“Faaaliga Faifai Pea,” Mo le Malosi o le Autalavou, Mat. 2021, 16.
Upu Faaiu
Faaaliga Faifai Pea
Mai se lauga o le konafesi aoao o Aperila 2020.
Ata na tusia e Ben Simonsen
Na maua e le Perofeta o Iosefa Samita lea faaaliga ma lea faaaliga. E tele faaaliga na maua e le Perofeta o Iosefa ua faasaoina mo i tatou i totonu o le Mataupu Faavae ma Feagaiga.
E le gata i lea, ua faamanuiaina i tatou i faaaliga faifai pea i perofeta soifua, o e “uatofia e fai ma sui o le Alii, ua faatagaina e saunoa mo Ia.”1
O loo avanoa foi faaaliga faaletagata lava ia i tagata uma e saili atu ma le lotomaualalo i le taitaiga mai le Alii. E taua foi e pei o faaaliga faaperofeta.
O faaaliga faaletagata lava ia e fua i upumoni faaleagaga e maua mai le Agaga Paia. O le Agaga Paia o lē na te faaali mai ma molimau mai i upumoni uma, aemaise le moni o le Faaola. A aunoa ma le Agaga Paia, e le mafai ona tatou iloa moni o Iesu o le Keriso. O lana matafaioi mamana o le molimau mai lea i le Tama ma le Alo ma o La faalagiga ma lo La mamalu.
Ou te faamautinoa atu ia te outou o le taitaiga faafaaaliga e mafai ona maua e i tatou taitoatasi pe a tatou galulue ma le lotomaualalo i le tovine a le Alii.
O lau augani faatauvaa ia tatou saili atu i faaaliga faifai pea e taiala ai o tatou olaga ma mulimuli i le Agaga a o tatou tapuai atu i le Atua le Tama ma lo tatou Faaola, o Iesu Keriso.