“Būruwōn Ijtō: Jisōs Kraist Eo Emour,” N̄an Kōkajoorļo̧k Jodikdik ro, Maj. 2021, 2–5.
Būruwōn Ijtō: Jisōs Kraist Eo Emour
N̄an kememe Ijtō, jej m̧ōņōņō bwe Jisōs Kraist emour kiiō im n̄an kōjwōj kajjojo.
Jān juon kōnono ilo Eprōl 2020 kweilo̧k eo eļap.
Ilo jijen in Ijtō in, jej kakeememej iien mour eo an Jisōs Kraist. Kōn iakwe eweppāān, ad Rilo̧mo̧o̧r ej kallim̧uri kōj: “Ilo n̄a kom̧win aenōm̧m̧an. Ilo laļ kom̧ij en̄taan: a kom̧win m̧ōņōņō; N̄a Iar bōk anjo̧ ioon laļ” (Jon 16:33
N̄an kakeememej Ijtō, jej m̧ōņōņō bwe Jisōs Kraist emour—ejjab kar m̧okta wōt, ak kiiō; ejjab baj n̄an jet wōt, ak n̄an aolep. Eaar itok im ej itok n̄an kōmour ro rej būromōj, kōtļo̧k n̄an ro rej mour wōt, loļo̧kjeņ n̄an ro re pilo, im kōtļo̧k ro raar kōkkure er (lale Luk 4:18). Ej kōj kajjojo. Kallim̧ur in pinmuur eo an ej jerbal, jekdo̧o̧n ta tōre eo ad m̧oktaļo̧k, tōre in ad, ak n̄ūrbōktak ko kōn ilju jekļaj eo ad.
Hosanna im Hallelujah
Ilo Palm Jabōt, Jisōs eaar delo̧n̄e Jerusalem uwe ioon juon donkey im elōn̄ “armej … rej bōk ra ko raan wōjke pam, im ilen ioon E” (Jon 12:12–13; bar lale Matu 21:8–9; Mark 11:8–10). Ilo m̧anit, kimej ko rej kōkkaļļe eo ekwojarjar n̄an kwaļo̧k lan̄lōn̄ ilo ad Irooj. Ritōmak ro rekar kile āinwōt kakūrm̧ool in kanaan im kar lam̧ōj “Hosana ilo utiejtata” (Matu 21:9). Hosana meļeļe “lo̧mo̧o̧r kiiō” (lale Baibōļ Tikjinede, “Hosanna”).
Wiik eo ālikin Pam Sunday ej Jabōt in Ijtō. Būreejtōn Russell M. Nelson ekar katakin bwe Jisōs Kraist “ekar itok n̄an kōļļā wōņāān m̧ūri eo ekar jab mūri ki, kōnke jekar m̧ūri ilo ejjeļo̧k wāween n̄an kōļļaik.”12 Aaet, kōn Pinm̧uur eo an Kraist, aolep ajri ro nejin Anij “remaron̄ bōk lo̧mo̧o̧r, jān pokake kien ko im kain̄i ko an Gospel eo.”Laajrak in Tōmak ko 1:3). Ilo Ijtō, jej al hallelujah. Hallelujah meļeļe “nebar e Irooj Jeova” (lale Baibōļ Dictionary, “Hallelujah”).
Iien ko rekwojarjar ikijen Palm Sunday im Jabōt in Ijtō ej juon bwebwenato kōn hosanna im hallelujah. Hosanna ej juon ad kajjitōk n̄an lo̧mo̧o̧r. Hallelujah ej kwaļo̧k ad nōbar n̄an Irooj kōn kōjatdikdik n̄an lo̧mo̧o̧r im mour ijo eutiejtata. Ilo hosanna im hallelujah jej kile Jisōs Kraist eo emour āinwōt būruwōn Ijtō in.
Jepļaaktok im Jerkakpeje
Ilo Jabōt in Ijtō, Eprōl 3, 1836, ilo raan ko ilo iien jepļaaktok eo, Jisōs Kraist eo emour ekar waļo̧k ālkin an Kirtland Tampel eo kar aje. Ro rekar lo E ilo tōre eo rekar kam̧ool kōn E kōņ wūn ko an kijeek im dān: “Mejān rekar āinwōt urur in kijeek; kooļan bōran ekar mouj āinwōt sno erreo; baaktokin eaar romaak ilōn̄inļo̧k meram eo an al; im ainikien eaar āinwōt ainikin ibeb in dān ko reļļap, em̧ool ainikien eo an Jeova” (Katak im Bujen 110:3; kakkobaba in katak).
Ilo iien eo, ad Rilo̧mo̧o̧r eaar ba, “N̄aij eo m̧oktata im eo āliktata; N̄aij E eo ej mour, N̄aij E eo kar m̧ane; N̄aij ami rijojomar ippān Jemān”(Katak im Bujen Ko 110:4). Bar juon alen, n̄an keid—m̧oktata im āliktata, mour im m̧ane. E ej Alpha im Omega (lale Revelesōn 1:8; 3 Nipai 9:18; Katak im Bujen ko 19:1; 38:1; 45:7), rijeje im jemļo̧kin tōmak eo ad (lale Hibru 12:2; Moronai 6:4).
Ļoore ļo̧k waļo̧k eo an Jisōs Kraist, Moses, Elias, im Elija rekar bar itok. Kōn tōl eo ekwojarjar, rikanaan rein rem̧m̧an jem̧aan rekar kōro̧o̧ltok kii ko im maron̄ eo an priesthood eo. Kōn menin, “ki ko an tōrean bōk eddo jab in rej wūjlepiwaj” (Katak im Bujen ko 110:16) ilowaan jeplaaktok eo an Kabūn eo an n̄an kōjeraam̧m̧an aolep ajri ro nejin Anij.
Ilo m̧ool, Bok in Mormon eo ej kōmeļeļe “kajoor im jerkakpeje eo an Kraist” (Alma 41:2)—meļeļe in Ijtō—ilo tōōm̧ in ruo jepļaaktok ko.
M̧oktata, jerkakpeje eo ekoba jepļaaktok an ānbwin eo ad n̄an “jekjek eo eweeppān”aolep ra im mōkwoj,” “em̧ool juon kooļ in bar naaj jamin jako” (Alma 40:23). Kallim̧ur in ej letok kōjatdikdik n̄an ro me rekar ajikkuk; ro me rekar jab maron̄ in loļo̧kjeņ, ron̄, ak etetal, ak ro me rekar jako kōn nan̄inmej, nan̄inmej in kōmālij, ak m̧ōjņo̧ ko jet. Ej lo kōj. Enij kōm̧m̧an bwe jān juon wōt.
Kallim̧ur eo kein karuo an Ijtō im Pinmuur eo an ad Rilo̧mo̧o̧r ej bwe, ilo jetōb, “aolep men kein renaaj bar jepļaak n̄an jekjek ko aer reweeppān.”Alma 41:4). Jepļaaktok in ilo jetōb ej kwaļo̧k jerbal ko ad im ikdeelel ko. Ej kōjepļaak “men eo em̧m̧an,” “men eo ewānōk,” “men eo ejim̧we,” im “men eo ej tūriam̧o” (Alma 41:13). Unin an rikanaan Alma kōjerbal naan eo jepļaak 22 kōttan2 āinwōt an rōjan̄ kōj n̄an “jab kalijekļo̧k am̧ jerbal, ekajet ilo jim̧we, im jab bōjrak jān kōm̧m̧an em̧m̧an.”Alma 41:14).
Kōnke “Anij make Eaar pinmuur kōn jero̧wiwi ko an laļ” (Alma 42:15), Pinmuur eo an Irooj emaron̄ kemour ejjab ta eo wōt ekar waļo̧k, ak ta eo emaron̄ kōm̧m̧an. Kōnke Ejeļā metak ko ad, en̄taan ko, nan̄inmej ko, “kapo ko ad an aolep kain” (Alma 7:11), E emaron̄, kōn jouj, jipan̄ ekkar n̄an m̧ōjņo̧ ko ad (lale Alma 7:12). Kōnke Anij ej “Anij en marōn wanōk, Anij in jimwe, im Anij in tūriam̧o kake barāinwōt,” karōk in tūriam̧o emaron̄ “n̄an medek akweļap ko an kien” (Alma 42:15). Jej ukweļok im kōm̧m̧ane aolep men jej aikujin kōm̧m̧ane. Ej jepooļ kōj indeeo “ilo pein iakwe eo an” (2 Nipai 1:15).
Al Al ko an Lan̄lōn̄ Indeeo
Ippāmi, ilo tōre in Ijtō in, ij kam̧ool kōn Anij, Jemād Indeeo, im Nejin Jitōnboro, Jisōs Kraist eo emour. Armej in kanniōk ekar dōbwāāl im kiō emōj an jerkakpeje. Ak Jisōs Kraist eo emour e wōt ilo weppān in jerkakpeje eo an ej kabwijer wōt an̄an in an kar debwāāle ilo Pein, Neen, im Katin. E wōt eo Emaron̄ ba, “iaar jeje etam̧ ioon lo̧piden pā ko peiū” (Aiseia 49:16; 1 Nipai 21:16). E wōt emaron̄ ba: “N̄aij eo kar kotak E. N̄aij Jisōs eo kar debwāāle. N̄aij Nejin Anij” (Katak im Bujen ko 45:52).
Ilo iien kein, jemaron̄ ekkatak eļap kōn em̧m̧an eo an Anij im kōjatdikdik kwojarjar eo ad n̄an an iakwe eo an Anij n̄an eddōkļo̧k ilo kōj ilo ad kappukōt E im pukōtļo̧k doon.“ Im enaaj waļo̧k bwe ro rewānōk renaaj kuktok jān ilubwiljin aolep laļ ko, im naaj itok n̄an Zaion, im al kōn al ko in lan̄lōn̄ ejjeļo̧k jem̧ļo̧kin.”Katak im Bujen Ko 45:71). Ilo iien hosanna im hallelujah, al hallelujah bwe—Enaaj peek n̄an indeeo im indeeo! Lamoj hosanna, n̄an Anij im Lam eo!