Mai na Mataveiliutaki Taumada

Sa Tucake Tale ko Koya!

Mai vei Peresitedi Henry B. Eyring

iKarua ni Daunivakasala ena Mataveiliutaki Taumada

Tauri mai na “sa tucake tale ko koya,” liaona, Epereli 2013, 4 – 5.

Na Tucake tale i Jisu Karisito e solia vei keda na inuinui. A solia vei au na inuinui na mate nei Tinaqu ena dua na siga ni vulaikatakata ena yabaki 1969. Au rarawa baleta niu tawase tu vakawawa mai vua.

Ia au marau ena gauna e tukuna kina vei au na Yalo Tabu ni sa ka dina na tucake tale. Au rawa ni raitayaloyalotaka na cava ena yaco me rawa niu raici tinaqu kei na so tale au lomana ena dua na siga.

A tucake tale ko Jisu Karisito Ena Vukuna, o ira kece na luvena na Tamada Vakalomalagi era sucu mai ki vuravura ena tucaketale ena dua na yago ka na sega ni mate rawa.

Tucake tale: Ni sa lesu tale mai ki na yagona na Yalo i Jisu ni oti na Nona mate. Ena vukui Jisu, o ira kece era sa mate era na tucake tale ena dua na siga.

Au vakadinadinataka ni o Jisu na Karisito sa tucake tale, na noda iVakabula, ka sa noda ivakaraitaki ka idusidusi uasivi duadua ki na bula tawamudu.

Peresitedi Henry B. Eyring

Na iTalanoa ni Siganimate

Kotiva na kadi ka vakabira ena pepa. Da via vaqarataka qai vesuka ira vata ena dua na wa. Sa okoya oqori na nomu ivola talanoa ni Siganimate!

1. 

   A vodoka yani o Jisu Karisito na vanua o Jerusalemi ena dua na asa. Era vakacaucautaki Koya na tamata ka biuta na draunisasa ena delani gaunisala (Raica na Marika 11:1-11)

2. 

   Sa sikova na valetabu ko Jisu A vakabulai ira na tamata era lokiloki ka mataboko. (Raica na Maciu 21:12–14.)

3. 

   Era saumi Jutasa Isikarioti, e dua na tisaipeli i Jisu Karisito o ira na bete loma ca, e 30 na siliva me soli Jisu vei ira. (Raica na Maciu 26:14 – 16.)

4. 

   A kania o Jisu na kakana ni Lakosivia vatakei iratou na Nona tisaipeli. Sa dovia vei iratou na sakaramede me vukea nodra daunanumi Koya. (Raica na Maciu 26:19–20, 26–28

5. 

   A lako o Jisu ki Kecisemani me laki masu vua na Tamada Vakalomalagi. A vakadonuya o Koya me mai vakararawataki ena vuku ni noda ivalavala ca. Era sa qai lako mai na tamata ena iseleiwau ka vesuki koya. (Raica na Maciu 26:36–50.)

6. 

   A vakararawataki o Jisu ka mate ena kauveilatai. A davo na yagona ena dua na ibulubulu kei na vatu levu ena mata ni katuba. (Raica na Maciu 27:27 – 35, 57 – 60.)

7. 

   Era sa qai vaqiqica tani na vatu na agilosi. Erau tukuna vei Meri Makitalena kei na so tale na marama ni sa tucaketale o Jisu. A rairai o Jisu vei ira na marama, ka ra qaravi koya. (Raica na Matthew 28:1–10

8. 

   A rairai o Jisu vei iratou na nona tisaipeli. Era tara na yagona ni sa tucaketale. A tukuna vei ira me ra vakavulica na nona kosipeli ki na tamata kecega. Sa tucake tale o Jisu Karisito, eda na vakakina! (Raica na Luke 24:36 – 43; Maciu 28:16 – 20.)

Raica na, Lako Mai, Mo Muri Au ena Vunau kei na Veiyalayalati 29 kei na Siganimate.

Droini mai vei Steliyana Doneva