„Það sem við lærum og munum aldrei gleyma,“ Til styrktar ungmennum, apríl 2021.
Prestdæmisfundur
Það sem við lærum og munum aldrei gleyma
Útdráttur
Síðasti prestdæmisfundur aðalráðstefnu var í apríl 2019. Margt hefur atvikast á þessum tveimur árum! …
… ég vil leggja til fjórar lexíur sem ég vona að allir hafi lært og muni aldrei gleyma.
Lexía 1: Heimilið er þungamiðja trúar og tilbeiðslu …
… Núverandi samkomutakmarkanir munu að endingu falla úr gildi. Hvað sem því líður, þá ætti skuldbinding ykkar um að gera heimili ykkar að mikilvægasta griðarstað trúar aldrei að falla úr gildi. …
Lexía 2: Við þörfnumst hvers annars
… Við fáum afrekað svo miklu meiru í sameiningu en einsömul. Sæluáætlun Guðs yrði stefnt í voða, ef börn hans yrðu einangruð hvert frá öðru. …
Ef þið vitið um einhverja sem eiga enga að, liðsinnið þeim þá – jafnvel þótt ykkur finnist að þið séuð líka ein! …
Lexía 3: Prestdæmissveitin ykkar hefur meiri tilgang en kennslufundi
… Kennslufundir eru aðeins lítill hluti af því sem hverri sveit er ætlað að gera og hvað hún getur gert.
… Sveitir eru í einstakri stöðu til að hraða samansöfnun Ísraels beggja vegna hulunnar.
Lexía 4: Við hlýðum betur á Jesú Krist þegar við erum hljóðlátir og sýnum stillingu
… Heimsins ólga mun áfram ágerast. Aftur á móti er rödd Drottins … „hljóðlát rödd, full af mildi, sem væri hún hvísl. Og hún [smýgur] inn í sjálfa sálina“ [Helaman 5:30]. Til að heyra þessa hljóðlátu rödd, verðið þið líka að vera hljóðlátir og sýna stillingu! …
Kæru bræður, Drottinn vill að við lærum margt af upplifun okkar á þessum farsóttartíma. Ég hef aðeins nefnt fjögur atriði. Ég býð ykkur að búa til eigin atriðaskrá, íhuga hana vandlega og miðla henni ástvinum ykkar.