Avea Atili e Faapei o Keriso

“Ua fetalai atu Iesu ia te ia, O a’u nei le ala, ma le upu moni, ma le ola” (Ioane 14:6).

O otootoga i lenei iunite o le a fesoasoani lea i tamaitai talavou e aoao ai e uiga i le atinaeina o uiga faaKeriso. Ua poloaiina i tatou uma e Iesu Keriso, “Ia outou atoatoa e pei lava o a’u, po o lo outou Tama o le o i le lagi e atoatoa” (3 Nifae 12:48). O le atiinaeina o uiga faaKeriso o le a fesoasoani i tamaitai talavou e faataunuu a latou gafatia paia o ni afafine o le Atua. O le a latou manaomiaina nei uiga pe a latou fetaiai ma luitau o le ola ai i taimi faigata ma a o latou saunia e tausia ni aiga amiotonu i le lumanai.

Otootoga e Filifili mai ai i le Masina Lenei

• E mafai faapefea ona ou avea atili e faapei o Keriso?

• E mafai faapefea ona ou atiaeina le alofa faa-Keriso?

• E mafai faapefea ona ou avea atili e faapei o Keriso i lo’u auauna atu i isi?

• E mafai faapefea ona ou aoao ina ia onosai atili?

• Aisea e taua ai ona loto faafetai?

Mutuale

Mafaufau pe mafai faapefea ona e fuafuaina gaoioiga lea e fesootai ma mea o loo aoaoina e le autalavou. O loo avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o le Mutuale. Galulue ma au peresitene o vasega e filifili ma fuafua ni gaoioiga talafeagai e faamalosia ai mea o aoao e tamaitai talavou i le Aso Sa.