Pahibalo

Elder Paul V. Johnson

Sa Seventy

Imahe

Debosyonal sa CES para sa mga Young Adult • Nobyembre2, 2014 • Ogden Tabernacle, Ogden, Utah

Mga kaigsoonan, kitang tanan anak sa mahigugmaong Langitnong Amahan kinsa nagtawag ug nagdasig sa mga lider aron sa pagtabang ug paggiya nato. Dakong panalangin nga mag-uban samtang kita magkat-on gikan niadtong gisangon sa pagtudlo kanato. Salamat sa inyong pag-anhi karong gabhiuna. Sa atong pagsugod, buot kong mopahibalo og mubo apan importante nga mga pahibalo.

Ang atong unang pahibalo kay sugod Enero 2015, ang mga debosyonal sa CES sama niini pagatawgon na og Tibuok Kalibutan nga Debosyonal sa mga Young Adult. Kining tibuok kalibutan nga debosyonal mahitabo tulo ka beses kada tuig—sa Enero, Mayo, ug Septyembre. Kining kausaban gituyo sa paghatag og gibug-aton sa kaimportante sa kada sibya ug pagsiguro nga ang tanang young adult, bisan asa ug unsay inyong kahimtang, gidapit sa pagtambong. Kami naglaum nga kamo maningkamot nga motambong sa kada debosyonal ug awhagon ang uban nga motambong aron kamo ug sila may panahon nga makigsandurot, makapaminaw og tambag sa atong mga lider, ug makadawat og personal nga pagpadayag ug giya. Among giawhag ang mga lider sa priesthood sa paghimo niining tibuok kalibutan nga debosyonal nga importanting kalihokan sa lokal nga mga dapit.

Ang lain nga pahibalo kabahin sa mga religion class nga gikinahanglan para makagradwar sa mga Institute of Religion ug unibersidad sa Simbahan. Ang Church Board of Education ug ang Boards of Trustees sa BYU, BYU–Idaho, BYU–Hawaii, ug LDS Business College miaprubar sa upat ka bag-ong mga kurso nga itanyag sugod sa tinglarag sa 2015. Kining kurso mao ang “Si Jesukristo ug ang Mahangturong Ebanghelyo,” “Mga Pagtulun-an ug Doktrina sa Basahon ni Mormon,” “Mga Sukaranan sa Pagpahiuli,” ug “Ang Mahangturong Pamilya.”

Kining bag-o nga mga kurso gituyo aron mahimong bato sa pamag-ang sa inyong kasinatian sa religious education. Kini nakasentro sa kasulatan ug pagtulun-an sa mga propeta karon, sa Manluluwas, Iyang doktrina, ug mahinungdanong panghitabo sa kasaysayan a Simbahan. Samtang kamo magtuon sa tanang sukaranang kasulatan, ang mga kasulatan han-ayon, nagtabang kaninyo nga mahimong eskolar sa ebanghelyo ug mas makasabut ug makadayeg sa sukaranang mga kasulatan. Kini nga mga klase molig-on sa inyong mga kasinatian sa simbahan ug sa personal inubanan sa pagtuon sa ebanghelyo. Kini makatabang ninyo sa paggamit sa mga baruganan sa ebanghelyo sa paagi nga makahuluganon sa inyong mga kahimtang karon.

Ipasabut usab nako nga tanang kurso sa kasulatan, uban sa mga religon class, padayon nga itanyag sa atong mga institute ug mga unibersidad. Kining bag-ong kurso kinahanglanon sa bag-ong mga estudyante ug maanaa sa daan nga mga estudyante. Palihug og tambong niining klase ug maningkamot nga makagradwar sa unibersidad sa Simbahan o Institute of Religion. Kon inyo nang nakompleto ang mga kinahanglanon sa gradwasyon, ikonsiderar ang pagtambong niining klase samtang nagpadayon sa inyong pagtuon sa ebanghelyo pinaagi sa pagtambong og institute ug mga religion class sa unibersidad sa Simbahan. Sa umaabut nga mga adlaw kamo mas masayud niining bag-ong mga kurso pinaagi sa pagbisita sa education.lds.org.

Mapasaligon ko nga samtang kamo moapil sa tibuok kalibutan nga mga debosyonal ug mga religion class, mas makasabut mo sa kasulatan, makauban ninyo ang mga tawo nga mobayaw ug modasig ninyo, ug inyong mapalig-on inyong pagtuo ug pagpamatuod ni Jesukristo. Hinaut nga kini mahitabo kaninyo, sa pangalan ni Jesukristo, amen.