Vitio o le Seminare a Matnog

S&I Faasalalauga o Aoaoga Faaletausaga 2020

Richard Manahan: O Matnog o se tasi o aai o Sokona. E ui mai ai i Lusona i le itulagi o Vīsāiāsa Afai o Matnog o le faitotoa o le miliona o ē faimalaga mai Lusona i Vīsāiāsa ma toe foi ai, e faapena foi ona pei le seminare o se faitotoa i le au aooga mo se avanoa sili i le olaga.

Alex Castidades: O a’u o Aleki Kasitate, faiaoga seminare ma le peresitene fou o le Paranesi a Matnog. Ou te manao ia iloa e tagata uma, o le 2012, sa amata ai le seminare i le to’a 22, ma tuputupu ai lava e oo mai i lenei tausaga. E faaopoopo la matou lesitala i tausaga uma, faapea foi ē mae’a.

Richard Manahan: O loo faaauau pea; mai le 55 se’ia oo mai i le asō, ua 110 tamaiti. O lona uiga, e 100% le lesitala. Na lesitala tamaiti faaolioli uma o le seminare. Mai le 2015, ‘16, ‘17, ‘18, ‘19, na toetoe 100% uma, aua sa latou talitonu e mafai ona suia e le seminare olaga.

Edilberto Gabelo: O a’u o Etipeto Kapelo, Paranesi a Matnog. Ono tausaga talu ona tofia a’u ma peresitene o le paranesi. Sa’u iloiloa le matou CMIS, matou pepa faamaumau. Sa’u mauaina le lisi o tamaiti faaolioli o le seminare. Sa tele faafitauli, aua sa le’i ano se isi i le seminare. Sa’u faatalanoaina faifeau ua foi mai misiona. Na amata ia Aleki. Na ia tuuto mai.

Richard Manahan: O la’ua o le uso ma le tuafafine na fautuaina atu e faiaoga seminare. O la’ua o Uso Aleki Kaitate ma Tuafafine Margie. O iina na amata ai, sa ou vaaia lo la loto i le polokalama.

Alex Castidades: Sa le’i mafai ona o mai talavou i le seminare, na oo foi i le inisitituti. E tele, ona e le lolotu o latou aiga. Lua, ona latou te mamao mai le falesa.

Margie Adiong: Sa’u le iloa le natura o le valaauga o se faiaoga seminare. Sa faigata ona amata le polokalama, aemaise le uuna’ia o talavou. Sa matua segisegi i latou i lena taimi.

Edilberto Gabelo: Sa ou manaomia le tosinaga a le Agaga Paia. Sa aofia ai le ole atu mo le taitaiga a le Atua ia tatala loto o talavou, faapea ma matua ina ia latou tuuto mai, ia naunau e lagolago le autalavou.

Alex Castidades: I le avea ai la ma se faiaoga seminare i na aso, sa ou auai i le aufono ma le au peresitene o le paranesi ma taitai uma o le Ekalesia, sa matou talanoa e uiga i le mea e tatau ona matou faia muamua. Fai mai le isi faifeautalai e anapogi le paranesi e fesoasoani ai i ē ua se.

Richard Manahan: Na vave ona matou taufai ioeina. Sa tasi lo matou faamoemoe, o le aapa atu ia i latou, aua o le faamuamua a le Ekalesia ia faia mea uma e valaaulia ai ma le loto tamaiti faaolioli uma o le seminare. O le mea lena na fai. Sa matou asia i latou uma. Su’e ma aumai, sa matou faaaogaina foi tamaiti toaaga o le seminare e fesoasoani e su’e ma aumai.

Stephanie Pantone: A tuua le vasega, e faatalitali le tasi ma le isi i le faitotoa o le aoga, ona matou o faatasi lea i le seminare.

Alex Castidades: Ou te faiaoga i le vaveao i le paranesi lea. Ou te ala i le 3 i le taeao, sauni e alu i le falesa mo le seminare i le 5 i le taeao. E tatau ona ou i ai i le falesa e sauni mea e faaaoga i le seminare ao lei oo atu tamaiti. A tuua, ou te alu sa’o loa e faigaluega. E lua itula mai le falesa i lo’u falefaigaluega. Muamua, sa matua faigata lava. I le afiafi, e tatau ona ou i ai i le falesa i Matnog i le 5 i le afiafi e toe faiaoga i le seminare. A ou taunuu i Matnog i le 3 i le afiafi, a lava so’u taimi, ou te asiasi i tamaiti seminare ma o latou matua. O lona uiga, ou te taamilo e asi a’u tamaiti seminare i le fale e toetoe o aso uma.

Margie Adiong: Ma sa tofia o ia e faiaoga seminare i aso taitasi, ae ou faiaoga i ē suesue i le fale. Sa faigata ona taulai i talavou, aemaise ē taumamao—e le na o ni mita ae tele kilomita mai le falesa. E tatau ona e asia i latou i fale ina ia mafai ona auai i le seminare. Ua to’a 23 a’u tamaiti e suesue i le fale, e ta’ivaiaso ma ou asia i latou taitasi.

Richard Manahan: Tatou te le manatu mama i gafatia o le tagata. Ou te vaai ia i latou o atalii ma afafine pele o le Atua. Ua ou matuai talitonu e mafai e le polokalama ona suia olaga. O le ala lea o lo matou matuā faananau i le polokalama. Ua 12 a latou faifeautalai na ō i le tausaga nei, ma o le a tele isi.

Margie Adiong: E tele mea o loo faia e taitai e pei o gaoioiga mo le autalavou ina ia mafana mafutaga, ma mafai ai foi ona faalauiloa atu i ai le polokalama seminare.

Erica Villareal: Ua matuā faamanuiaina a’u e le seminare ona ua faamalosia ai lo’u faatuatua ma ua ou malosi ai ma faalagolago i le Alii.

Arnold Cariso: O loo ou tapena mo se misiona i lo’u alu lea i le seminare.

Margie Adiong: Ua ou matuā fiafia lava! O le vaaia e manaomia e ni talavou le tausiga lelei—o a’u foi o se tina e manao ia latou lagonaina le alofa. Soo se taimi e le sau ai se tamaitiiti i le vasega, ou te le fiafia aua ua ou iloa ua i ai se faaletonu, ma ou te fia oo i ai ia iloa pe aisea. Tusa pe mamao le mea e nonofo ai, ou te faia le mea sili e asia ai e ta’u atu ai e taua ma faapitoa i latou.

Richard Manahan: Pei na ou fai atu, o le a ou le ofo pe a i ai se aso o le a avea ai nei talavou ma taitai o le Ekalesia i lenei eria, pe atonu foi i le itu.

Tagata e Auai:

Richard ManahanTaitai Faamaopoopo o le Seminare ma le Inisitituti

Alex CastidadesFaiaoga Seminare

Edilberto GabeloPeresitene o le Paranesi Talu Ai

Margie AdiongFaiaoga Seminare mo Suesuega e Fai i le Aiga

Stephanie PantoneTamaitiiti A’oga Seminare

Erica VillarealTamaitiiti A’oga Seminare

Arnold CarisoTamaitiiti A’oga Seminare