Video sa Matnog Seminary

2020 nga Tinuig nga Sibya sa Pagbansay sa S&I

Richard Manahan: Ang Matnog usa sa mga munisipalidad sa probinsya sa Sorsogon. Mao kini ang dapit nga kanauganan gikan sa Luzon ngadto sa rehiyon sa Visayas. Kon ang Matnog maoy ganghaan sa minilyon ka mga dumuduong gikan sa Luzon hangtud sa Visayas ug kidabwelta, ang seminary sama lang usab sa usa ka ganghaan ngadto sa usa ka mas maayo nga oportunidad sa kinabuhi.

Alex Castidades: Ako si Alex Castidades, usa ka magtutudlo sa seminary ug ang bag-ong presidente sa Matnog Branch. Gusto nakong ipahibalo sa tanan nga niadtong tuig 2012 gisugdan ang programa sa seminary nga dunay 22 ka nag-enroll ug mipadayon kini sa pag-usbaw hangtud niining tuiga. Ang among enrollment nagpadayon sa pag-usbaw sa kada tuig, lakip sa among nakakompleto.

Richard Manahan: Ug busa nagpadayon kini; gikan sa 55 ug hangtud karon, aduna na karon 110 ka estudyante. Sa laktod, ang enrollment kay 100%. Sila nakahimo sa pagpa-enroll ang tanan nga mga potensyal nga mga estudyante sa seminary. Gibuhat nila kana gikan sa 2015, ’16, ’17, ’18, ’19, ang tanan hapit 100%, tungod kay nagtuo sila nga ang seminary makausab gayud sa mga kinabuhi.

Edilberto Gabelo: Ako si Edilberto Gabelo sa Matnog Branch. Gitawag ko isip presidente sa Branch unom na katuig ang milabay. Girebyu nako ang among CMIS, ang among mga record sa membership. Akong nakit-an ang lista sa mga kabatan-onan kinsa potensyal nga mga estudyante sa seminary. Adunay daghan kaayo nga problema tungod kay walay mihatag og pagtagad sa seminary. Miinterbyu ko sa mga returned missionary. Una si Brother Alex. Nakuha nako ang iyang pasalig.

Richard Manahan: Sila ang mga kaigsoonan kinsa girekomendar aron motudlo sa seminary. Sila si Brother Alex Castidades ug si Sister Margie. Diha gayud kini nagsugod, tungod kay akong nakita nga silay adunay pagbati kabahin sa programa.

Alex Castidades: Ang kabatan-onan dili makatambong sa seminary kaniadto, bisan sa institute. Tungod kadto kay ang ilang mga pamilya dili mga miyembro sa Simbahan. Ikaduha, tungod kini kay layo ang ilang gipuy-an gikan sa chapel.

Margie Adiong: Isip usa ka bag-ong magtutudlo wala ko makahibalo sa kinaiyahan sa akong calling isip usa ka magtutudlo sa seminary. Lisud kaayo kadto sugdan to nga programa , ilabi na kon mahitungod na sa pag-awhag sa mga kabatan-onan. Sila niadtong higayuna idlas kaayo.

Edilberto Gabelo: Gikinahanglan nako nga makabaton sa impluwensya sa Espiritu Santo. Kana naglakip sa pagpangayo og giya sa Dios aron makahimo sa pagbukas sa mga pagbati sa kabatan-onan, ingon man sa mga ginikanan aron sila mohatag sa ilang pasalig, sa ilang kaandam, ug sa ilang suporta alang sa kabatan-onan.

Alex Castidades: Isip usa ka magtutudlo sa seminary kaniadto, miapil ko sa miting sa konseho sa kapangulohan sa branch ug sa tanang mga lider sa Simbahan, ug didto among gihisgutan ang mahitungod sa unsay kinahanglang unahon namo- og buhat. Usa ka misyonaryo misugyot alang sa tibuok branch sa pagpuasa, aron matabangan kadtong kinsa nahisalaag.

Richard Manahan: Dihadiha dayon nagka-uyon kami sa usag-usa. Kami adunay managsama nga katuyoan, nga mao ang pagtabang ngadto kanila, tungod kay mao kini ang prayoridad sa Simbahan nga kami kutob sa mahimo kinahanglan sinsero nga modapit sa tanang potensyal nga mga estudyante sa seminary. Ug kami mibuhat lang gyud niana. Nanggawas gayud kami ug mibisita nilang tanan. Recruit, recruit, recruit, ug dayon gipalihok usab namo ang aktibo nga mga estudyante sa seminary aron sa pagtabang kanamo sa pag-recruit.

Stephanie Pantone: Human sa klase, maghulat kami sa usag usa diha sa ganghaan sa among eskwelahan, ug diha kami mag-abut aron magdungan sa pag-adto sa klase sa seminary.

Alex Castidades: Nagtudlo ko og sayo sa buntag nga klase niining branch. Mobangon ko sa alas 3:00 sa buntag aron mangandam sa pag-adto sa chapel alang sa alas 5:00 sa buntag nga klase sa seminary. Kinahanglan ko nga anaa na sa chapel sa dili pa ang mga estudyante aron makaandam ko sa mga materyales. Human sa seminary, modiretso ko sa trabaho. Mobiyahe ko sulod sa duha ka oras gikan sa chapel ngadto sa akong trabahoan. Sa sinugdanan, naglisud gyud ko. Ug dayon inig ka hapon, kinahanglan ko mobalik sa chapel didto sa Matnog sa 5:00 sa hapon aron magtudlo pag-usab sa seminary. Kon maabut nako sa Matnog sa alas 3:00 sa hapon, ug kon duna pa koy oras, kinahanglan ko mobisita sa akong mga estudyante sa seminary ug sa ilang mga ginikanan. Mao nga sa laing pagkasulti, maglibut ko ug mobisita sa akong mga estudyante sa seminary sa panimalay sa kada adlaw.

Margie Adiong: Siya gitawag nga mamahimong magtutudlo sa daily seminary, ug unya ako nahimong magtutudlo sa home-study. Lisud ang pag-focus sa mga kabatan-onan, ilabi na niadtong mga nagpuyo sa layo—dili lang pila ka metro apan pipila ka kilometro ang gilay-on gikan sa chapel. Kinahanglan ka nga mobisita nila sa ilang mga panimalay aron sila moapil diha sa programa sa seminary. Karon ako aduna nay 23 ka mga estudyante sa home-study, ug ako mobisita kanila sa tagsa-tagsa matag semana.

Richard Manahan: Kita dili mahimong mopakaubos lang sa potensyal sa tawo. Ako silang gitan-aw isip tinuod nga bililhon kaayo nga mga anak nga lalaki ug anak nga babaye sa Dios. Ako nakumbinser gyud nga ang programa tinuod gyud nga makausab sa ilang mga kinabuhi. Mao nga dako gayud ang among pagbati mahitungod sa programa. Sa pagkakaron, sila aduna nay 12 ka mga misyonaryo kinsa mogikan karong tuiga, ug sila makadugang pa og daghan.

Margie Adiong: Ang mga lider naghimo og daghang butang sama sa pagmugna og mga kalihokan alang sa kabatan-onan aron sila adunay kalig-on sa usag usa, ug sa samang higayon ilang matuboy ang programa sa seminary ngadto kanila.

Erica Villareal: Napanalanginan kaayo ko pinaagi sa seminary tungod kay kini nakapalig-on sa akong pagtuo ug nakatabang kanako nga magmalig-on ug mosalig sa kusog sa Ginoo.

Arnold Cariso: Nag-andam ko sa akong kaugalingon aron magmisyon pinaagi sa pagtambong sa seminary.

Margie Adiong: Malipayon gyud ko kaayo! Ang makita nga ang pipila sa kabatan-onan nagkinahanglan og pag-amuma—inahan usab ko ug gusto nako silang mobati nga gihigugma. Kon dunay usa ka estudyante nga dili makatambong og klase, dili ko malipayon tungod kay kahibalo ko nga dunay problema, ug gusto ko nga motabang kanila ug sutaon kon ngano. Busa bisan kon sila nagpuyo sa layo, buhaton nako ang akong labing maayo aron mobisita kanila aron ipakita kanila nga sila importante ug nga sila espisyal.

Richard Manahan: Sama sa akong gisulti, dili nako ikahibulong kon usa ka adlaw daghan niining mga batan-ong katawhan mamahimong mga lider sa Simbahan niining area ug tingali sa district.

Mga Partisipante:

Richard ManahanSeminary ug Institute Coordinator

Alex CastidadesMagtutudlo sa Seminary

Edilberto GabeloKanhi Presidente sa Branch

Margie AdiongMagtutudlo sa Home-Study Seminary

Stephanie PantoneEstudyante sa Seminary

Erica VillarealEstudyante sa Seminary

Arnold CarisoEstudyante sa Seminary