Penemandu’áke, penemandu’áke

Primera Presidencia Navidagua Devocional 2023-pe

Tracy Y. Browning

Segunda Consejera Presidencia General Primaria-gua

Domingo, Deciembre 3, 2023

Che aikohápe, oñepyrũvo rupi noviembre mes, pe naturaleza che jereregua ha’ete ku ho’áva peteĩ kerarecha kangýpe. Umi togue rovyũ turuñe’ẽ mbegue, peteĩ jave oipeju kangymíva ha opurahéiva chéve arayvoty ha arahakúpe, ome’ẽ paso umi yvyra pirúpe, ha umi togue kã piru ho’apyre che pyguýpe opururũvape. Umi guyra rory okirirĩvo, ha umi yvoty rogue ryakuã asy ha’ete ku ojeíva pe yvytúgui. Umi mba’e mundo natural-gua ambojoajúva tekovepegua estímulo rehe ojei peteĩ ára aja, ha opa kirirĩme ha opa tenda hapykuerépe ohejávape—pe ary opa potávo ha cheresarái mboyve aime hag̃ua vy’ápe—pe Navida jopói og̃uahẽ.

Ha che renda’imíme ko Tupã múndo guasúpe, chemandu’a. Chemandu’a ajesareko hag̃ua umi yvyramáta akói hovyũva, opoíva yvyra, espésia ha yvy ryakuã. Chemandu’a ahekávo umi yvoty ha yva pytãitéva térã morotĩetereíva ha ahendúvo umi villancico familiar ojereraháva korasõme, ogapýpe ha tenda ojeadorahápe, omomarãndúva “vy’apavẽ múndope”, ahekávo umi Navidagua techaukaha “yvága ha naturaleza opurahéiva” chendive ha che invitáva chemandu’a hag̃ua.

Peteĩ ko aragua techapyrã ha’e, opa pe mundo cristiano ha heta ñane retã rembe’y mboypyrigua ha’ete ku ohasáva ko ára puku a propósito ohekávo ha omyanyhẽvo hekovekuéra umi Navidagua mandu’aha ñemoha’ãnga reheve.

Navida ha’e puente jaje’oiha rupi ñande pastorea hag̃ua ary pyahu gotyo. Ha jahasávo, ñañeinvita jahecha hag̃ua pe “Tupã ijapyra’ỹva, Ñandejára, yvy rembe’y Apohare”¹ milagro, pe onaseva’ekue mboriahu pópe David tavaguasúpe ha “oñeñuáva mitã ñuaháme, oñenóvo peteĩ pesebre-pe”.² Jajapóvo ñane peregrinasiõ Navideña, ikatu jahecha ñandejupe umi ko aragua reyes magos-ramo, peichahágui ñama’ẽvo mbyjakuérare umi togue rovyũ meme ári ha umi tesape omimbívare ñande jerére, “javy’aité[vo] tuicha vy’a reheve”³ umi techaukaha ñanerenondépe oñemoĩvare, omboguata ha oisãmbyhy hag̃ua ñande je’ói Jesucristo gotyo, Upe “múndo resape” gotyo.⁴ Ñañandúramo umi yva ryakuã vvytúre ovevéva ko temporada aja, ikatu péva ha’e ñanemandu’a hag̃ua jagueru umi jopói ñame’ẽ hag̃ua “Tupã Ra’y oikovévape”⁵—ndaha’éi “óro, insiénso ha mírra”⁶ ha katu peteĩ adorasiõ sacrificio ñane “korasõ mirĩ ha espíritu ñembyasy”.⁷ Ha umi ñande apytépe mitãme jahayhúva ha ñañangarekóva, ikatu jajogua umi ko aragua pastor-pe “ñañangarekóvo [ñane] rymbakuéra rehe”,⁸ ñahendúvo umi ánhel yvy arigua Ñandejára omboúva invitasiõ he’íva reheve “ani pekyhyje”, oúgui hikuái ome’ẽvo ñeisãmbyhy moõpa ojejuhukuaa Salvador-pe.⁹ Nañanemandu’áipa ja’embegue hag̃ua ko’ã “mba’eporã pyahu vy’apavẽ” ñane mitãnguéra apysápe peteĩ testimonio ramo? Ha upéi, ohechávo hikuái mitãreko ñemondýipe umi color navideño pytã ha verde, dorado ha morotĩ, taimandu’a Irredentor, Jesucristo jehasa’asy expiatório perfecto ha potĩvare, oikuave’ẽva chupekuéra salvasiõ don ha tekove pyahu ha ijapyra’ỹva.

Navida oheja jajapo peteĩ viáhe espiritual Belén-pe jahupyty hag̃ua peteĩ testimonio ñandejupe g̃uarã, Jesucristo ñande Salvador-gui, ha upéi ñamotenonde upe testimonio ha kũ jora, ha tetyma ha po oĩva reheve listo “jaikuaauka ambue tetãnguérape”¹⁰ ha ñame’ẽ testimonio opa mba’e Hesegua jaikuaáva rehe. Jajapokuaa upe peregrinasiõ Salvador-pe, ñanemandu’ávo.

Tupã ome’ẽkuri ñandéve madu’a don ani hag̃ua ñanderesarái upe Me’ẽhágui, ñañandu hag̃ua Imborayhu opa’ỹva ñandehere ha ñamyengoviávo jaikuaa jahayhu hag̃ua Chupe. Proféta yma Moroni ñanemokyre’ỹ ñanemandu’a hag̃ua “opa mba’e porã ouha Cristo-gui”.¹¹ Ñande Salvador ome’ẽ umi jopói ndaha’éi múndo oikuave’ẽháicha—sapy’arãva, oĩmba’ỹva ha ára ohasávo oñembyaíva. Jesucristo oipyso umi jopói hi’aréva, jopói tekotevẽtéva jepe, oikévape:

Umi Espíritu rehegua don, ha’éva kuaapy, arandu, testimónio ha jerovia.¹²
Pe Espíritu Santo don.
Tekove ijapyra’ỹva don.

Ha jajepy’amongetávo ñande rekove pukukue umi “jopói porã” tuicha ha michĩva oúvare ñande rekovépe, ikatúpa jahecha Ñandejára po ñande rreskata, ñane mombarete, ha omẽ’ẽvo ñandéve alívio?

Oĩrõ jepe ára ñane akã ha ñane korasõ ohorei ha imombyry Chugui, Iñeime ñemovã’ỹme oasegura ñandéve Ñandejára ndahesarairiha ñandehegui—Navidápe térã ambue árape. Ñandejára omomarandu ñande jajehaiha Ipo pytépe.¹³ Ipromesakuéra akói oñekumpli. Ha’e imandu’a konveniokuéra Ojapova’ekue ñanendive ha ñande rukuéra ndive. Ha’e ohendu ha imandu’a ñane ñembo’ére Túva Yvagaguápe, taha’e ñañesũ, jajerure ñande armário guive térã jareko mba’ejerure ñane korasõme. Ha’e imandu’a, Presidente Russell M. Nelson ombo’e haguéicha, “ointervenívo umi Hese ojeroviáva rekovépe”.¹⁴ Ha’e imandu’a ñane perdona hag̃ua opa vése ñañearrenti vove. Ha’e imandu’a oñe’ẽ hag̃ua ñandéve, umi escritura ha profetakuéra rupive, akói ñanepytyvõ hag̃ua jajuhu ñande rape jahajey hag̃ua ógape—taha’eha’e ñanemombyrykue ha mboy ára pukúpa. Ha Ha’e imandu’a ombou hag̃ua Ijespíritu oñorairõnte hag̃ua ñande rehehápe ñañeha’ãramo ñañongatu ñande sagráda promésa “tapiaite ñanemandu’a hag̃ua hese”.¹⁵

Presidente Spencer W. Kimball ombo’e: “Rema’ẽramo diccionario-pe ñe’ẽ iñimportantevévare, … [upéva] ikatu ha’e mandu’a. Opa peẽ pejapógui konveniokuéra, … ñane remikotevẽ guasuve ha’e mandu’a. Ha’e he’ive, “Upévare opavave peho reunión sacramental-pe cada domingo—pejapyhy hag̃ua Santa Cena ha pehendu hag̃ua sacerdote-kuérape oñembo’e ‘tapiaite imandu’a hag̃ua hese, ha iñe’ẽrendu hag̃ua hembiapoukapykuéra ha’e ome’ẽva’ekue chupekuéra.’ … Mandu’a ha’e pe ñe’ẽ. {Mandu’a ha’e pe programa .”¹⁶

Tupãre ñanemandu’a ñane’inspira ñamyendy hag̃ua ñane impulso espiritual ha ñane invita ñamba’e’apo hag̃ua py’aporãme. Pehechami ko’ã tekombo’e Presidente Nelson ñaneinvitáva ñanemandu’a hag̃ua:

“Peheja Tupã taipu’akapa pende rekovépe” ha “peme’ẽ Chupe pene tiempo-gui peteĩ ára ihústova”.
“Peheka ha peha’arõ milagro-kuéra”.
“Pembopaha ñorairõ pende … rekovépe”¹⁷ ha toiko pendehegui py’aguapy’apoha.¹⁸

Navida ha’ekuaa peteĩ oportunida ja’actua hag̃ua umi invitasiõme he’iháicha ha ja’aprovecha ñande reko natural ñanemandu’ave hag̃ua Jesucristo-gui, ñaime jajepy’amongeta hag̃uáicha Inasimiénto milagro rehe, ha ñañandu ha ñamba’e’apo tuichave mborayhuporã reheve Tupã ra’ykuéra ndive. Umi mandu’aha ñemoha’anga jepive oĩva Navida árape py’ỹi ojehechakuaa ñande:

Ñanemandu’árõ ñame’ẽ Navida rehegua momaitei umi ñane angirũ, ñane familia ha pytaguakuérape.
Ñanemandu’árõ ñame’ẽ jopói mborayhu rehechaukaháramo.
Ñanemandu’árõ ñandepojera umi oikotevẽvandi ha ñanemba’eporã umi oikéva ndive ñande rógape.
Ñanemandu’árõ ñamomba’e familia ñembyaty ha umi jepokuaa ojapóva pe Navida taiñambue ha tapeteĩete.

Hetápe g̃uarã ko’ã ára aja, mborayhu porã jarekóva ñakosina hag̃ua peteĩchagua tembi’u, ñamombe’u jeyjey familia rembiasakue, ha jadekora ñande árbol de navida umi jeguakaporã reheve ñamoĩva káda áño, ha’e tembiapo he’iséva, omantenéva deseo natural jarekóva ñanemandu’a hag̃ua umi tembiasakue iñimportánteva ñandéve g̃uarãre. Umi tembi’u especial, peteĩ tembiasakue ha navidagua jeguaka ha’ekuaa ñande memória aty mandu’ahakuéra. Potapy mbareteve jarekóva jepe ñande karitativove hag̃ua ko époka del año-pe omombaykuaa intensiõ jarekóva ñanemandu’a hag̃ua ñande aguyjeva’erãha. {9Mborayhu espesial oĩva ñanendive og̃uahẽvo Navida ha’e avei oportunida oúva ñandéve ñasentra hag̃ua umi jahupytyséva ha umi jajapóva Jesucristo-pe: “Penemandu’áke, penemandu’áke pene Redentor ita ári, ha’éva Cristo, Tupã Ra’y, pemoĩva’erãha pene pyenda”.¹⁹ Penemandu’áke peteĩ ary opávo ha jajagarra viáhe puente ári pe ipyahúva gotyo—umi reyes magos ha ovecharerekuáicha—ha’eha Ñandejára po mbaretekue rupive²⁰ jajapoha upéva.

Upéicha, peiko peikohápe ko múndope, penemandu’áke peñatende hetaite techaukaha peneinvitávare pema’ẽ hag̃ua Cristo-re. Opa mba’e ñamomba’évape ko áño, opa maitei ñame’ẽvape, opa tapicha jarekóvape ñane akãme, aníke ñanderesarái ñanemandu’a hag̃ua pe Me’ẽha añetére—Upe araka’eve ndahesaráiva ñandehegui ha ome’ẽva ñandéve pu’aka ñanemandu’a hag̃ua Hese, Ijespíritu rupive, Navidápe ha opa árape. Ha’e ogueru “vy’apavẽ yvórape” ha oinvita ñane korasõme “ñambosako’i tenda chupe g̃uarã”²¹ ñamog̃uahẽ hag̃ua ñande Rey. Ha’e pe pyenda segúro jaje’oiha ári. Ha’e Yvóra Resape ha Tupã oikovéva Ra’y. Atestifika Hérape, jepeve Jesucristo. Amén.