“Stap Folem Jisas Tugeta,” Fren, Ogis 2023, 49.
Stap Folem Jisas Tugeta
Mi bin jusum blong wokbaot long wan niufala rod mo folem Jisas Kraes taem mi kasem baptaes. Baptaes blong mi i simpol, be i rij long saed blong ol filing, mo mi bin filim se mi niu. Mi wantem go long wan fultaem misin.
Happiness D., 9 yia, Akra, Gana
Mi traem blong folem Jisas stat long taem we mi kasem baptaes, mo gat kaen fasin long bebi sista blong mi. Mi stap help taem mi pusum pram blong hem. Mi filim hapi taem mi soem kaen fasin, mo mi save se hemia i mekem Jisas i hapi tu.
Simon P., 9 yia, Masajuset, YSA
Mi folem Jisas taem mi stap prea, lavem ol narawan, mo gat fet.
Yoreli T., 6 yia, Sumpango, Meksiko
Long Krismes Dei, papa blong mi mo mi, i go givimaot kaekae long ol pipol we oli nogat ol hom. !Hem i gud tumas! Blong stap folem Jisas i mekem mi hapi.
Akari F., 9 yia, Jiba, Japan
Mi stap folem Jisas taem mi ridim ol skripja blong mi mo stap obei long ol komanmen blong Hem.
Luke W., 9 yia, Waeoming, YSA
Mi stap folem Jisas taem mi stap lavem famli blong mi mo stap helpem mama blong mi.
Chloe D., 4 yia, Nasonal Kapitol Rejin, Filipin
Eni taem we mi prea, ridim ol skripja, o mekem wan gudfala samting, mi filim hapi. I filim olsem wan hag we i kam long wan we mi lavem. Mi save se Hem i Tabu Spirit.
Caileen D., 6 yia, Nasonal Kapitol Rejin, Filipin
Mi filim Tabu Spirit taem mi stap go tru long ol had taem. Hem i helpem mi blong filim moa gud.
Hunter O., 11 yia, Not Karolina, YSA
Mi filim Tabu Spirit taem mi mekem maen blong mi i kwaet mo jusum raet. Taem mi stap lisin long mama mo papa blong mi, mi save filim Tabu Spirit i stap kolosap.
Oliver B., 10 yia, Wasington, YSA
Tabu Spirit i mekem yu filim wom mo kam strong moa. Tabu Spirit i stap blong yu taem yu nidim Hem, mo hemia i mekem Hem i spesel tumas.
Aisea A., 9 yia, Sentrol Divisen, Fiji
Tabu Spirit i mekem mi hapi, glad, mo strong.
Hailey G., 7 yia, Santa Krus, Bolivia
Taem mi kasem baptaes, mi bin filim kolkol from wota. Afta taem mi finis, mi filim wom mo klin. Taem mi baptaes, mi bin tekem wan bigfala step i go fored long Kraes mo Papa blong yumi long Heven.
Malayla S., 8 yia, Yukon, Kanada