“An Revelesōn Wōnm̧aanļo̧k,” N̄an Kōkajoorļo̧k Jodrikdrik ro, Maj. 2021, 16.
Naan eo Āliktata
An Revelesōn Wōnm̧aanļo̧k
Jān kōnono eo ilo Eprōl 2020 kweilo̧k eo eļap.
Kōmeļeļe jān Ben Simonsen
Josep Smith ekar bōk revelesōn im bar revelesōn. Elōn̄ revelesōn ko Rikanaan Josep ekar bōki ko me ekar kōjparoki n̄an kōj im repād ilo Katak im Bujen ko.
N̄an kakkobaba, jejeraam̧m̧an kōn an revelesōn ko wōnm̧aanļo̧k n̄an rikanaan ro remour ro raar “rijipan̄ ro kar kūr jān Irooj, kar kōmālim er n̄an kōnono ilo Etan.”1
Revelesōn an juon make epojak n̄an aolep ro me rej ettā ilo aer kappukot tōl jān Irooj. Ebar aorōk āinwōt bar revelesōn in kanaan.
Revelesōn an juon make ej pedped wōt ioon m̧ool ko an jetōb me kar bōk jān Jetōb Kwojarjar. Jetōb Kwojarjar ej rikwaļo̧k im rikam̧ool an aolep m̧ool, eļaptata kōn Rilo̧mo̧o̧r. N̄e ejjab Jetōb Kwojarjar, jejjab maron̄ lukkuun jeļā bwe Jisōs ej Kraist. Jerbal eo An elukkun aorōk n̄an kwaļo̧k kam̧ool kōn Jemān im Nejin im kōn taitōļ ko Aer im aiboojoj eo Aer.
Ij kam̧ool n̄an kom̧ bwe tōl in revelesōn kōj kajjojo jemaron̄ bōki kōn ettā bōro ilo ad jerbal ilo jikin kallib an Irooj.
Kajjitōk eo aō in ilo ettā rainin ej bwe kajjojo iaad jenaaj kappukot revelesōn ko rej wōnm̧aanļo̧k wōt n̄an tōl mour ko ad im ļoor Jetōb āinwōt ad kabun̄ jar n̄an Anij Jemed ilo etan ad Rilo̧mo̧o̧r, Jisōs Kraist.