Aisea e taua ai sauniga o le malumalu?

O sauniga o le malumalu e taitai atu i faamanuiaga silisili ua avanoa mo fanau a le Tama Faalelagi. O nei sauniga e saunia ai i tatou e ola faavavau ma le Tama Faalelagi ma o tatou aiga pe a mavae atu lenei olaga. Latou te faamanuiaina i tatou i le mana faaleagaga ma le taitaiga i lenei lalolagi. I le malumalu, e mafai foi ona tatou maua sauniga e manaomia e fai ma sui o tuaa o e na maliliu e aunoa ma le avanoa e maua ai nei sauniga mo i latou lava.

Saunia oe lava ia faaleagaga

Na faapefea ona taitaia ma faamanuiaina lou olaga e sauniga o le malumalu? Na faapefea ona aumaia faalatalata oe i le Tama Faalelagai i le auai atu i nei sauniga?

O a ni aafiaga o sauniga o le malumalu na maua e tamaitai talavou? E faapefea ona latou fesoasoani i isi ia aoao e uiga i ma maua se molimau i sauniga o le malumalu?

Ao e sauniuni, ia suesue ma le agaga tatalo ia mau ma punaoa nei. O le a se mea o le a uunaia ai tamaitai talavou ina ia agavaa mo ma auai atu i sauniga o le malumalu?

MF&F 84:19–22 (O le mana faaleatua o loo faaalia e ala mai sauniga o le perisitua)

MF&F 109 (Faapaiaga o le Malumalu o Katelani)

MF&F 131:1–4 (E manaomia le faaipoipoga faaselesitila ina ia maua ai le tikeri sili ona maualuga o le mamalu)

Kent F. Richards, “O Le Mana o le FaaleAtua,” Ensign po o le Liahona, Me 2016, 118–20

Thomas S. Monson, “O Faamanuiaga o le Malumalu,” Ensign po o le Liahona, Me 2015, 91-93

Quentin L. Cook, “O A’a ma Lala,” Ensign po o le Liahona, Me 2014, 44–48

“Malumalu,” Faamaoni i le Faatuatua (2004), 105–09

Vitio: “O Malumalu o se Sulu Taiala”

2:50

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

Valaaulia tamaitai talavou e mafaufau e uiga i se aafiaga talu ai nei na latou maua i le malumalu. O le a se mea na latou lagonaina iina? O a faamanuiaga na latou maua i le auai i le malumalu? O anafea na latou lagonaina ai ua latou maua le malosi faaleagaga po o le taitaiga i le malumalu?
Valaaulia se tamaitai talavou e uu i luga se ata o le malumalu. Fai atu ia te ia e tau mai nisi o sauniga o le malumalu ma faamatala mai pe aisea e taua ai ia te ia.

Aoao faatasi

O le a fesoasoani gaoioiga taitasi nei i tamaitai talavou e malamalama ai i le auala e taua ai sauniga o le malumalu. I le mulimuli ai i le uunaiaga a le Agaga, filifili se tasi pe sili atu e aoga mo lau vasega:

Fai atu i tamaitai talavou e faamaea le fuaiupu lenei ma faasoa atu a latou tali i le vasega: “Pe a ou alu i le malumalu, __________.” O a nisi tali latou te mauaina i le lisi o loo i le saunoaga a Elder Kent F. Richards “O Le Mana o le FaaleAtua”? E mafai foi ona latou suesue i le lauga ma tagai mo ni tali i le fesili “Aisea e taua ai sauniga o le malumalu?” Fai atu i tamaitai talavou e faasoa mai se aafiaga lata mai nei sa latou mauaina i le auai ai i le malumalu. O a ni faamanuiaga sa latou mauaina mai le galuega faalemalumalu?
Valaaulia ia tamaitai talavou e vaavaai mo faamanuiaga lea e oo mai e ala i le tapuai i le malumalu i le saunoaga a Peresitene Thomas S. Monson “Faamanuiaga o le Malumalu.” O a faamanuiaga ua oo atu ia i latou a o latou auai atu i le malumalu ma auai i sauniga o le malumalu? E mafai foi ona e faasoa mai ni aafiaga mai lou lava olaga e faailoa mai ai le auala na faamanuiaina ai oe e sauniga o le malumalu.
Faaali se ata o se ulugalii ua faaipoipo i luma o se malumalu (tagai i le Tusi Ata o le Ekalesia, 120). Fai atu i tamaitai talavou e faitau faatasi mai le Mataupu Faavae ma Feagaiga 131:1–4 ma vaavaai mo faamanuiaga ua folafola mai ia i latou o e ulu atu i le feagaiga fou ma faavavau o le faaipoipoga. O a faamanuiaga o le a taofia mai ia i latou o e le ulu atu i lenei feagaiga? E faapefea ona ese le vaaiga a le Alii e uiga i le faaipoipoga mai le vaaiga a le lalolagi? Faasoa atu lau molimau i tamaitai talavou e uiga i faamanuiaga o loo avanoa ia i latou ma o latou aiga i le lumanai pe a latou auai i sauniga o le malumalu.
Faaali le vitio “O Malumalu o se Sulu Taiala” ma fesili atu i tamaitai talavou pe aisea latou te manatu ai na naunau le aiga a Mou Tham ina ia faia ni osigataulaga tetele e o ai i le malumalu. O a ositaulaga sa latou faia pe na vaaia o faia e isi ia auai ai i le malumalu ma maua ona faamanuiaga?

2:50
Vavae le vasega i le afa, ma fai atu i le isi afa e vaai faalemafaufau faapea o i latou o tuaa ua maliliu o le isi afa. Fai atu ia i latou e vaai faalemafaufau faapea na latou maliliu e aunoa ma le papatisoina peitai ua latou taliaina le talalelei i le lalolagi o agaga. Fai atu ia i latou e tusi se savali i o latou tuaa o loo soifua ma avatu i se tasi o tamaitai talavou i le isi afa o le vasega. Fai atu i tagata o le vasega e faitau leotele mai ia savali. Tusi i luga o le laupapa le autu o le lesona lenei, ma valaaulia tamaitai talavou e mafaufau i le fesili lenei a o latou faitauina ia parakalafa lona tolu ma le lona fa o le vaega ua faaulutalaina “Tekinolosi o Tala Faasolopito” i le saunoaga a Elder Quentin L. Cook “O A'a ma Lala.” Fai atu ia i latou e faasoa mai ni o latou manatu.

Fai i tamaitai talavou e faasoa atu mea sa latou aoaoina i le aso. Pe ua latou malamalama i le taua o sauniga o le malumalu? O a ni o latou lagona po o uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Faia papatisoga mo e ua maliliu e avea o se gaoioiga a le vasega, e ave ai igoa o o latou lava aiga pe a mafai. E mafai foi ona latou faaaogaina mea na latou aoaoina i le aso e fautuaina ai isi tamaitai talavou ina ia saunia latou te auai faatasi ai i le malumalu.
Faataunuu le mea e faatonuina e fai mo le tulaga faatauaina o le Mama 3 i le Alualu i Luma o le Tagata Lava Ia.

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.