“O Le Maota o le Alii,” Mo Le Malosi o le Autalavou, Oct. 2021.
Sau, Mulimuli Mai ia te A’u
O Le Maota o le Alii
Ia Tesema 1832, na poloaiina ai e le Alii le Au Paia i Katelani, Ohaio, ISA, e fausia se malumalu.
“Faatu se fale, … o se fale o le Atua.”
E tolu tausaga na fausia ai le malumalu. Sa ositaulagaina e le Au Paia le taimi ma tupe e fausia ai.
Ia Mati 1836 sa mae’a ai. Na saunoa atu Iosefa Samita i le Au Paia e faapotopoto mo le faapaiaga.
I le taeao o le aso 27 o Mati, 1836, pe tusa ma le 1,000 tagata sa auai i le faapaiaga o le malumalu.
Sa saunoa Sini Rikitone mo le silia ma le lua itula.
Ona faitau lea e Iosefa Samita o le tatalo o le faapaiaga (tagai i le Mataupu Faavae ma Feagaiga 109).
“Matou te ole atu ia te oe, le Alii e, ia e talia lenei fale.”
Sa lagiina e se aufaipese le “O Le Agaga o le Atua,” lea na tusia faapitoa lava mo lea faamoemoe.
E toatele na molimau mai i aafiaga maoae faaleagaga na latou maua i le faapaiaga, e aofia ai le ua’i mai o le Agaga Paia ma le faaali mai o agelu.
I le aso 3 o Aperila, na faaali mai ai Iesu Keriso i le Perofeta o Iosefa ma Oliva Kaotui i le malumalu. Sa Ia ta’u atu ia i la’ua ua Ia taliaina e fai ma Ona maota ma e tatau ona olioli le Au Paia ona o faamanuiaga o le a latou maua.