“ Na Valenisarasara ni iVolanikalou, ” iTokani, Julai 2024, 14–15.
Na Valenisarasara ni iVolanikalou
“ Vakacava ke keitou a taura mai na kato ni Sigatabu? ” A taroga o Jonny.
Na italanoa oqo a yaco mai Amerika.
“Au sa vucesa.” E davo toka o Jonny ena vuloa ni rumu ni gade.
A rai yani ena katubaleka na ganena o Jenna. “ E sega ni dua na ka me caka, ” e kaya o koya.
A rai cake o Jonny ki na siligi. Na cava na vuna e sega kina ni lasa na Sigatabu?
A qai vakasamataka e dua na ka. “ Vakacava ke keitou a taura mai na kato ni Sigatabu? ” A taroga o Jonny. Na kato ni Sigatabu e dua na kato talei ka sinai tu ena veimataqali qito ena Sigatabu.
E serau na matai Jenna ena matadredredre. “E rogorogo lasa oya.”
E rau cici yani o Jonny kei Jenna ki na rumu nei Na. Rau dreta yani na kato levu ki na rumu ni gade.
“Na cava beka me daru cakava i liu?” A taroga o Jonny. A dolava na kato ka dreta mai eso na ivola ni iyaloyalo kei na qito kadi.
“Meda qitora mada na qito qaqa ni ivolanikalou me veisotari,” a kaya o Jenna.
E tiko na kadi ni qito kei na kedra iyaloyalo na parofita ni iVola i Momani. A vakadavora o Jenna na kadi ena vuloa e ra. E ratou veivukevuke ena tomi kadi ka tovolea me rau kunea na kena e veisotari.
A tomika cake o Jonny e rua na kadi duidui kei Kavetani Moronai vei rau. “Au a kunea e dua na veisotari!” a kailavaka yani.
“O au talega.” A taura cake e rua na kadi o Jenna ka vakaraitaka vei Seraia.
E rau a qito ena vica na wavoki o Jonny kei Jenna. E ka marautaki niu vakasamataka na nodra italanoa taleitaki mai na iVola i Momani.
Ni oti e dua na gauna a kaya o Jenna, “Me daru cakava e dua tale na ka.”
“Daumaka. Me da vakatasuasuataka mada e dua na noda italanoa taleitaki mai na ivolanikalou. Me dua mada noda valenisarasara ni volanikalou!” Sa tekivu me tomika cake na kadi o Jonny.
“Io!” A veivuke o Jenna ena kena kumuni na qito ka biuta laivi.
A kelia tiko ena kato o Jonny me yacova ni sa kunea eso na isulu. A taura mai e dua na icurucuru balavu duiroka ka daramaka. “Oi au o Samuela na Leimanaiti!” A lade cake ena dua na idabedabe ka vakataki Samuela, ka veivakavulici tiko ena lalaga ni koro.
A dolava o Jenna na ivola ni iyaloyalo ni iVola i Momani. A vakasaqaqara ena veidraunipepa me yacova ni sa yaco vei Samuela na Leimanaiti. A wilika i cake ena gauna a matanataka kina o Jonny na italanoa.
Era vakatovotovotaka vakavica na gone na italanoa. A vakila na katakata kei na vakacegu e lomana. E vinaka me da nanumi ira na parofita era a vakavulici Jisu Karisito.
Ni ratou sa vakarau, a cici yani o Jonny ka yaco yani vei Na, Ta, kei ganedrau gone, o Makenna. “Lako mai raica na neitou qito!”
E tucake tu o Jenna ena loma donu ni rumu ka dedeka na ligana. “Ni sa kidavaki mai ki na neimami ivolanikalou. Nikua eda na vakaraitaka tiko na italanoa kei Samuela na Leimanaiti!”
Sa qai tekivuna o koya na italanoa. “Ena dua na gauna balavu sa oti, a lako mai e dua na parofita na yacana o Samuela me vakavulici ira na Nifaiti ”
Ni sa mai nona tikina o Jonny, a tucake balavu sara ena idabedabe. A vosa ena domo levu. “Koi au ko Samuela, ka vinakata na Tamada Vakalomalagi mo digidigi vinaka. Kakua ni cakava na veika ca. Baleta ena loma ni lima na yabaki ena sucu kina o Jisu Karisito .”
“Sa tiko vata kei Samuela na kaukauwa ni Kalou,” a kaya o Jenna. A tinia na nona talanoataka na vo ni italanoa. Ni sa yaco oti, vakasausau o Na, Ta, kei Makenna.
“Totoka dina oya!” A kaya o Na.
E rau a cuva o Jonny kei Jenna. Era matadredredre vakalevu.
“Me da cakava tale e dua na vakatasuasua,” a kaya o Jonny.
Keitou na taleitaka me keitou raica e dua tale,” e kaya o Na. Vakasausau ka matadredredre o Makenna.
Rau a cici lesu o Jenna kei Jonny ki na kato ni Sigatabu me so tale na isulu ni vakatasuasua.
“Oqo na ka marautaki!” Au taleitaka na vulica na ivolanikalou,” e kaya o Jenna.
“Kei Jisu.” A matadredredre o Jonny ni raica e dua tale na isulu. E dua dina na siga talei na Sigatabu!
Droini mai vei Shawna J. C. Tenney