‘Oku Founga Fefē ʻEtau Lotú?

Ko e lotú ʻa e founga ʻoku tau fakataufolofola ai ki he Tamai Hēvaní. ʻOkú Ne finangalo maʻu pē ke fanongo meiate koe, pea ʻokú Ne fakafanongo maʻu pē. ʻOkú Ne tali hoʻo ngaahi lotú ʻi ha ngaahi founga lahi. Te Ne lava ʻo ʻoatu ha ueʻi, pe ongo, mei he Laumālie Māʻoniʻoní. Pē te Ne ueʻi ha taha kehe ke tokoni atu.

Founga ʻo e Lotú

• Kuikui ho matá, punou ho ʻulú, pea peluki fatafata ho ongo nimá.

• Kamata ʻaki hoʻo pehē, “ʻE Tamai Hēvani”

• Fakataufolofola ki he Tamai Hēvaní ʻi he fakaʻapaʻapa mo e loto ʻapasia.

• Fakaʻosi ʻaki ʻo pehé, “ʻI he huafa ʻo Sīsū Kalaisí, ʻēmeni.”

• Te ke lava ʻo lotu leʻolahi pe ʻi ho ʻatamaí pē, ʻi ha faʻahinga taimi pē.

Ko ha ngaahi meʻa ʻeni te ke lava ʻo lotu ʻaki.

• Fakamālō ki he Tamai Hēvaní koeʻuhí ko e ngaahi meʻa ʻokú ke houngaʻia aí.

• Fakamatala kiate Ia fekauʻaki mo e ngaahi meʻa faingataʻa pe lelei naʻe hoko ʻi ho ʻahó.

• Kole tokoni kiate Ia ʻi he taimi ʻokú ke ilifia ai pe ʻikai ʻilo e meʻa ke faí.

• Kole kiate Ia ke tāpuakiʻi ha taha kehe ʻoku fiemaʻu tokoni.

ʻOku ou fakamālō ki he ʻAfioná …