Muimui Fakataha ʻia Sīsū

Naʻá ku fili ke u ʻaʻeva ʻi ha hala foʻou pea muimui ʻia Sīsū Kalaisi ʻi he taimi naʻá ku papitaiso aí. Naʻe faingofua pē hoku papitaisó ka naʻe ongo ʻo mahulu fakaeloto, pea naʻá ku ongoʻi foʻou. ʻOku ou fie ʻalu ʻo ngāue fakafaifekau taimi kakato.

Hepinesi T., taʻu 9, ʻAkalā, Kana

ʻOku ou feinga ke muimui ʻia Sīsū talu hono papitaiso aú ʻaki ʻeku angaʻofa ki hoku kiʻi tehiná. ʻOku ou tokoni ʻaki hono teke hono salioté. ʻOku ou ongoʻi fiefia ʻi he taimi ʻoku ou angaʻofa aí, pea ʻoku ou ʻiloʻi ʻokú ne ʻai foki ke fiefia mo Sīsū.

Saimone P,. ta‘u 9, Masasuseti, USA

ʻOku ou muimui ʻia Sīsū ʻaki ʻeku lotu, ʻofa ki he niʻihi kehé, pea maʻu ʻa e tuí.

ʻIoleli T., taʻu 6, Sumipango, Mekisikou

ʻI he ʻAho Kilisimasí naʻá ku tufaki mo ʻeku tamaí ha meʻakai ki ha kakai naʻe ʻikai haʻanau ʻapi. Naʻe fakalata ʻaupito! ‘Oku hanga ʻe heʻeku muimui ʻia Sīsuú ʻo ngaohi au ke u fiefia.

Akalī F., taʻu 9, Sipa, Siapani

ʻOku ou muimui kia Sīsū ʻaki ʻeku lau ʻeku folofolá mo muimui ki Heʻene ngaahi fekaú.

Luke W., taʻu 9, Uaiōmingi, USA

ʻOku ou muimui ʻia Sīsū ʻaki ʻeku ʻofa ʻi hoku fāmilí mo hoko ko ha kiʻi tokoni ki heʻeku faʻeé.

Koloi D., taʻu 4, Vahefonua Kolomuʻa Fakafonuá, Filipaini

Ko e taimi pē ʻoku ou lotu aí, lau e folofolá, pe fai ha meʻa leleí, ʻoku ou ongoʻi fiefia. ʻOku hangē ia ha fāʻofua ʻa ha taha ʻoku ou ʻofa aí. ʻOku ou ʻilo ko e Laumālie Māʻoniʻoní ia.

Keilini D., taʻu 6, Vahefonua Kolomuʻa Fakafonuá, Filipaini

ʻOku ou ongoʻi ʻa e Laumālie Māʻoniʻoní ʻi he taimi ʻoku ou foua ai ʻa e ngaahi taimi faingataʻá. ʻOkú ne tokoniʻi au ke u ongoʻi lelei ange.

Hanitā O., taʻu 11, Kalolaina Tokelau, USA

ʻOku ou ongoʻi ʻa e Laumālie Māʻoniʻoní ʻi he taimi ʻoku nonga ai hoku ʻatamaí mo fili ki he totonú. ʻI he taimi ʻoku ou fanongo ai ki heʻeku faʻeé mo ʻeku tamaí, ʻoku ou lava ʻo ongoʻi ʻoku ofi mai ʻa e Laumālie Māʻoniʻoní.

ʻOliva B., taʻu 10, Uāsingatoni, USA

ʻOku ongoʻi māfana mo fakamālohia e Laumālie Māʻoniʻoní. ʻOku ʻi ai ʻa e Laumālie Māʻoniʻoní maʻau ʻi he taimi ʻokú ke fiemaʻu aí, ʻa ia ʻokú ne ʻai ia ke fuʻu makehe.

ʻAisea A., taʻu 9, Vahe Lotolotó, Fisi

ʻOku ngaohi au ʻe he Laumālie Māʻoniʻoní ke u ongoʻi fiefia, nēkeneka, mo mālohi.

Heilī G., taʻu 7, Sanitā Kulusi, Polīvia

ʻI he taimi naʻe papitaiso ai aú, naʻá ku ongoʻi mokosia koeʻuhí ko e vaí. Pea ʻi heʻene ʻosí, naʻá ku ongoʻi māfana mo maʻa. ʻI heʻeku papitaisó ne u manga lōloa ai kia Kalaisi mo ʻetau Tamai Hēvaní.

Maleilā S., taʻu 8, Vahefonua ʻIukoní, Kānata