“Fesootai,” Mo le Malosi o le Autalavou, Mat. 2021, i totonu o le faavaa pito i luma.

Fesootai

Liah T.

16, Luisiana, ISA

Ua avea le musika o se vaega tele o lo’u olaga. Ou te fiafia e tata le vaiolini ma le vaiola. A o ou laitiiti, sa valaauina lou tina e aoao atu musika i le Peraimeri. Sa ia aoaoina au ia fiafia i pese o loo i le Tusipese a Tamaiti, ma ou te lagonaina le Agaga i soo se taimi lava ou te taina ai.

Ou te siva foi mo le Vintage Louisiana Dancers ma vali ia ata vali mo ou matua ma lou aiga. E tele naua lou agaga faafetai ma le agaga fiafia mo tagata e faaaluina le taimi e vali ai ata ua tatou vaai i ai i le lotu. Ou te manatu e matagofie le avea o le atavali ma se tasi o auala e mafai ai e tagata ona faasoa atu o latou lagona e uiga i le talalelei.

I le konafesi aoao ia Oketopa 2018, na taua ai e Elder Gerrit W. Gong o le Korama a Aposetolo e Toasefululua se ata vali o se la goto i tua o se togavao. Sa matuā matagofie tele! Sa faamanatu mai ia te au e le ata o le a sau i taimi uma le la pe a mavae le po pogisa.

O le talalelei o lou ola lea! Ou te fiafia i le fesootaia atu o lo’u fiafia i le tusiata i le talalelei. O nisi taimi e le tau avea lava ma se atavali o mataupu faalelotu ou te lagona ai le alofa o le Atua. Sa ou tilotilo foi i atavali o manulele i taimi ua tuanai ma mafaufau, “Oi, na fai e le Atua lena manulele mo au.”