“Pedped ko Repen,” N̄an Kōkajoorļo̧k Jodikdik ro, Maj. 2021, 14–15.
Pedped ko Repen
Juon Waaļ n̄an Tallōn̄
Kōmeļeļe jān Alyssa Petersen
Ron̄oul jiron̄ ro raar jutak ituru, kalimjōk lo̧k juon wōjke, 16 ne utiej in. Mōjņo̧ eo am̧ ej n̄an jipan̄ aolep leddik ro tōpar lōn̄. N̄an elōn̄ iaan leddik ro, menin ekar iiō eo kein kajuon in aer pād ilo kāām an Doulul eo an Jiron̄ ro. Jiron̄ ro rōrūtto im kar kar ritōl ro an jodikdik, ak kōm eaar jab bōk kuņaam̧ ilo m̧akūtkūt rot in. Kōm aolep kar ron̄jake kien ko n̄an bōk kuņaam̧.
Kajjojo jiron̄ tōparļo̧k lōn̄in waaļ eo. N̄e juon etōprak, eaikuj in jutak im jipan̄ kanōk lōn̄tak ro jet. Ijoke, n̄e ejibwe laļ, eban maron̄ in jipan̄ kotak leddik ro jet.
Epen n̄an kōm jinoin, ak tokālik ekar em̧m̧an amim jerbal ippān doon n̄an jino kotak lōn̄tak leddik ro. Jet raar mijak bwe ren kotak n̄an ijo eutiej n̄an lo kōjparok. Jet rekar ikum̧kum̧ n̄an kōjerbal kajoor eo aer make n̄an tōpar lōn̄. Emennin aikuj n̄an kōmwōj n̄an kōļapļo̧k am̧ leke im jipan̄ doon. Ilo jem̧ļo̧kin, kōm eaar anjo̧ ilo mejen kajjik eo.
Āliktata ke leddik ro rej wallaļtak, kōm kar kuk ippān doon im kōnono kōn elōn̄ katak ko jān ikkure in waaļ eo.
Kōm ad aolep jelm̧ae men ko me reppen n̄an anjo̧ ioer. Ijoke, jejjab make iaad. Aolep armej rej pād ipeļaakid n̄an kotak im letok jipan̄. Jemedwōj Ilan̄ im Jisōs Kraist rej pād ijeņ n̄an letok jipan̄ im kajoor n̄e jej oktakļo̧k n̄an Er.
Megan B., Ohio, USA
“Iaar Kallim̧ur Inaaj Itok”
Iaar aolep iien kōņaan kwaļo̧k gospel eo n̄an ro jet, ak elōn̄ iiō ko ikar jab tōprak. Mae iien iaar jino m̧ōttā ippān juon ļaddik etan in Tiago. Kom̧ro eaar jokwe epake doon, aolep raan ālkin jikuuļ kom̧ro ej etetal ippān doon n̄an kapijuknen.
Juon raan, kom̧ro eaar etal ilo bar juon iaļļo̧k im kar eļļā jen m̧ōnjar eo ijo ij jar ie. Iaar ba n̄an e ke eto aō membōr in Kabun̄ in. Iaar ba n̄an e ta eo kōmij tōmake im ewi jon̄an an baam̧le eo aō kar jeraam̧m̧an jene. Iaar karuwaineneiktok Tiago n̄an jar Jabōt eo, im eaar ba enaaj itok.
Ilo Jabōt eo, iaar kijōrjōr in kōttar e ilo m̧ōnjar eo, ak eaar jab itok. Wiik eo tok juon, iaar bar karuwaineneik e. Men in ekar kōm̧m̧an ruo ak jilu allōn̄, ak eaar aolep iien wōr juon an jekpen ņae n̄an jab itok. Ak ikar jab bōjrak in karuwaineneik e.
Juon jibbon̄in Jabōt, iaar pād ilo kweilo̧k in kwojkwoj eo im kar reilo̧k im lo an Tiago jutak ijo. Iaar bwilōn̄ in lo e, ak eaar itok im jijet ituru im ba, “Iaar Kallim̧ur Inaaj Itok”!”
Iaar kwaļo̧k kadkadin n̄an mijenede ro, im raar jino katakin e. Tokālik, ekar peptaij. Kiiō kom̧ro jim̧or ej keppopo in etal n̄an mijen. Ij m̧ōņōņō ikar jab ebweer jen e!
Meiry R., Brazil
Leke ilo Iien eo an Anij
Anti eo aō eaar diplo̧ke juon jepel ke ļaddik eo nejin erūtto ej tin peptaij. N̄an dāpij juon jemjerā eo eaenōm̧m̧an ippān lukkuun jemen ajri ro nejin, liin eaar kōņaan bōk an mālim bwe ajri ro jet nejier ren peptaij. Ejerata, eaar jab letok mālim ium̧win elōn̄ iiō ko.
Anti eo aō eaar peeke bwe ekōņaan bwe ajri ro nejin ren peptaij ijelo̧kin mālim eo an jemeer. Ak ālkin an anti eo aō im ro rilikū kar jitlo̧k im kar jar kōn ļōmņak in, aolep raar bōk en̄jake bwe rej aikuj in kōttar.
Ejja wiik eo wōt, lukkuun jemen eo rilikū eaar ba n̄an anti eo aō ke ekōņaan bwe ajri ro ren katak ippān mijinede ro im peptaij. Ij keememej wōt lan̄lōn̄ eo iaar en̄jake m̧am̧a eaar jiron̄ eō kōn nuuj in. Ikar jeļā bwe Jemedwōj Ilan̄ ekar kōjeraam̧m̧an ro rilikū ālkin elōn̄ iiō in kijenmej.
Jemaron̄ jab aolep iien jeļā n̄e Irooj enaaj uwaki jar ko ad, ak ijeļā bwe E enaaj aolep iien. Ijjab jeļā etke Jemedwōj Ilan̄ ekar kōņaan bwe ro rilikū ren kōttar n̄an peptaij, ak ijeļā bwe Eaar kōjeraam̧m̧an er kōn tōmak eo aer.
Bre J., Florida, USA