Pagpangalagad
Mubo nga mga Kinutlo
Isip mga sumusunod ni Jesukristo, tinguha nato nga makaalagad sa uban sama sa Iyang pagabuhaton kay dunay mga kinabuhi nga naghulat aron mausab. …
Bisan asa ko moadto, mapasalamaton ko sa mga nangalagad ug nag-amuma sama sa pagabuhaton sa atong Manluluwas. …
Ang mas taas ug mas balaan nga pangalagad moabot kon mag-ampo kita alang sa “tiunay nga gugma ni Kristo” [tan-awa sa Moroni 7:47–48] ug mosunod sa Espiritu. …
… Sa daghang dapit, makatabang kita, mosabot sa uban bisan asa man sila, ug mopalambo og mga relasyon sa atong regular nga pagbisita og mga miyembro sa ilang mga panimalay. Ang dinasig nga mga pagdapit makausab og mga kinabuhi. Kon ang mga pagdapit makatabang aron kita makahimo ug makatuman og sagradong mga pakigsaad, mahiduol kita sa Ginoo ug sa usag usa. …
Ang dinasig nga pagpangalagad mopanalangin sa mga pamilya ug mga indibidwal, molig-on usab kini sa mga ward ug mga branch. …
Ang atong Manluluwas mao ang atong hingpit nga ehemplo. Kay Siya maayo man, Siya makaadto [bisan asa] aron maghimog maayong mga butang. Panalanginan Niya ang usa ug ang 99. Tanan nga Iyang gihimo usa ka pagpangalagad. …
Si Jesukristo nangalagad. Ang mga anghel nangalagad. … Kon kita mangalagad sama sa Iyang pagabuhaton, masaksihan nato ang Iyang mga milagro ug mga panalangin. …
Bisan asa man kita niini nga panahon sa Pasko sa Pagkabanhaw, motabang kita ug moalima sama sa pagabuhaton sa atong Manluluwas, ilabi na ngadto sa mga tawo diin may kahigayonan kita sa pagbuhat pinaagi sa gugma ug buluhaton sa pagpangalagad. Sa paghimo niini, hinaot nga kita magpaduol kang Jesukristo ug sa usag usa, mas mahisama Kaniya ug sa mga sumusunod ni Jesukristo nga gusto Niya nga atong maabot.