“Āinwōt juon Wintō n̄an Am Jetōb,” N̄an Kōkajoorļo̧k Jodrikdrik ro, Maj. 2021, 6–8.
Āinwōt juon Wintō n̄an Am Jetōb
Ke raar al ippān kumi in al eo aer ilo juon interfaith festival, jodikdik rein raar jeļā eļap elmen an al maron̄ bōktok aolep ritōmak ippān doon.
Megan C., Ethian M., im Romy C. ewōr juon wōt men ippāer: Em̧m̧an ippāer al in nōbar. Em̧m̧an ippāer wāween an lōn̄aj im im̧we er, wāween an kōm̧m̧an aer en̄jake. Im em̧m̧an ippāer n̄an lo wāween an lōn̄aj im im̧we ro jet.
Megan, 18; Ethan, 19; im Romy, 17, ebar wōr juon men ippāer: Raar aolep al ilo kumi in al eo an ward eo aer ilo Florida, USA. Jet iien remootļo̧k kumi in al eo raar leļo̧k juon iien eļap n̄an kwaļo̧k aer iakwe n̄an al n̄an bōk kūņaer ilo juon Interfaith Music Festival.
Ethan eaar ba, “Jukjukinpād eo ammim ewōr juon interfaith me ej bōktok elōn̄ armej ro jen tōmak ko jen doon. N̄an waanjon̄ak, kurup eo raar kōm̧m̧ane juon ekōnono iturin tabōļ in kejota eo (ilo kejota eo ke jemļo̧k an Muslim kōjemļo̧k aer jitlo̧k ilo allōn̄ eo ekwojarjar an Ramadan), kar ejaake juon nōm̧ba in jerbal in būrojāāk ko āinwōt kepooj pakpak in Jikuuļ n̄an ajri ro ilo aikuj, im kōm̧m̧an m̧ōn̄ā in jota, ijo armej ro me rejjab jeļā kajjien doon raar jijet iturin doon ilo ejjab tabōļ eo im kar bwebwenato kōn m̧ōn̄ā ko, m̧anit ko, im tōmak ko ilo m̧anit ko aer.
Ro uwaan kumi in al ro raar m̧ōņōņō in kejota im jerbal ippān doon ippān kabun̄ ko jet.
Jen Mōttā
Kōttōbar eo, em̧ool, n̄an jipan̄ armej ro jet eoktak mour ko aer n̄an erom̧ m̧ōttā.
“Ewōr juon baam̧le jen Turkish me aolep iien ij lo er ilo kōjota ko, im rej itok n̄an ippa im ba, ‘Kōmij lukkuun m̧ōņōņō in ba lo eok!’” Romy eaar ba. “Ilo laļ in ijo ekanooj lōn̄ jum̧ae in kabun̄ im tōmak, em̧m̧an bwe jemaron̄ aolep itok ippān doon im kōnono n̄an doon.” Liin eaar ba, ilo juon jerbal in būrojāāk, “kōrā ro ilo kabun̄ ko jet rejouj.” “Raar jab kea kōn jabdewōt kabun̄. Raar baj pād ijeņ n̄an leļo̧k jipan̄. Ekar em̧m̧an.”
“Emaron̄ oktak ad tōmak jen doon,” Megan eaar ba, “ak iien otemej ij kautiej tōmak ko an ro jet im em̧m̧an n̄an ekkejelļo̧k ippāer ilo menin ijin jej aolep kōņaan jeļā kajjien doon.”
Ethan eaar ba “Kabun̄ eo ammim ekāāltata uwaan n̄an būrookram̧ in.” “Kōn menin ij lukkuun kam̧m̧oolol kōn jouj in aer n̄an kōm im em̧m̧an eo aer. Ijeļā bwe ilo jet jikin ko, ebōd an armej ļōmņake Kabun̄ in. Kōn menin iien otemjej ij m̧ōņōņō n̄e armej rej maron̄ in bōk oktak ko an doon im reim̧aanļo̧k kake ta eo jej juon wōt kake.”
Bōro Wōt Juon
Im juon iaan men ko aolep kabun̄ ko rej juon wōt kake ej al. Interfaith Musis Festival eo enaaj juon iien em̧m̧an n̄an ritōmak ro n̄an ippān n̄an nōbar Anij. Ward kumi in al eo ekar jimettan in jarlepju in ilo jikin eo.
“Ekar wōr juon bell in al, juon vocal duet, juon kumi in al eļap, juon kumi in al edik, juon flute-im-piano duet, im ko jet,” Megan eaar ba. “Kajjojo kurup kar kajjitōk ippāer n̄an kōm̧m̧ane ruo al.”
Megan eaar ba, “Kōm kar kōņaan bwe ta eo kōm̧ij al kake enaaj kōm̧m̧an bwe armej ro ren jeļā bwe kōmij tōmak ilo Jisōs Kraist im barāinwōt bwe kōmij tōmak ilo Jemedwōj Ilan̄.” Kōm kar kōņaan n̄an ejaak juon en̄jake in kabun̄jar.”
Kumi in al eo raar kālet ruo al ko raar al kake m̧oktaļo̧k, “Great Things and Small Things,” jān Steven Kapp Perry, im “Sacraments and Symbols,” jān Janice Kapp Perry, Steven Kapp Perry, im Lynne Perry Christofferson.
“Al eo jinointata ekam̧ōņōņō. Ej letok leke bwe kōn Anij, kwomaron̄ kōm̧m̧an men otemjeļo̧k, men̄e edik ak eļap,” Ethan eaar ba. “Al eo kein karuo ekanooj m̧wilaļ. Ej āinwōt juon al, im ej kōm̧m̧ane juon m̧oolin en̄jake in kabun̄jar.”
Kaminene, Kaminene, Kaminene
Ilo aer kar keppopo n̄an al, Ethan eaar kōjerbal juon kein kōjan̄jan̄ ekar kōjerbale m̧oktaļo̧k. Eaar ba, “Iaar kajjieon̄ in kamminene kōjan̄ al eo .” “Ij lo bwe n̄e ij maron̄ in leļo̧k n̄an meļeļein al eo, im̧ōņōņō ļo̧k. Aaet iaar lukkuun lale bwe en jim̧we aō al, ak ij lo bwe epidodo bwe in kōm̧m̧an n̄e ij tuun ippān al eo me kajjieon̄ waļo̧k. Em̧m̧an ippa likūt ilo juon jetōb in keppopo eo eaorōk.
“Jej aikuj in al ilo kweilo̧k in kwojkwoj eo im kaminene n̄an men ko jet, barāinwōt,” Megan eaar ba. “Ak jaar jeļā aorōk eo an interfaith, kōn menin kōm lukkuun lale n̄e al ko repojak. Kōm eaar lukkuun jerbali.”
Nōm̧ba eo kein karuo, 14 uwaan rial ro raar kadikļo̧k n̄an 8 wōt rial. “Kōm eaar kaminene ilo Juje, m̧okta jen Doulul eo an Likao ro im Doulul eo an Jiron̄ ro, Megan eaar ba. “Ekōm̧m̧an bwe in ļōmņak kōn al eo aolepen wiik eo, aolepen allōn̄ eo, m̧ool. Ijjab kijon̄ kōm̧m̧an āindein, ak iaar lo al in ilo YouTube im kōjan̄ im bar kōjan̄e. Ikōņaan em̧m̧anļo̧k. Ikōņaan bwe en em̧m̧an ad al bwe jen lōn̄aj ro jet.
Ethan, Megan, im Romy raar errā bwe aolep iien kaminene ewōr tokjen. Romy eaar ba, “ke kwoj bar kōjan̄ al ko,” “ennaan ko ilo al eo raar tōt ilo ļōmņak im ilo būruwōm̧.”
Kumi in al eo raar kōjan̄jan̄ ilo Interfaith Music Festival.
Ilo Ļōmņak, im ilo Bōro
En̄jake eo ilo ļōmņak im bōro ko aer eaar alikkar ilo an kumi in al eo al. Romy eaar ba, “Jim̧or al ko rem̧m̧an.” “Rialooj ro raar ikun̄ im aolep raar en̄jake Jetōb ilo an al ko waļo̧k. Jej aolep en̄jake ippān doon.”
Megan eaar ba, “Al eo jinointata eaar aolep iien juon al ekam̧ōņōņō n̄an eō.” “Iaar en̄jake ekar jelet armej ro ilo festival eo. Ikar limo in al im ij kōjatdikdik rekar aolep bar m̧ōņōņō. Al eo kein karuo, ainikien ko raar lukkuun em̧m̧an. Ij ļōmņak aolep ro raar ron̄jake raar en̄jake juon en̄jake nōbar n̄an Anij.”
Ke ej jem̧ļo̧k joteen eo, Megan eaar ba, “Kōm eaar maron̄ in kōnono ippān ro raar bōk kuņaer im rialooj ro. Ijeļā armej ro raar kajjitōkin tōreektōr in kumi in al eo ammim kōn al eo kōm eaar al kake—’Kain rot al eo?’ ak ‘Ia eo kwaar lo karōk in ie?’ Kōm eaar maron̄ in bwebwenato ippān doon im kōnono kōn al eo kōm eaar aolep kwaļo̧ke. Iaar en̄jake āinwōt n̄e iaar maron̄ in meļeļe eļapļo̧k kōn al ko aer, im bwe eaar em̧m̧anļo̧k aer kōn al eo ammim. Al ej āinwōt juon wintō n̄an am̧ jetōb.”