“Magpuyo ngari Kanako, ug Ako nganha Kanimo; Busa, Maglakaw uban Kanako”
Mubo nga mga Kinutlo
“Ang Ginoo miingon ngadto ni Enoch: …
“… Ikaw ikaw magpuyo ngari kanako, ug Ako nganha kanimo; busa maglakaw uban kanako” [Moises 6:32, 34]. …
Ang Ginoo nga si Jesukristo mihatag sa matag usa kanato sa imbitasyon sa pagpuyo diha Kaniya. Apan unsaon man nato nga tinuod nga makat-on ug moduol ug magpuyo diha Kaniya?
Ang pulong nga magpuyo nagpasabot nga dili matarog o lig-on ug molahutay nga dili magpadaog. … Sa ingon, kita magpuyo diha kang Kristo samtang kita lig-on ug makanunayon sa atong debosyon ngadto sa Manunubos ug sa Iyang balaan nga mga katuyoan, sa mga panahon nga maayo ug dili maayo.
Kita magsugod nga magpuyo diha sa Ginoo pinaagi sa paggamit sa atong moral nga kabubut-on sa pagpas-an mismo sa Iyang yugo pinaagi sa mga pakigsaad ug mga ordinansa sa Iyang gipahiuli nga ebanghelyo. …
Kita magpuyo diha Kaniya pinaagi sa tinud-anay nga pagbusog sa mga pulong ni Kristo. …
Kita magpuyo diha Kaniya pinaagi sa mahinangpon nga moapil sa ordinansa sa sakramento. …
Ang saad sa Manluluwas ngadto sa Iyang mga sumusunod duha ka bahin: kon kita magpuyo diha Kaniya, Siya mopuyo diri kanato. Apan posible ba gayod alang ni Kristo nga mopuyo diha kaninyo ug kanako—sa indibidwal ug sa personal? Ang tubag niini nga pangutana mao ang lanog nga oo! …
… Ang atong koneksyon sa pakigsaad uban sa atong Langitnong Amahan ug sa Iyang nabanhaw ug buhi nga Anak mao ang langitnon nga tinubdan sa panglantaw, paglaom, gahom, kalinaw, ug malahutayong kalipay …
… Ug ako mopamatuod sa saad sa Manluluwas nga magpuyo nganhi kanato mao ang tinuod ug gikinahanglan sa matag miyembro nga nagtuman sa pakigsaad sa Iyang gipahiuli nga Simbahan. …
… Kon kita magpuyo diha Kaniya, Siya magpuyo diri kanato.