“Na Rekitaki ni Vuli,” iTokani, Julai 2024, 32–33.
iTokani ki na iTokani
Na Rekitaki ni Vuli
Mai na dua na veivakatarogi vata kei Olivia Kitterman kei Noelle Lambert Barrus.
Au sega ni vakila niu dua na dauvuli vinaka e tubu cake tiko. E ratou sa vuku sara na taciqu. Era rawata na maka vinaka. Era a taura na kalasi dredre duadua. Au a tovolea tikoga na kalasi dredre, ia au a sega ni ciqomi. Sa dredre sara ga na vuli Vakafika. Au sa qai vakasamataka, “Ia, au vakabauta niu sega ni vuku.” Au sega ni vakabauta ni rawa me veisau.
Ena dua na yabaki a tiko vei au e dua na qasenivuli ka solia vei au na yalodei au gadreva. E raica vakalevu cake vei au na noqu qasenivuli na taledi mai vei au. A kaya o lewa,“ Clark, e rawa ni o dua na gonevuli vinaka. O na gadreva ga mo vakabauti iko.”
Ia au a tovolea tikoga. Au a vuli vakaukauwa sara. Au a cakacaka talega meu tuvatuva matau. Au a vulica na sala meu na dau vakamuria tiko na noqu vuli e vale. Niu bokoca na TV a vukei au meu raimatua ki na noqu vuli. Sega ni dede, au sa yaco meu gonevuli vinaka cake. Ka sa tubu na noqu yalodei.
Niu sa laki kaulotu, au raica ni sega ni dodonu meu vuli ga vakai au. Au a kerea na veivuke nei Tamada Vakalomalagi. Kau a vakarorogo ki na Yalo Tabu. Niu cakacaka vakaukauwa, au a rawa ni vakavulica ka vukei ira na tamata. Niu lesu mai vale mai na noqu kaulotu, au a lako ki na vuli torocake. Au masuta na veivuke ni Kalou ena kalasi yadua. Au a yaco meu gonevuli vinaka cake kau tekivu taleitaka na math!
Au nanuma ni sa kena ibalebale ni o vuku me o sa kila e levu na ka, ka sa rawarawa na vuli. E sega ni dina oqori. Kevaka o sa tu vakarau mo vakaitavitaka na Turaga ena nomu vuli ka cakacaka vakaukauwa mo vakavinakataka cake, o sa vuku!
Kevaka sa dredre na veika ena gauna oqo, nanuma tiko ni ko sa luve ni Kalou. E vakasakiti na ka o rawa ni rawata. O rawa ni cakava na veika dredre! Meda tomana tiko ga na noda cakacaka. Masuta na Tamada Vakalomalagi me veidusimaki. E vinakata o Koya meda rawa-ka. E rawa ni o cakava oqori!
Lasa ni Vuli
Vakaraica na iwalewale yadua ni iyaya ni vuli ena veilawa e ra. Na cava o taleitaka mo vulica e koronivuli?
Droini mai vei Agnes Saccani