iTalanoa mai na iVolanikalou

Ni Bera ni Da Lako Mai ki Vuravura

Sa rawa mo wilika na italanoa oqo ena Eparaama 3:22–27

Ni bera ni da sucu mai, eda a bula tu mai lomalagi kei na Tamada Vakalomalagi. A vakatavulici keda o Koya me baleta na Nona ituvatuva ni bula marau.

A kaya na Tamada Vakalomalagi ni da na lako mai ki vuravura me da mai taukena na yago. Eda na vuli ka digidigi. Ena so na gauna eda na caka cala. Eda na gadreva e dua na iVakabula.

Ena vakaraitaka vei keda na iVakabula na sala me da bula kina. Ia ni cala na noda digidigi, eda na rawa ni veivutuni.

A qai kaya ko Jisu: “Koi au oqo; mo ni talai au.” Sa digitaki Koya na Tamada Vakalomalagi me noda iVakabula. A yalataka o Jisu ni na lako mai ki vuravura me vakabulai keda.

Au rawa ni muri Jisu. Ena dua na siga au rawa ni lesu tale ka lak‘i bula vata kei na Tamada Vakalomalagi.

Droini mai vei Apryl Stott