, sa faaalu ai e Iesu Keriso Lona taimi e auauna atu ai ma fesoasoani ia i latou na vagaia o Ia. E faapena foi ona faia e soo moni o Keriso. Sa aoao mai le Faaola, “O le mea lea e iloa ai e tagata uma lava o o’u soo outou, pe afai ua outou fealofani” (Ioane 13:35). A o e aoaoina tamaitai talavou, tagai mo avanoa e valaaulia ai i latou e faasoa mai pe faapefea ona latou auauna atu i isi ma po o le a foi le mea o uunaia i latou e auauna atu.

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

Valaaulia ia tamaitai talavou e faitau le Ioane 13:34–35, ma fai atu ia i latou e saili ni ata mai le Tusi Ata o le Talalelei po o se mekasini a le Ekalesia lea o loo faaali mai ai le Faaola po o nisi o loo tuuina atu se auaunaga alofa. Valaaulia i latou e faaali mai a latou ata i le vasega ma faamatala mai le mea sa latou aoaoina mai le ata e uiga i le auaunaga faaKeriso.
Valaaulia ia tamaitai talavou e faasoa mai ni aafiaga sa latou mauaina talu ai nei i le auauna atu i isi (aemaise i tagata o o latou lava aiga). Na faapefea ona aafia i latou e ala i lenei auaunaga? Na faapefea ona aafia isi?
Fesili atu i tamaitai talavou pe sa i ai se taimi sa laveaiina ai faaletino i latou i se taimi faigata. O a ni o latou lagona e uiga i le tagata sa fesoasoani ia i latou? Matamata i le vitio “Faasaoina o e le Tagolima,” ma valaaulia ia tamaitai talavou e talanoa i mea sa latou aoaoina mai ia Peresitene Monson e uiga i le auauna atu i isi e pei ona faia e le Faaola.

5:3

Aoao faatasi

O gaoioiga taitasi nei o le a fesoasoani i tamaitai talavou e tuuina atu ni auaunaga faaKeriso. I le mulimuli ai i le taitaiga a le Agaga, filifili se tasi pe sili atu e aoga mo lau vasega:

I lana saunoaga “Ua Ia Talosagaina i Tatou e Avea ma Ona Aao,” Ua faamatala mai e Sister Cheryl A. Esplin le tala e uiga i se taitai o Tamaitai Talavou o le na uunaia tamaitai talavou taitoatasi e aapa atu ia “iloa ma auauna atu i isi—tiai ese ia faaata ma vaai e ala i le faamalama.” Ina ia fesoasoani i tamaitai talavou ia malamalama i lenei mataupu faavae, e mafai ona e faia le gaoioiga ua faamatalaina i le lauga, faaaogaina o se faaata ma se mea e suitulaga i se faamalama. Aisea e manatu ai tamaitai talavou e taua mo i tatou le taulai atu i isi nai lo na o i tatou lava a o tatou auauna atu? E mafai foi ona valaaulia tamaitai talavou e mafaufau loloto ma tusi i lalo tali i fesili e fa ua makaina lea na tuuina mai e Sister Esplin i le faaiuga o lana lauga.
Fai atu i le tamaitai talavou e mafaufau poo a mea e uunaia ai tagata e auauna atu. Ia fai se lisi i luga o le laupapa ma faailoa atu pe o le fea o uunaiga e FaaKeriso ma o le fea e faalelalolagi. Valaaulia le tamaitai talavou e iloilo le lauga a Elder Michael T. Ringwood “Lelei Moni ma Aunoa ma le Faa’ole’ole,” ma vaavaai mo mea na ia aoaoina e uiga i uunaiga FaaKeriso. O a ni faataitaiga e mafai e tamaitai talavou ona mafaufau i ai—mai i tusitusiga paia pe mai i o latou aafiaga faaletagata lava ia—o tagata na tuuina atu le auaunaga FaaKeriso? Tuu atu i tamaitai talavou le taimi e tusi ai tusi faafetai ia i latou o e na tuuina atu ia i latou le auaunaga FaaKeriso.
Tofi tamaitai talavou taitasi e faitau se mau e uiga i le auauna atu mai le soifuaga o le Faaola (e pei o mau na o loo fautuaina mai i lenei otootoga), ma fai atu ia te ia e otooto mai le tala mo le vasega ma faamatala mai po o le a le mea na faia e le Faaola e auauna atu ai i isi. O le a se mea o aoao mai e le faataitaiga a le Faaola e uiga i le tuuina atu o le auaunaga? Fai atu i tamaitai talavou e mafaufau i ni auala e mafai ona latou tuuina atu ai se auaunaga faaKeriso i o latou lava aiga.
Fesili atu i tamaitai talavou, ”O le a se mea sa aoao mai e le Faaola i le faataoto o le Samaria agalelei?“ Faitau faatasi o se vasega, le faataoto o le Samaria agalelei i le Luka 10:25–37 (pe matamata le vitio “O Le Samaria Agalelei”). Fai atu i tamaitai talavou e faasoa mai tala o ni taimi sa faamanuiaina ai i latou e ala i auaunaga faaKeriso a isi. Aisea tatou te iloa ai i nisi taimi le faigata o le auauna atu i isi (e pei o le aoao ma le sa Levi)? O a ni avanoa o maua e tamaitai talavou e ”o atu ai, ma fai“ e pei ona faia e le Samaria agalelei?

5:12
Valaaulia tamaitai talavou e faitau le tala e uiga ia Tiffany mai i le saunoaga a Peresitene Thomas S. Monson “E Le Tuua Lava Na o i Tatou.” E mafai ona e faaali atu se vitio se tasi pe sili atu o loo fautuaina atu i le otootoga lenei. O a ni mea na faagaeetia ai tamaitai e uiga i faatinoga o le auauna atu i le lauga ma vitio? Na faapefea ona iloa e tagata o loo i tala ma vitio le manaomia o le tuuina atu o le auaunaga? Tuu atu se taimi i tamaitai talavou e mafaufau loloto ai ma faasoa mai nisi faataitaiga talitutusa o auaunaga sa latou vaaia. Valaaulia i latou e faasoa mai se mea sa latou lagona le musuia e fai ina ua uma ona aoao e uiga i nei faataitaiga.

Fai i tamaitai talavou e faasoa mai mea sa latou aoaoina i le aso. Pe o latou malamalama i le auala e tuuina atu ai se auaunaga faaKeriso? O a ni o latou lagona po o ni uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Faamaea soo se mea e faatonuina e fai mo le tulaga faatauaina o le Galuega Lelei i le Alualu i Luma o le Tagata Lava Ia ma lipoti mai le mea sa latou faia i le vasega e sosoo ai.
Fuafua ma faatino se faatinoga laitiiti o le auaunaga, a le o le taitoatasi po o se gaoioiga o le Mutuale.

Faasoa atu ma tamaitai talavou se mea o le a latou suesueina i le vaiaso e sosoo ai. O a ni o latou manatu ma fesili e uiga i lenei autu? O le a se mea e mafai ona latou faia e sauni ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso e sosoo ai.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.