O Sauniga ma Feagaiga

“O ona sauniga, ua faaalia ai le mana o le faale-atua” (Mataupu Faavae ma Feagaiga 84:20).

O otootoga i lenei iunite o le a fesoasoani lea i tamaitai talavou ia malamalama i sauniga ma feagaiga o le talalelei. O aafiaga ua latou maua i lenei iunite e mafai ona fesoasoani ia i latou ia talisapaia ma faamamalu i feagaiga sa latou osia ma taulai atu i sauniga o le a latou maua i le lumanai, e aofia ai le sauniga o le malumalu. O le a latou aoao e uiga i le taitaiga ma le puipuiga e maua e i latou ma o latou aiga pe a latou “osia ma tausia feagaiga paia [ma] maua sauniga o le malumalu” (Tusitaulima 2: Taitaiina o le Ekalesia [2010], 10.1.2).

Otootoga e Filifili mai ai i le Masina Lenei

• Aisea e taua ai sauniga i lo’u olaga?

• Aisea e taua ai feagaiga i lo’u olaga?

• O a feagaiga na ou osia i le papatisoga?

• E faapefea ona ou maua le meaalofa o le Agaga Paia?

• Aisea e taua ai sauniga o le malumalu?

• O le a le uiga o le ave i o’u lava luga o le suafa o Iesu Keriso?

Mutuale

Mafaufau pe mafai faapefea ona e fuafuaina gaoioiga lea e fesootai ma mea o loo aoaoaina e le autalavou. O loo avanoa le saite o Gaoioiga a le Autalavou e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o Mutuale. Galulue ma au peresitene o vasega e filifili ma fuafua ni gaoioiga talafeagai e faamalosia ai mea o aoao e tamaitai talavou i le Aso Sa.

Alualu i Luma o le Tagata Lava Ia

O mea faatonuina nei e fai mai le Alualu i Luma o le Tagata Lava Ia e faatatau i lesona o loo i le iunite lenei:

• O mea faatonuina nei e fai mo le tulaga faatauaina o le Faatuatua 4

• O mea faatonuina nei e fai mo le tulaga faatauaina o le Amio Atua 4

• O mea faatonuina nei e fai mo le tulaga faatauaina o le Poto 4

• O mea faatonuina nei e fai mo le tulaga faatauaina o le Filifiliga ma le Tali Atu mo A’u Lava 5

• O mea faatonuina nei e fai mo le tulaga faatauaina o le Mama 3 ma le 4