“Fakafanongo ki he Laumālie Māʻoniʻoní,” Ko e Kaumeʻá, ʻAokosi 2023, 21.
Fakafanongo ki he Laumālie Māʻoniʻoní
Tā fakatātaaʻi ʻe Xavier Bonet
ʻI he faʻahitaʻu māfana kuo ʻosí, naʻe ʻeva fononga lalo hoku fāmilí. Naʻe aʻu e halá ki ha kiʻi vaitafe. Naʻá ku vete mo hoku taʻoketé, mo hoku kiʻi tuongaʻané, homau suú peá mau lue atu ki he loto vaí.
ʻI he taimi naʻe kiʻi fakalaka ai ʻa e vaí ʻi hoku ongo tuí, naʻá mau tuʻu. Naʻa mau sio ki ha kulupu ʻo ha fānau lalahi ange ʻoku nau vaʻinga ʻi ha vai loloto ange ʻi muʻa. Naʻe malimali hoku taʻoketé mo ne pehē mai, “ʻOku totonu ke tau toe tahataha atu ki he lolotó!”
Ka naʻe talamai ʻe ha leʻo ki heʻeku fakakaukaú ke u nofo pē au mo hoku kiʻi tuongaʻané. Naʻá ku ʻiloʻi ko e Laumālie Māʻoniʻoní ia. Naʻá ku talaange ki hoku taʻoketé te ne lava ʻo vakaiʻi ia, ka te u nofo pē mo hoku kiʻi tuongaʻané.
ʻI he taimi naʻe foki mai ai hoku taʻoketé, naʻá ne pehē naʻe ʻau ʻaupito ʻa e vaí pea faingataʻa ke lue ki loto. ʻI heʻene lea ʻaki iá, naʻá ku ʻiloʻi kuó u fai ʻa e fili totonu ke u nofo malu mo hoku kiʻi tuongaʻané.