Vakabula mai Nicaragua!

Vulica na veika me baleti ira na luvena na Tamada Vakalomalagi e vuravura taucoko.

O Nicaragua e dua na matanitu e Amerika e Loma. E voleka ni 7 na milioni na tamata era tiko kina!

Vosa

Na vosa vakadeitaki na vosa vaka Sipeni. Eso na tamata era vosataka talega na nodra vosa vaka-Miskito, Sumo, kei Rama.

¿Nahki sma?

Kena ibalebale vaka Miskito “O vakacava tiko?”!

Vakatetei ni Kosipeli

Era a lako mai na imatai ni daukaulotu i Nicaragua ena 1953. Oqo sa sivia na 100,000 na lewe ni Lotu e kea! E tiko mada ga e dua na valetabu e tara tiko.

Qio ni Lake Nicaragua.

E dua na mataqali qio na bull shark e rawa ni bula e waitui kei na waidroka. Kena ibalebale oqo ni rawa ni ra tiko ena veiwasawasa, uciwai, kei na drano! Erau qalo mai na Wasa Atalanitika ena dua na uciwai balavu me rau vakaitikotiko e Lake Nicaragua.

Palo de Mayo

O ira na tamata e Nicaragua era soqova levu ka vakatokai na Palo de Mayo ni yaco mai na draki ni uca. Era ukutaka e dua na vunikau se kau balavu vata ena reveni duiroka me ra danisi ka marautaka na vula taucoko.

iTaviqaravi

Chuwis

Na Chuwis e dua na qito ni tabagone e Nicaragua. Me qitori na qito oqo, o na gadreva na bini drokadroka (se na kau) kei na dua na qara e loma ni qele (se dua na bilo). Solia e lima na bini drokadroka ki na dauqito yadua. Na imatai ni dauqito e viritaka na bini drokadroka ki na qara yadudua. Kevaka era calata e dua, era na cegu, ka qito na dauqito e tarava. Na imatai ni dauqito me rawati kece kina na lima na beans drokadroka ena dauqito ni qara!

iCakacaka ni kakana

Gallopinto

Mai Nicaragua, e vuqa na tamata era kania na kakana ni raisi kei na bini ena veisiga. Oqo e dua na icakacaka ni kakana o rawa ni tovolea!

1. Vakatakatara e 2 na itakilelevu na waiwai kei na1/2 na varasa dromodromo musu vakalalai. Ulia me 5 na miniti.

2. Ulia e loma e 1 1/2 bilo raisi vulavula me 2 ki na 3 na miniti.

3. Kuria na masima kei na 3 na bilo wai. Kauta tani na sorenikau mai na veimama ni boro lali drokadroka ka biuta e cake.

4. Sogota ka vakasaqara me 15 na miniti me yacova ni sa oti na wai.

5. Biuta laivi na boro saqa ka ulia ena 2 na bilo na bini damudamu se loaloa buta kei na 1/2 na itakilalai na pauta garlic. Vakasaqara me 10 na miniti.

Raica mo vukei mai vua e dua na qase!

Droini mai vei Dave Klüg