“ Tovolea Tale o Raina, ” iTokani, Julai 2024, 36–37.
Tovolea tale o Raina
“Oqori na iotioti ni gauna au na tovolea tale kina e dua na ka vou,” a kaya o Raina.
Na italanoa oqo a yaco mai Amerika.
A wilika tale o Raina na vosa ena ivolacagina ena nona koronivuli. Veisisivi Itukutuku: Qaqa ena dua na ilakolako sega ni saumi ki na Siti o New York!
E a dua na veisisivi vei ira na gonevuli ena vuqa na koronivuli ena vanua o ya. A vakasamataki koya o Raina ena siti o New York, ka ra wavoliti koya tu na lomalagi kei na ivakatakarakara ni bula galala. E vinakata me lako!
“E dodonu mo curu,” a kaya o Sydney. “O iko o dauvolaivola vinaka duadua ena kalasi!”
Na vosa nei Sydney e vakavuna me lomavinaka o Raina. E sega ni kila e levu na ka me baleta na volai ni itukutuku. Ia a vinakata me tovolea.
Ni oti na vuli, a dabe toka ena nona desi o Raina. dirika, dirika, dirika. A dirika na nona penikau ena pepa ni vakasamataka tiko na nona vakasama. Kena itinitini, sa tekivu me volavola.
E taura e dua taucoko na macawa me vakacavara o Raina. Ia ena veivuke nei Tinana, a qai vakila o koya ni sa tu vakarau me vuki ena itukutuku.
Ni oti e vica na macawa. A marau o Raina me raica se o cei e qaqa. De na rairai sa na gole rawa yani ki New York!
“E sivia ni dua na drau na gonevuli era a curu na veisisivi,” Mr. A kaya yani o Mr. Wright mai na mata ni kalasi. “Vinaka vakalevu vei kemuni kece o ni a vola e dua na itukutuku.”
Sa vadugu na utoi Raina ena marau.
“E dina ga ni sega ni dua vei ira na noda gonevuli a rawata na veisisivi, a tiko o Raina ena lima na icurucuru kece sara. Kalougata, Raina,” kaya o Mr. Wright.
E matadredredre o Raina ni ra vakasausau na nona lewe ni kalasi. Ia e loma e ririko tikoga. Na tiko ena imatai ni lima e sega soti ni vinaka me vaka na qaqa. Na nona tadra ni raici New York sa yali.
Ni yaco yani ki vale o Raina, a daberaki koya ena dua na idabedabe e valenikuro mai vei rau na nona itubutubu. “Au a druka ena veisisivi,” e kaya o koya. “Oqori na iotioti ni gauna au na tovolea tale kina e dua na ka vou. Au na cakava ga na ka au kila niu vinaka kina.” A tabonaka na uluna ena ligana.
“ Au rarawa ni o a sega ni qaqa. Keirau sa dokai iko ruarua kei Na ena nomu tovolea tiko,” a kaya o Tamana. A dabe tikivi Raina o nona Ta. “O nanuma tiko beka niu a sega ni cakacaka tu ena vica na yabaki sa oti?”
A deguvacu o Raina.
“Au a kere cakacaka e levu na vanua ka sega ni vakacakacakataki e dua vei ira,” a kaya o Tamana. “Au vakila niu sa yalolailai sara ga.”
A laveta cake na uluna o Raina. “E dina?”
A deguvacu o Ta. “Ia au sega ni soro. Ni oti e dua na gauna balavu, au a kunea e dua na cakacaka e vinaka sara. Ia ena sega ni yaco kevaka au a sega ni tovolea.”
A tavara na Tinana na ligana me veivakacegui ena dakui Raina. “O kila beka e vica na italanoa au dau vakauta ki na veimekasini duidui eso?” a taroga. “Ka vica era sa sega ni ciqomi? Ia au sega ni rawa ni soro kevaka au vinakata meu raica na tabaki ni noqu cakacaka. E bibi vei au na volavola, kau tovolea tikoga.”
E dau nanuma tu ga o Raina ni rau vinaka na nona itubutubu ena veika kece erau cakava. E sega vakadua ni kila ni rau sa sega ni ciqomi talega mai.
E se rarawa tikoga o koya, ia e vaka me sesewa me kakua tale ni tovolea tale e dua na ka vou. Oqori e sega ni ka e vinakata vua na Tamada Vakalomalagi. Sa nanuma o Raina me sa na kua ni soro. Sa rawa vua me tovolea eso tale na ka, na ka sara mada ga a sega ni cakava vakavinaka.
“Au vakabauta meu na curu tale ena veisisivi ena yabaki mai oqo,” a kaya o Raina. Na druka ni veisisivi e sega ni dodonu me itinitini ni nona tatadra.
A gole o Raina ki na nona desi ka tomika cake na nona penikau. A lasa sara na volavola. dirika, dirika, dirika. Ia na ka vou cava e rawa ni vola tarava o koya?
lDroini mai vei Vivian Mineker