Ang Adlaw nga Igpapahulay

Chad H. Webb

Assistant Administrator, Seminaries and Institutes of Religion

Sibya sa Satellite sa Seminaries and Institutes of Religion, Agosto 4, 2015 • August 4, 2015

Gikalipay nga makig-uban ninyo karon ug natudloan pag-ayo. Nindot gyud kaayo nga ania dinhi. Unta masayran ninyo ang akong gugma, pagdayeg, ug pagtahud sa kada usa ninyo ug sa tanan ninyong gibuhat. Mas nindot pa gyud nga malipay pinaagi sa akong asawa, nga si Kristi. Karon ang among ika-25 nga anibersaryo sa kasal, maong naghunahuna mi nga saulugon ni uban sa nubentay otso mil sa among labing suod nga mga higala. Talagsaon kaayo ang nabuhat ninyo ug sa inyong kapikas niini nga organisasyon. Salamat sa inyong mga tampo ug sa pag-anhi dinhi. Nindot nga mahimong kabahin niining buhat kauban ninyo.

Kalabut sa labing ulahing kinatibuk-ang komperensya sa Simbahan, ang training alang sa mga General Authority gihatag bahin sa pagtuman sa Igpapahulay ug paghimo niini nga usa ka kahimut-an. Ang nagdumalang mga korum sa Simbahan nagkahiusa sa talagsaong paningkamot sa tibuok kalibutan sa pagtudlo sa kaimportante sa pagtuman sa adlaw nga Igpapahulay diha sa simbahan ug sa panimalay. Gitudlo kini sa area, sa coordinating, ug sa mga stake council. Ang mga stake president mi-train sa mga bishop, ug maghiusa silang magpadayon sa pagtudlo sa mga miyembro sa ilang stake ug ward.

Training nga Gihatag ngadto sa mga Lider sa Simbahan

Igong gidaghanon sa mga video clip gikan sa General Authority training ang anaa ug ibutang sa atong website.¹ Unta inyo gayung tan-awon, ribyuhon, ug gamiton kining importante nga kapanguhaan. Karon ganahan kong makita ninyo ang mga porsyon sa duha ka presentasyon gikan nianang training. Una makadungog mo ni Presidente Russell M. Nelson. Elder M. Russell Ballard.

Presidente Russell M. Nelson: “Minahal kong kaigsoonan, ipahayag nako ang akong dakong gugma ug pagdayeg ninyong tanan. … Ang Unang Kapangulohan mitutok karong buntaga sa dakong kabalaka natong tanan alang niadtong nawala, wala mailhi, dili kaayo aktibo. Samtang magtutok kita nianang problema, gusto natong motutok sa paglikay nianang matang sa mga problema. Busa, atong tutukan sa sesyon karon ug ugma ang kadaghanan bahin sa pag-ugmad og pagtuo diha sa Dios, kang Ginoong Jesukristo, sa Iyang Pag-ula. … Isip usa sa Iyang naordinahang apostoles, mapasalamaton kaayo ko niining assignment nga gihatag nila nako nga mamulong niining hilisgutan. Ang sugo sa Ginoo nga ibalaan ang Adlaw nga Igpapahulay usa ka mando nga seryuso ug literal natong gisunod. Kon ato gayud kanang mabuhat—kon ato gayud kanang mabuhat—makatabang kita sa atong mga miyembro sa pag-ugmad og pagtuo diha sa Ginoo ug mapalig-on ang ilang pagkakabig ngadto Kaniya ug sa Iyang Simbahan. … Samtang magkat-on kita kon unsaon pagbalaan ang adlaw nga Igpapahulay, ang pagtuo molambo sa tibuok kalibutan.”

Elder M. Russell Ballard: “Mga kasigsoonan gi-welcome gyud mo namo niining importante nga training sa kinatibuk-ang komperensya. Ang Unang Kapangulohan ug Korum sa Napulog Duha migahin og daghang oras sa miaging pipila ka bulan sa pagribyu sa research nga kalabut sa doktrina ug mga baruganan sa Simbahan nga mopalambo sa atong pagtuo sa Langitnong Amahan ug ni Ginoong Jesukristo ug sa Iyang Pag-ula. Sa inyong nahibaloan, padayon kaming nagpakabana bahin sa malungtarong pagkakabig, pagtuman sa pakigsaad, daghang henerasyon nga mga pamilya nga magpabilin sa Simbahan, ug espirituhanong nalig-on nga mga miyembro sa Simbahan. Sa tanang kausaban sa organisasyon ug polisiya o doktrinal nga pagbansay nga makapadali sa buhat sa kaluwasan karong panahona, among natino nga ang pagpalambo sa diwa ug gahum sa adlaw nga Igpapahulay mas makaimpluwensya sa pagpaduol sa mga miyembro ug mga pamilya ngadto ni Ginoong Jesukristo.”

Si Presidente Nelson mihisgut og kabalaka bahin sa pagkadili aktibo ug sa panginahanglan sa paglig-on sa pagtuo diha ni Jesukristo ug sa Iyang Pag-ula. Siya misaad nga “samtang magkat-on kita kon unsaon pagbalaan ang adlaw nga Igpapahulay, ang pagtuo molambo sa tibuok kalibutan.”

Sigurado kong nabantayan usab ninyo nga si Elder Ballard miingon, “Sa tanang kausaban sa organisasyon ug polisiya o doktrinal nga pagbansay nga makapadali sa buhat sa kaluwasan karong panahona, among natino nga ang pagpalambo sa diwa ug gahum sa adlawng Igpapahulay mas makaimpluwensya sa pagpaduol sa mga miyembro ug mga pamilya ngadto ni Ginoong Jesukristo.”²

Ang Tahas [Role] sa Seminaries and Institutes of Religion

Sa tibuok kalibutang paningkamot, ang Seminaries and Institutes of Religion gimanduan sa Church Board of Education sapg-abag pinaagi sa pagbag-o sa atong pagtutok sa pagtudlo sa baruganan bahin sa pagsunod sa adlawng Igpapahulay ug sa doktrina kalabut sa sakrament, ug sa pagpatabang sa kabatan-onan ug mga young adult sa Simbahan nga maningkamot nga mas makasabut ug motuman niining mga baruganan. Ato kanang buhaton pinaagi sa pagpasabut og maayo sa mga baruganan ingon nga kini natural nga makita diha sa atong sequential nga pagtudlo sa kasulatan ug sa atong mga course outline. Pagkanindot nga oportunidad nga anaa kanato sa paghiusa sa atong paningkamot uban niadtong gitawag sa pagpangulo nato isip mga propeta, mga manalagna, ug mga tigpadayag. Sa pagbuhat sa ingon, mas matuman nato ang atong tumong sa pagtabang sa kabatan-onan ug mga young adult nga makasabut ug mosalig sa mga pagtulun-an ug sa Pag-ula ni Jesukristo.

Sa pagpasabut kon unsaon nato pagtudlo ang mga baruganan kalabut sa Igpapahulay ug sa sakrament sa paagi nga mopalambo sa pagtuo diha ni Jesukristo, mipili ko og ehemplo gikan sa Daang Tugon kay daghan ninyo ang motudlo sa Daang Tugon sa umaabut nga mga bulan.

Ang Adlaw nga Igpapahulay

1. Ang Igpapahulay usa ka timaan gikan sa Ginoo ngari kanato

Usa ka importante nga baruganan kalabut sa adlaw nga Igpapahulay naggikan saExodo 31:

“Magabantay mo sa akong mga adlaw nga igpapahulay: kay kini usa ka timaan taliwala kanako ug kaninyo sa tanan ninyong mga kaliwatan; aron kamo mahibalo nga ako mao ang Ginoo nga nagabalaan kaninyo. …

“Busa ang mga anak sa Israel managbantay sa adlaw nga igpapahulay … alang sa usa ka tugon nga walay katapusan.”³

Ang ideya nga ang Igpapahulay usa ka timaan sa pakigsaad sa Dios ngari kanato importante kay ang matag usa nag-atubang og problema, nga “walay mahugaw nga butang nga makapuyo uban sa Dios,”⁴ ug nasayud ta nga “nakasala man ang tanan, ug nakabsan sa himaya sa Dios.”⁵ Ang solusyon, sama sa gipahayag saDoktrina ug mga Pakigsaad 60:7, mao, “Ako dunay katakus sa paghimo ninyo nga balaan.” Ug kana nahitabo, siyempre, pinaagi kang Jesukristo, ang sentro sa plano sa Amahan bahin sa katubsanan. O, sama sa gitudlo ni Apostol Pablo, “gipalit na [Kita] sa usa ka bili.”⁶

Kana nga bili mao ang kinabuhi, pag-antus, ug kamatayon sa hingpit nga Anak sa Dios. Ug unsa man ang ebidensya sa pagpalit? Unsa ang timailhan nga ang pagbayad nahitabo? Ang Igpapahulay usa ka timaan nga walay katapusan bahin sa katumanan sa pakigsaad sa Dios ngadto sa Iyang mga anak, ang timaan nga Siya makapahimo kanato nga balaan.

2. Ang Igpapahulay usa ka timaan gikan kanato ngadto sa Ginoo

Dili lang nga ang Igpapahulay mao ang ebidensya sa pagpalit, ang timaan nga ang ang Ginoo mobalaan nato. Mao usab kini ang timaan gikan kanato ngadto Kaniya kalabut sa atong gibati bahin sa Iyang gibuhat alang nato—unsay atong gibati bahin saIyang sakripisyo ug unsay atong gibati sa atong mga pakigsaad.

Si Presidente Nelson, sa labing ulahing kinatibuk-ang komperensya sa Simbahan nagtudlo: “Niadtong mas batan-on pa ko, gitun-an nako ang lista nga gibuhat sa ubang tawo sa mga butang nga buhaton ug mga butang nga dili buhaton sa Igpapahulay. Ulahi na nakong nasayran gikan sa kasulatan nga ang akong binuhatan ug kinaiya panahon sa Igpapahulay usa ka timailhan timailhan tali kanako ug sa Langitnong Amahan. Ubos nianang pagsabut, wala na ko magkinahanglan og listahan sa angay buhaton ug dili buhaton. Kon kinahanglan nakong modesisyon nga ang usa ka kalihokan angay ba o dili angay alang sa Igpapahulay, mangutana lang ko sa akong kaugalingon, ‘Unsa man nga timailhan ang gusto nakong ihatag ngadto sa Dios?’ Kana nga pangutana nakapaklaro sa akong mga pagpili sa adlaw nga Igpapahulay.”⁷

Matag pagpili kalabut sa Igpapahulay personal; kini indibidwal nga paghalad, timaan sa atong pasalamat nga Siya andam nga mohimo kanatong balaan. Sa dili tinuyo nga pagsugyot og lista sa angay ug dili angayng buhaton, akogustong mosulti nga nakasaksi ko sa kabatan-onan ug mga young adult sa tibuok kalibutan nga mipili sa pagbalaan sa Igpapahulay. Daghan ang mipili nga dili motrabaho og Dominggo, ang uban mihimo sa tumong nga dili magtuon inigka-Dominggo. Usa ka batan-ong babaye sa Thailand mirisgo nga mawad-an og mga higala kay mipili siya nga dili motambong og sosyal nga mga kalihokan atol sa Igpapahulay (usa ka konsepto nga wala pa sukad nadungog sa iyang mga higala). Nakaila ko og usa ka nagtinguha nga mahimong batid nga soccer player sa California kinsa, batok sa grabe nga pressure gikan sa mga kaubanan ug mga coach—ug mirisgo sa bililhong posibilidad alang sa scholarship—determinado nga dili moapil sa organisadong mga kalihokan sa sport atol sa Igpapahulay.

Masaligon ko nga ang Ginoo motahud niining talagsaong kabatan-onan kay sila mitahud Kaniya pinaagi sa pagpili sa pagtuman sa Iyang balaang adlaw. We can teach our students that our attitudes and actions on the Sabbath are a sign to the Lord about how we feel about our covenants and that “keeping a true Sabbath is symbolic of keeping the whole covenant.”⁸

3. Ang Igpapahulay usa ka kahimut-an

Laing baruganan gikan sa Daang Tugon:

“Kong ilikay mo ang imong tiil gikan sa adlaw nga igpapahulay, gikan sa pagbuhat sa imong kalipayan sa akong adlaw nga balaan; ug sa pagtawag sa adlaw nga igpapahulay nga usa ka kahimut-an, ug balaan sa Ginoo, nga halangdon; ug mopasidungog ka niini, nga walay pagbuhat saimong kaugalingong mga paagi, ni pgpangita sa imong kaugalingong kalipay ni magsulti sa imong mga pulong:

“Unya “Unya ikaw magakalipay sa imong kaugalingon sa Ginoo.”⁹

Ang Exodo 16 usa ka nindot nga paghulagway niini nga baruganan. Sa dihang ang mga anak sa Israel mireklamo kalabut sa ilang kagutom ug gustong mobalik sa “kolon sa mga unod” sa Ehipto, ang Ginoo miingon:

“Magapaulan ako og tinapay gikan sa langit alang kaninyo; ug ang katawhan manggula ug magakuha og igong bahin sa tagsa ka adlaw, aron ako makasulay kanila, kong sila magalakaw ba sa akong kasugoan, o dili.

“Ug mahitabo, nga sa ikaunom ka adlaw manag-andam sila niadtong ilang pagadad-on, ug kini mao angpilo sa gidaghanon sa gitigum nila adlaw-adlaw.”¹⁰

Dunay dili mominos sa duha ka dugang nga mga baruganan niadtong mga bersikulo. Ang usa mao nga ang Ginoo misulay sa atong pagkamasulundon sa Igpapahulay. Ang lain mao nga ang Ginoo nagpreserbar ug nag-andam og paagi aron kita makatuman sa Iyang mga sugo. Hunahunaa kon sa unsang paagiha nga kana nakatuman sa saad sa Igpapahulay nga usa ka kahimut-an. Kon nagtrabaho kamo matag adlaw, nagtigum og mana aron mabuhi, ug usa ka adlaw miingon ang Ginoo, “Dili mo kinahanglang motrabaho karon, pero pakan-on lang gihapon mo nako sama ra nga nagtrabaho mo,” dili ba kana usa ka kahimut-an?

Nakadungog ko og bag-o nga bersyon niini nga istorya nga gisaysay nila ni Sister ug Elder Beecher, usa ka missionary couple nga miserbisyo sa Africa. Sila misulat:

“Nagpuyo mi sa pobre kaayo nga lugar sa Kenya sa utlanan sa Uganda. Usa sa among branch president … usa ka mag-uuma nga nagpuyo sa compound sa pamilya. Batan-on siya nga dunay gamay nga pamilya. …

“… Dunay mga miyembro sa iyang branch nga mosulti kaniya … nga dili sila makaadto sa Simbahan sa Dominggo tungod kay … sila nahadlok nga mobiya sa ilang mga balay tungod sa kahadlok nga kawaton sa ilang mga silingan ang ilang mga tanom. … [Kini] TINUOD gayud nga problema. … Gani, ang mga tawo … maghulat nga motanom ang ubang mga silingan, aron maminusan ang kahigayunan nga makuha ang ilang unang ani. …”

“[Moingon usab sila] nga dili sila makaadto sa Simbahan tungod kay kinahanglan silang motrabaho … tungod kay pobre kaayo sila.”

“[Ang branch president] mipadayon, ‘Ako silang gisultihan, “Biyaan nako ang akong balay kada Dominggo ug magpabilin sa simbahan sulod sa taas nga oras. Dili ko motrabaho sa Igpapahulay. Inig uli nako, akong mahibaloan nga ang akong mga silingan mikawat sa akong [mais], sa kong mga manok, sa mga itlog niini, sa akong prutas tungod kay sila gigutom ug sila walay pagkaon. Sa gihapon, akong nakaplagan kon panahon na sa ting-ani, napanalanginan ko tungod kay ang akong yuta daghan og abut kay sa ilaha—bisan og sila nagtrabaho og Dominggo. Daghan og abut ang akong yuta, ug gipanalanginan ko tungod kay nagbalaan ko sa Igpapahulay nga Adlaw.”’

“Nakadungog sa komentaryo [niining branch president], [laing branch president] ang miingon, ‘Makapamatuod ko sa samang butang. Duna koy 2 ka ektarya sa [kamaisan]. Ang akong silingan nagtrabaho sa 10 ka ektarya. Motrabaho siya sa Dominggo. Ako dili. Kon moabut na ang ting-ani, duna koy daghan. Ang akong silingan moduol nako mangayo og pagkaon kay dili paigo ang iyaha. Gipanalangin ko pag-ayo tungod sa pagsunod sa balaod sa Igpapahulay.’”¹¹

Ang paagi sa Ginoo mas labaw kay sa atong paagi—ug mao usab ang Iyang kwentada. Lahi kini kay sa ato. Mao usab kini bahin sa ikapulo dili ba? Sa ikapulo, ang 10 minus og 1 dili mahimong 9. Ang Ginoo mopanalangin kanato sa atong gikinahanglan ug dugang pa. Mao usab kana bahin sa Igpapahulay. Dunay pito ka adlaw sa usa ka semana, pero ang pagtrabaho og unom sa pito ka adlaw makahatag kanato og dugang, dili minos, sa mga butang nga tinud-anay natong gikinahanglan. Hapit na lang ninyo madunggan ang Ginoo nga moingon, “Sulayi ninyo ako karon … kong dili ba buksan ko kaninyo ang mga tamboanan sa langit, ug bu-buan ko kamo sa panalangin, sa pagkaagi nga wala na unyay dapit nga igong kabutangan sa pagdawat niini.”¹²

Dili lang kay ang Igpapahulay usa ka adlaw sa pagpahulay sa pisikal nga trabaho, adlaw usab kini sa espirituhanong pagbag-o; adlaw sa pagpahulay gikan sa kabalaka sa kalibutan. Adlaw kini sa pagpahulay gikan sa mga kabalaka sa kalibutan.

Si President Joseph F. Smith Si Presidente Joseph F. Smith nagtudlo nga ang kapahulayan sa Ginoo nagpasabut nga “pagsulod ngadto sa kahibalo ug gugma sa Dios, ang pagbaton og pagtuo sa iyang katuyoan ug plano, … wala kita mahasol sa matag hangin sa tuluhoan, o pinaagi sa lipatlipat sa mga tawo nga batid sa pagmugnag kasaypanan.”¹³ (Hunahunaa ang gahum nianang nianang saad sa atong prayoridad sa pagtabang sa atong mga estudyante sa pagtinguha sa kamatuoran ug pag-ila sa kamatuoran gikan sa sayop.)

Ug kinahanglan nakong hisgutan ang usa ka laing panalangin nga importante kaayo gikan niining pakisayran sa kasulatan. Exodo 31 migamit sa mga pulong ““sa tanan ninyong kaliwatan,”¹⁴ ug Isaias 58 misaad nga ang Ginoo “mopakaon kaninyo uban sa kabilin ni Jacob.”¹⁵ Sa pagtuon ninyo niining mga bersikulo ug sa training nga gihatag sa atong mga lider sa Simbahan, inyong makita nga usa sa labing dako nga panalangin sa pagbalaan sa Igpapahulay para sa inyong mga anak ug sa inyong mga apo. Ang kada Dominggo usa ka oportunidad sa pagtudlo sa inyong mga anak sa unsay inyong prayoridad sa kinabuhi ug nga kamo andam sa pagsakripisyo sa personal nga pangandoy aron motuman sa mga sugo sa Ginoo.

Pagkanindot niana nga panalangin ngadto kanila. Makatabang kini nga makamugna og daghang henerasyon sa matinud-anong mga disipulo ni Jesukristo. Kon masayud kita niini ug sa ubang mga panalangin nga may kalabutan sa Igpapahulay, nganong dili man kini mahimong usa ka kahimut-an?

4. Ang Igpapahulay makapahimo sa atong kaugalingon nga dili mabulingan sa kalibutan

Laing baruganan kalabut sa adlaw nga Igpapahulay makita diha sa Doktrina ug mga Pakigsaad seksyon 59: “Ug nga kamo mahimo unta nga labaw nga moamping sa inyong kaugalingon nga walay buling gikan sa kalibutan, ug kamo moadto sa balay alampoanan ug mohalad sa inyong mga sakramento diha sa akong balaang adlaw.”¹⁶

Dunay daghang mga oportunidad sa Daang Tugon nga motudlo niini nga baruganan. Pananglitan, samtang nagtudlo mo sa pakigsaad ngadto kang Abraham makabaton mo og kahigayunan sa pagtudlo sa atong kabatan-onan nga maanaa sa kalibutan pero dili iya sa kalibutan. Laing oportunidad moabut samtang nagtudlo mo sa 1 Samuel 8.

Si President Spencer W. Kimball migamit niining kapitulo sa pagtudlo og lawom nga leksyon.. Miingon siya:

“Ang Ginoo ug ang iyang propeta nga si Samuel nasagmuyo ug nasubo. … Apan ang katawhan nagtinguha og usa ka hari ‘aron mamaghuhukom kanamo sama sa tanang mga nasud.’ …

“Dili kita ingon ka lahi karon! Ganahan kita sa kaanindot ug kahaw-ang sa kalibutan, nga wala kanunay makaamgo sa mga silot sa atong … kabuang. Ang dili miyembro [nagtinguha og kalingawan sa Igpapahulay, ug busa ganahan usab kita nga lingawon] bisan tuod sa daghang higayon, nagpasabut kini og pagsalikway sa mga kalihokan sa Igpapahulay ug sa pagsupak sa balaang adlaw sa Ginoo. Ang atong kakontemporaryo dunay pagano nga mga kasal—kinahanglan natong sundon ang ilang matag estilo ug sumbanan, bisan kon nakasentro kini sa kahinam ug katahum sa kalibutan ug napakyas sa pagtan-aw sa kasagrado sa tinuod nga kaminyoon. …

“Ang mga estilo gimugna pinaagi sa bulgar ug hakog sa kwarta nga mga tawo ug mohimo sa kasamtangang estilo sa sinul-oban karon nga karaan na. … Mas maayo pa nga mamatay mi kay sa ‘wala sa uso.’ … Kinahanglan kitang dunay hari sama sa laing mga nasud.

“Ang Ginoo nag-ingon nga siya makabaton og talagsaong katawhan pero kita dili gustong mahimong talagsaon. …

“Kanus-a, ah kanus-a man, nga ang atong mga Santos sa Ulahing mga Adlaw mobarug nga lig-on, mo-establisar sa ilang sumbanan, mosunod sa tukmang sundanan ug magpuyo sa ilang mahimayaong kinabuhi sumala sa dinasig nga mga sundanan sa ebanghelyo.”¹⁷

Samtang ang atong kabatan-onan nanlimbasug sa kalibutanong mga pilosopiya ug tradisyon ug sa sumbanan ug estilo sa kalibutan, tabangi sila nga makakita nga kinahanglan kita nga mahimong talagsaon nga katawhan, gawasnon sa impluwensya sa kalibutan.¹⁸ Tabangi sila nga makakita nga ang pagbalaan sa Igpapahulay usa ka paagi sa pagbuhat niana, sa paghimo sa atong kaugalingon nga dili mabulingan sa kalibutan.

Ang Sakrament

Ang mga katuyoan sa sakrament

Pwede ba tang mobalhin ug maghisgut sulod sa pipila ka minuto kalabut sa katuyoan sa sakrament?

Moambit kita sa sakrament agig handumanan sa lawas ug dugo sa Anak. Mao kini ang rason15 nga gihatag sa Ginoo Mismo alang sa sakrament samtang personal Siyang mipasiugda niini didto sa Balaan nga Yuta ug sa Amerika.¹⁹ Kinahanglan kining mahimo nga usa ka talagsaong bahin sa atong kasinatian kada semana. Ang sakrament usa ka oportunidad sa paghinumdom Kaniya ug sa tanang girepresentar sa Iyang lawas ug dugo kalabut sa literal nga Pagkabanhaw, sa katubsanan gikan sa atong mga sala, ug sa grasya nga igo aron masagubang ang tanang hagit sa kinabuhi.

Kita mosaksi ngadto sa Dios, ang Amahan sa Kahangturan, nga kita andam sa pagdala ngari kanato sa ngalan sa Iyang Anak ug motuman sa Iyang mga sugo, sa ingon mobag-o sa tanan naotng mga pakigsaad. Inyo bang mahunahuna kon ang matag usa kanato sinserong mobuhat niana kada semana? Ang sakrament miting mahimong espirituhanong pagbusog, motapus uban sa saad sa Ginoo nga kita “makabaton sa Iyang Espiritu uban kanato,” magdala og paglaum, pag-ayo, kalig-on, kahupayan, ug kapasayloan.²⁰

Nagkinahanglan kitang tanan og kapasayloan ug pag-ayo, ug pipila kanato nagkinahanglan og kapasayloan ug kalimtan ang ngil-ad nga pagbati nga dugay na natong gihambin. Ang Pag-ula ug ang sakrament nakahatag kanato og oportunidad nga mohimo niana karon.

Dunay mga oportunidad sa pagtudlo sa katuyoan sa sakrament sa tibuok kasulatan ug sa tanan natong mga klase. Mosugyot ko nga mangita kita og dili mominos sa duha ka pihong paagi sa pagbuhat niini. Unsa, sa higayon nga magtudlo ta og sumbanan o simbolo bahin sa Manluluwas, kita dunay oportunidad sa pagtudlo sa katuyoan sa sakrament. Ug ikaduha, sa higayon nga magtudlo kita og baruganan nga may kalabutan sa mga pakigsaad, kita dunay oportunidad sa paggamit niana nga baruganan ngadto sa sakrament.

Pwede ba kong mopakigbahin og usa lang ka ehemplo sa kada usa niining duha ka matang sa oportunidad (usab, gikan sa Daang Tugon)?

1. Ang mga sumbanan ug mga simbolo nagtudlo kanato ngadto kang Jesukristo

Ang unang ehemplo, nga nagpakita sa paggamit sa sumbanan ug simbolo bahin sa Manluluwas, gikan sa Levitico kapitulo uno. 1. Ang Ginoo nagtudlo sa mga anak sa Israel nga boluntaryong magdala og halad ngadto sa Ginoo. Ang halad usa ka hayop nga kinahanglang laki nga walay lama, nga pagadawaton aron mohimo og pag-ula alang sa tawo nga misimba. Ang tawo mopatay dayon sa hayop, ug ang mga sacerdote magasablig sa dugo libut sa ibabaw sa altar.²¹

Sayon ra nga makita ang simbolismo ug relasyon niini ngadto sa sakrament ug mailhan nga samtang ang tawo gihimong balaan, ang Ginoo Mismo modala sa ilang kalisdanan, kasub-anan, ug kasal-anan. Sa akong hunahuna dako kining pagkasukwahi [paradox] nga ang matarung mao kadtong “kansang mga saput puti pinaagi sa dugo sa Kordero.”²² Pero “ang Ginoo magsul-ob og pula.” Kay, sama sa Iyang giingon, “Ang ilang dugo Ako mibisibis diha sa akong mga saput, ug mimansa sa akong tibuok saput.”²³

Pagkanindot tan-awon, nga makita nga ang Ginoo nagsul-ob og pula, nga gilibutan sa mga anghel nga nagsul-ob og puti. Tungod sa pag-antus ni Jesukristo, “bisan pa ang inyong mga sala mapula, sila pagapution ingon sa nieve; bisan pa sila lubos mapula, sila mahimong sama sa maputing balhibo sa karnero.”²⁴

Sunod, ang halad gihiwa-hiwa ngadto sa lain-laing bahin—ang ulo, ang ginhawaan, ang tiil, ug ang tambok.²⁵ Ang ulo nagrepresentar sa atong mga hunahuna; ang ginhawaan sa atong kasingkasing, sa atong mga pagbati; ug ang mga tiil, sa atong mga lihok Ang simbolismo nagpahinumdom kanato bahin sa sakrament samtang mipasalig [commit] kita sa Dios sa tibuok [atong]kasingkasing, gahum, hunahuna, ug kusog.”²⁶

Sa ato pa sama sa gituldo ni Elder Neal A. Maxwell, “Ang tinuod, personal nga pagsakripisyo dili gayud mao ang pagbutang sa hayop diha sa altar. Hinoon, kini ang kaandam sa pagbutang sa pagkahayop sulod nato diha sa altar ug tugutan kining masunog!”²⁷

Magamit usab nato ang tahas sa mga sacerdote [priest], mga anak nga lalaki ni Aaron,²⁸ sa pagtudlo sa atong batan-ong mga lalaki sa kaimportante sa tahas nga ilang gihimo atol sa sakrament.. Tudloi ang atong mga priest ngasila mga anak ni Aaron, nga kinahanglan silang malahi gikan sa kalibutan, nga sila nagrepresentar sa Manluluwas. Tudloi ang mga teacher sa Aaronic Priesthood nga sila nagbarug sa dapit ni Jose nga taga-Arimatea, nga nag-andam sa lawas ni Kristo. (Ang uban ninyo dunay sagradong kasinatian sa pag-andam sa lawas aron ilubong. Mahunahuna ba ninyo ang sagradong kasinatian ni Jose nga taga-Arimatea?²⁹) Tabangi ang atong batan-ong mga lalaki nga makasabut nga ang sakrament miting usa ka memorial service agig handumanan sa Manluluwas..

Usa ka stake president ang nagtudlo niini nga ideya ngadto sa korum sa mga teacher. Karon, ang ilang 15 anyos nga president sa korum sa mga teacher mipasayo sa iyang tibuok korum og 30 minutos sa dili pa ang sakrament miting kada Dominggo, diin magbasa sila sa kasulatan ug magdungan pag-ampo, ug dayon isip korum moandam sa sakrament.

Matudloan usab nato ang atong mga deacon sa tahas nga ilang ipahigayon. Mahunahuna ba ninyo nga mahimong usa ka tig-alsa sa lungon [pallbearer] sa memorial service alang sa Manluluwas?

Tabangi sila nga masayud nga sila nagtahud sa ilang priesthood diha sa paagi nga makatabang kanato nga magamit ang dugo didto sa Getsemani ug makadawat og kapasayloan ug pag-ayo nga mahatag niini.

2. Ang pagtudlo bahin sa mga pakigsaad makahatag kanato og kahigayunan sa pagtudlo sa sakrament

Laing oportunidad mao ang pagtudlo sa sakrament samtang magtudlo kita og mga baruganan kalabut sa mga pakigsaad.

Usa ka ehemplo niini makita diha sa basahon ni Oseas, nga naggamit sa simbolo sa usa ka bana, sa iyang pangasaw-unon, sa iyang pagbudhi, ug sa pagsulay sa mga pakigsaad sa kaminyoon aron matudlo ang atong relasyon sa pakigsaad ngadto sa atong Langitnong Amahan. Ang Ginoo misulti kang Oseas sa “[pag]pangasawa og usa ka babaye nga makihilawason ug mga anak sa makihilawason.”³⁰ Busa gipangasawa ni Oseas si Gomer. Apan human niya siya gipadayon, mihatag sa iyang panginahanglan, ug mipakita sa iyang gugma alang kaniya, mibalik si Gomer sa iyang kanhi kinabuhi ug mibudhi kang Oseas.

Unsay inyong bation kon kamo pa si Oseas? Ug sa gihapon, paminaw kon unsay reaksyon ni Oseas niini nga pagbudhi pinaagi niining mga pulonga:

“Siya hayloon ko, ug dad-on ko siya ngadto sa kamingawan, ug sultihan ko siya sa madanihon.

“Siya pagahatagan ko og parrasan.”³¹

Ug dayon ang asoy sa kasulatan mibalhin gikan kang Oseas ug Gomer ngadto sa Ginoo ug nakigsaad sa Israel samtang Siya nag-ingon ngari kanato: “Ikaw pangasaw-on ko ngari kanako sa walay katapusan; oo, ikaw pangasaw-on ko nga kanako gayud sa pagkamatarung, ug sa justicia, ug sa mahigugmaong-kalolot, ug sa mga kalooy.”³²

Makita ang paagi nga gibati ni Oseas bahin sa iyang pakigsaad, ug maamguhan nga kana ang paagi nga gibati sa Ginoo bahin sa Iyang pakigsaad ngari kanato, nakapanalangin og dako kanako.

Una kong giganahan niini nga istorya tungod sa usa ka pakigpulong ni Presidente Henry B. Eyring. Ang uban kaninyo siguro didto sa dihang miingon siya kalabut niini nga kasinatian sa pagtudlo sa Daang Tugon sa seminary: “Sa dugang mga rason nga akong mapasabut, atol nianang panahon sa pagtudlo sa Oseas, mibati ko og butang nga bag-o, butang nga mas gamhanan. Dili kini istorya bahin sa kasabutan sa negosyo tali sa duha ka partner. … Usa kini ka istorya sa gugma. Usa kini ka istorya bahin sa pakigsaad sa kaminyoon nga gibugkos pinaagi sa gugma, sa makanunayong gugma. Unsay akong gibati kaniadto ug milambo kini paglabay sa katuigan, mao nga ang Ginoo, kang kinsa ako gipanalanginan nga makahimo og pakigsaad, nahigugma kanako, ug kaninyo, ug niadtong atong gitudloan, uban sa pagkamakanunayon diin ako padayong nahingangha ug gusto nakong sundon sa tibuok nakong kasingkasing.”³³

Dunay dugang pa sa istorya, pero kamo na ang bahalang moribyu sa talagsaong pakigpulong ni Presidente Eyring, nga gihatag sa CES symposium niadtong 1995. Ang akong punto mao nga kita dunay oportunidad sa pagtudlo sa mga pakigsaad. Ug kon atong buhaton, tabangan nato ang atong mga estudyante nga mobati kon unsay gibati ni Presidente Eyring: nga ang Dios nahigugma kanato, ug nga Siya nahimuot sa pagpanalangin kanato pinaagi sa atong mga pakigsaad. Kon atong masabtan nga ang mga ordinansa ug mga pakigsaad usa ka simbolo sa gugma sa Dios ug sa tinguha nga mohimaya kanato, mausab kita hangtud sa hangtud pinaagi sa sakrament.

Panapos

Inyo bang mahunahuna kon unsay mahitabo kon ang kabatan-onan ug mga young adult sa Simbahan, mitambong sa sakrament miting kada semana ug tinud-anay nga nahinumdom sa Manluluwas, mibati og pasalamat alang sa Iyang Pag-ula, nagsaksi ngadto sa Amahan nga dad-on nila ang ngalan sa Manluluwas kada adlaw ug maningkamot sa pagtuman sa Iyang mga sugo ug sa pagpuyo nga takus sa gasa sa Espiritu Santo? Ug dayon, atol sa semana, mitambong sila sa klase sa seminary ug institute nga nakatutok sa mahinungdanong tahas sa Manluluwas sa plano sa atong mahigugmaong Langitnong Amahan ug mipahinumdom kanila sa ilang pasalig nga mahimong disipulo ni Jesukristo? Ug kon diha sa ilang panimalay naghisgut sila bahin niining butanga uban sa ilang ginikanan, ug kaubang nagplano nga himuon ang Igpapahulay nga maoy sentro sa ilang semana?³⁴ Dili nato masabtan sa hingpit ang panalangin sa Ginoo nga giandam alang nato.

Pwede ba kong motapus uban sa akong pagpamatuod nga kon kinahanglan kitang motudlo niining doktrina uban sa gahum, kinahanglan sundon una nato kini? Kon atong balaanon ang adlaw nga Igpapahulay ug hinumduman ang Manluluwas samtang nagbag-o kita sa atong pakigsaad kada Dominggo, ang Igpapahulay mahimong kahimut-an ngari nato ug mopanalangin nato ug sa atong pamilya sulod sa mga henerasyon. Ug talagsaon kining molig-on sa atong abilidad sa pagdasig sa atong minahal nga mga estudyante nga makaila kon unsang paagiha nga ang pagbalaan sa adlawng Igpapahulay motabang kanila nga sila makasabut ug mosalig diha sa pagtulun-an ug Pag-ula ni Jesukristo . Mas mopalawom kini sa ilang pagdayeg ug pasalig ngadto sa ilang pakigsaad isip mga disipulo sa Manluluwas sa kalibutan.

Hinaut nga kanunay kitang mahinumdom Kaniya. Pinaagi sa pangalan ni Jesukristo, amen.