Vidio ni Matnog Filipaini Semineri

Vuli Kaburaki Vakayabaki ni S&I 2020

Richard Manahan: O Matnog e dua vei ira na tauni ena yasana o Sorsogon. Sai koya na ucuna e tekivu mai Luzon ki na wasewase na Visayas. Kevaka sa idewadewa o Matnog ki na milioni vakacaca na daulako mai Luzon ki Visayas ka veibasai, na semineri e sa vaka talega e dua na idewadewa kivei ira na gonevuli ni semineri ki na madigi ni bula vinaka cake.

Alex Castidades: O au o Alex Castidades, e dua na qasenivuli ni semineri ka peresitedi vou ni tabana o Matnog. Au vinakata mera kila na tamata kece ni ena yabaki 2012 a tekivutaki na parokaramu ni semineri ena 22 na lewena, ka sa tosocake tikoga me yacova na yabaki oqo. E sa tosocake tikoga na lewena ena veiyabaki, oka kina o ira na vakacavara.

Richard Manahan: Ka yaco, me tomani tu; mai na 55 me yacova mai nikua, sa tiko oqo e 110 na gonevuli. Vakalekaleka, sa 100 na pasede na lewena. Sa rawa mera vakaleweni ira taucoko na gonevuli vakarautaki ni semineri. Era vakayacora oya mai na 2015, ’16, ’17, ’18, ’19, era voleka taucoko ni 100%, baleta ni ra vakadinata ni rawa ni veisautaki bula vakaidina na semineri.

Edilberto Gabelo: O au o Edilberto Gabelo ena Tabana e Matnog. Au a kacivi me peresitedi ni tabana ena ono na yabaki sa oti. Au a railesuva na neimami CMIS, neimami ivolatukutuku ni lewenilotu. Au a raica na yacadra na itabagone ka ra gonevuli vakarautaki ni semineri. A tiko sara e levu na leqa baleta ni sega ni dua e maleleta na semineri. Au a vakatarogi ira na daukaulotu lesumai. Matai o Baraca Alex. Au a taura na nona yalayala.

Richard Manahan: O rau na baraca kei na sisita ka a vakaturi me vakatavulica na semineri. O rau o Baraca Alex Castidades kei Sisita Margie. O ya na vanua a tekivu dina kina, baleta au raica ni tiko vei rau na yalo ni parokaramu.

Alex Castidades: Era sega ni rawa ni tiko ena semineri eliu na itabagone, vakakina na inisitute. E vuna vakalevu ni ra sega tu ni lewe ni Lotu na nodra matavuvale. iKarua, e sa baleta ni ra tiko vakayawa mai na valenilotu.

Margie Adiong: Vaka e dua na qasenivuli vou au a sega tu ni kila na ivakarau ni noqu veikacivi vaka qasenivuli ni semineri. E a dredre sara toka na kena tekivutaki na parokaramu, vakabibi ni sa baleta tiko na nodra vakayaloqaqataki na itabagone. Era a sega ni via kauwai mai ena gauna oya.

Edilberto Gabelo: Sa gadrevi me tiko vata kei au na veivakauqeti ni Yalo Tabu. O ya e oka kina na kena kerei na veituberi ni Kalou me dolava na lomadra na itabagone, vakakina na itubutubu me rawa ni ra solia na nodra yalayala, nodra veivakadonui, kei na nodra veitokoni ena vukudra na itabagone.

Alex Castidades: Vaka e dua na qasenivuli ni semineri ena gauna oya, au a lewena na soqoni ni matabose kei na mataveiliutaki ni tabana kei ira kece na iliuliu ni Lotu, ka sa vanua oya keimami a veivosakitaka kina na ka me keimami kitaka vakailiu. A vakatura e dua na daukaulotu me lolo na tabana taucoko, me vukei ira na yali tu.

Richard Manahan: Keimami a vakadonuya kusarawa vakai keimami. Sa tautauvata tu na neimami inaki, oya me keimami dolele yani vei ira baleta ni sai koya na ka e vakaliuca na Lotu ni kena levu ga e rawa sa dodonu me keimami sureti ira taucoko na gonevuli vakarautaki ni semineri ena veidokai. Ka keimami vakayacora saraga oya.” Keimami a lako yani vakaidina ka sikovi ira kece. Vakataroga, vakataroga, vakataroga, ka qai vakayagataki ira na gonevuli ni semineri dei mera vukei keimami ena veivakatarogi.

Stephanie Pantone: Ni oti na kalasi, keimami veiwaraki ena matamata ni neimami koronivuli, ka sai koya na vanua keimami sota kina ni gole vata tu ki na kalasi ni semineri.

Alex Castidades: Au vakatavulica na kalasi ni mataka lailai ena tabana oqo. Au yadra ena 3 ena matakacaca me vakavakarau ni gole ki valenilotu me baleta na kalasi ni semineri ena 5 na kaloko ena mataka. Sa dodonu meu tiko rawa e valenilotu ni ra bera na gonevuli me rawa niu vakarautaka na lesoni keimami na vakayagataka ena semineri. Ni oti na semineri, au gole vakadodonu sara ki cakacaka. E rua na aua na noqu ilakolako mai valenilotu ki na noqu vanua ni cakacaka. E liu, au a sotava sara ga na dredre. Ia ena yakavi, sa dodonu meu tiko tale ena valenilotu e Matnog ena 5 na kaloko me vakatavulici tale na semineri. Niu yaco ki Matnog ena 3 na kaloko ena yakavi, ka ke se vo tu na gauna, sa gadrevi meu sikovi ira na noqu gonevuli ni semineri kei na nodra itubutubu. Ena kena ivosavosa tale, au lako wavoki ka sikovi ira na noqu gonevuli ni semineri ena nodra itikotiko voleka ni veisiga.

Margie Adiong: Ia, sa kacivi o koya me qasenivuli ni semineri ena veisiga, ka mani yaco o au meu qasenivuli ni vuli e vale. E a dredre tu na nodra raici na itabagone, vakabibi o ira ka tiko vakayawa —sega ni vica ga mai na mita ia vica vata na kilomita mai na valenilotu. Sa gadrevi mo sikovi ira ena nodra itikotiko me rawa ni ra vakaitavi ena parokaramu ni semineri. Oqo sa 23 tiko na noqu gonevuli vuli e vale, kau dau sikovi ira vakayadua ena veimacawa.

Richard Manahan: Eda sega ni rawa ni vakawalena na rawaka ni tamata oya. Au raici ira vaka luve ni Kalou tagane kei na yalewa vakasakiti dina saraga. Au sa yalodei vakaidina ni sa rawa ni veisautaka vakaidina na nodra bula na parokaramu. O ya na vuna keimami sa rui taleitaka kina na parokaramu. Me yacova mai oqo, e 12 tu na nodra daukaulotu e sa biubiu ena yabaki oqo, ka na tiko tale e levu.

Margie Adiong: Era sa cakava tiko na iliuliu e levu na ka vaka na vakayaco itaviqaravi me baleti ira na itabagone me rawa ni ra veivaqaqacotaki vakai ira, ka vakabibitaka na parokaramu ni semineri ena gauna vataga.

Erica Villareal: Au sa vakalougatataki vakalevu sara ena semineri baleta ni sa vaqaqacotaka na noqu vakabauta ka vukei au meu tudei tu ka vakararavi ki na kaukauwa ni Turaga.

Arnold Cariso: Au sa vakavakarau tiko ni laki kaulotu ena tutaki ni semineri.

Margie Adiong: Au sa marau vakaidina! Ni raica nodra gadreva tu na kauwai eso vei ira na itabagone, au e dua talega na tina kau vinakata mera vakila ni ra sa lomani. Na gauna cavaga e sega ni tiko rawa kina ena kalasi e dua na gonevuli, au dau yalorarawa baleta niu kila ni tiko e dua na leqa, kau sa via dolele yani vei ira ka dikeva na vuna. Ia kevaka era tiko madaga vakayawa, au cakava na noqu vinaka taucoko meu sikovi ira meu vakaraitaka vei ira ni ra sa ka bibi ka mareqeti sara.

Richard Manahan: Vaka au sa kaya, au na sega ni kurabui ke dua na siga ena yaco me iliuliu ni Lotu e vuqa vei ira na tamata gone oqo ena iwasewase oqo ka vakakina ena tikina.

Ira na Vakaitavi:

Richard ManahanKodineita ni Semineri kei na Inisitute

Alex CastidadesQasenivuli ni Semineri

Edilberto GabeloPeresitedi ni Tabana Taumada

Margie AdiongQasenivuli ni Semineri ni Vuli e Vale

Stephanie PantoneGonevuli ni Semineri

Erica VillarealGonevuli ni Semineri

Arnold CarisoGonevuli ni Semineri