iVuvu ni Lotu ena Vanua Kecega

Tomu kei na Matetaka Rerevaki

Mai vei Lucy Stevenson Ewell

Mekasini ni Lotu

(Yavutaki ena italanoa dina)

Sa kila tu o Tomu ni na vukei ira na Kalou.

boy helping sick dad drink

“Oqo mada, Tamā (Ta),” a kaya vakamalua o Tom. A dabe vakamalua cake o tamai Tomu ena nona ibe ni moce. A vukei koya o Tomu ni gunuva eso na wai ni bu bulabula.

E a tauvimate tu me vica na siga o Ta kei na vo ni matavuvale i Tomu. Voleka ni o ira kece na lewe ni koro e sa tauvimate talega. Sa basika mai ki na yanuyanu e dua na matedewa—na matetaka ni Sipeni.

A lako ki tautuba o Tomu. Sa dua o koya vei ira na tamata duadua ga ka bula vinaka tu me qaravi ira tale eso. Ka sa gadreva tu na veivuke e vuqa na matavuvale.

Au sa gadreva eso tale na wai ni bu, a vakasamataka o Tomu. A kabata cake o koya e dua na vuniniu balavu. Ni sa yaco i cake, a digitaka o koya eso na niu ka vakalutuka mai ki ra.

boy climbing up coconut tree

Ni sa siro sobu mai, sa vakasamataki ira na tamata ena nona koro o Tomu. E sa rerevaki sara na kena raici e vuqa vei ira na tauvimate.

Ena yabaki eliu, a tauvimate na taci Tomu, o Ailama. Sa rerevaki talega oya. A masulaki koya o Tomu kei na nona matavuvale me bula vinaka.

A qai dua na tadra vakasakiti i Ta. A vakaraitaka vua na tadra na sala me vukei Ailama kina me bula vinaka—ena tuki ni kuli ni kau na wiliwili me tauri na kena wai. A vukei Ta o Tomu ni qaravi Ailama, ka rau solia vua na wai mai na vunikau. Ka sa bula vinaka o Ailama!

Sa kila tu o Tomu ni a vukei rau kina na Kalou. Ka kila tu o koya ni na vukei rau oqo na Kalou.

A vakatadolataki ira na niu o Tomu. Na iboi kamica ni wai ni bu a vakalomavinakataki koya vakalailai. A lako o koya ki na vale ka tarava ena koro me wasea eso na wai ni bu vei ira na wekana. A qai gole o koya ki na vale ka tarava. Kei koya ka tarava.

Sa sivi tu e vica na macawa. Ena veisiga yadua sa cakacaka vakaukauwa o Tomu me qarava na tamata kecega. A tobo toa o koya me rawa ni caka supu katakata me veiwaseyaki. A tube vokete wai o koya mai na wai vure me ra gunuva na tamata.

Sa mate eso na tamata ena koro. Sa mate talega o Ta. E a dredre saraga vei Tomu. Sa rarawa na koro taucoko. Ia ena ka kece oqo, sa nanuma o Tomu na loloma ni Kalou kivua ka na vukei koya.

A sega ni cegu o Tomu ni vukei ira na tamata. Ni oti vakalailai, era sa tekivu bula vinaka na tamata!

Kena itinitini na mudu tu ni matetaka dewa. Sa oti na nodra tauvi mate na tamata. Sa rawa tale tu ni gole i koronivuli o Tomu kei Ailama. Sa dau calati Tamā tu ga o Tomu. Ia sa kila tu o koya ni na raici nona Ta tale ena dua na siga. Ka kila tu o koya ni na dau tiko ga e kea na Tamada Vakalomalagi me vukei koya.

O Samoa e dua na yatu yanuyanu ena Wasa Pasifika.

Nikua sa dua tiko na valetabu e Samoa.

E dua na vale vakavanua e Samoa, vakatokai na fale, e sega ni vakalalaga.

Na matetaka dewa ni Sipeni a yacovi Samoa ena 1918.

Sa yabaki 12 tu o Tomu ena kena tekivu na matedewa.

Na koro i Tomu, o Sauniatu, a tara e dua na ilawalawa Yalododonu Edaidai.

PDF of story

Droini mai vei Corey Egbert