“Olsem Wanem Mi Bin Kasem Baptaes,” Fren, Ogis 2023, 12–13.
Olsem Wanem Mi Bin Kasem Baptaes
!Halo! Mi mi Aranoarii. Mi stap laef long Tahiti. Mi gat 11 yia, mo mi glad tumas blong talem se mi wan memba blong Jos Ia blong Jisas Kraes blong Ol Lata-dei Sent.
?Olsem wanem nao yu bin lanem abaot Jos?
Sam fren oli invaetem famli blong mi i go long aktiviti blong Jos. Oli invaetem mifala tu i go long baptaes blong pikinini blong olgeta. Mi bin askem mama blong mi sapos mi save mit wetem ol misinari from mi rili wantem blong lanem moa abaot Jisas Kraes.
?I bin olsem wanem blong mitim ol misinari?
!Ol misinari oli gud we! Oltaem mi hapi tumas blong gat ol lesen abaot Jisas Kraes mo gospel blong Hem, wetem olgeta. Mi bin laekem ol stori we oli talem long mi mo ol gem we mifala i bin plei long hem blong helpem mi lanem samting.
?Baptaes blong yu i bin olsem wanem?
Papa blong mi i bin baptaesem mama blong mi mo mi long namba 11 betdei blong mi. !Mi bin glad tumas! Mifala i invaetem plante pipol we mifala i lavem! Ol fren blong mi long skul mo tija blong mi oli kam blong sapotem mi.
Taem mi kamaot long wota, mi fulap wetem bigfala glad. !Smael blong mi i go kasem ol sora blong mi! Mi hapi tumas se mi save folem eksampol blong Jisas Kraes.
?Yu bin filim olsem wanem long fastaem we yu go long Praemeri?
Long stat, mi bin fraet tumas mekem kolosap mi krae. Be afta mi bin go long wan aktiviti blong Praemeri. Mi kam blong save evriwan, mo mi bin gat sam fren.
Sapos yu yu niu, advaes blong mi long yu, i blong kam long Praemeri klas blong yu, iven sapos yu fraet long stat. !Mifala i lavem ol niu pipol!
?Olsem wanem nao yu stap folem Jisas?
Mi prea mo go long jos evri Sandei. Mi toktok wetem famli blong mi abaot gospel blong Jisas Kraes.
Mi traem blong lukaotem ol narawan we oli nidim help. Long haos, mi helpem mama blong mi blong mekem ol wok blong haos. Mi helpem papa blong mi blong mekem garen, katem ol wud, mo bildim ol samting. Sam manis i pas, wod blong mifala i gat wan talen so. Mi wan man blong plei miusik, !mekem se mi plei dram ful naet!
Ol foto i kam long Stéphane Sayeb