Ákǫ́ǫ́ ałnáandááh
Nihí ałahji’ na’nitiní binaanish t’áadoo beideelzidí nihe’oodlą́ bee deiyiniiłniish.
Díí September-jį’ hastą́diin dį́į́’ naahai yę́ędą́ą́’ Englanddę́ę́’ hooghanji’ nanisdzá. Táá’ shiishką́ągo, shí Utah bihodáhgo olta’gi adazh’niilzhiizho shik’is ła’ bił ni’aazh. Bí at’ééd Barbara Bowen biiyislee’ 14 ts’áadahii yołta’, éí bił ałhééhsdiizį́į́ł shił ní. Yił shaani’aazh dóó nihíizhi’dóó ’i’niilzhiizh.
T’da’áhoonííł, díí iidą́ą́ bee deiyiniizhí ho’dilchi’ eíí aayił nínígíí at’ééd bił ajilzhish nléí ła’ hodilchi’jį̨’ bił ájilzhish. Barbara biiyis dóó beeho’dilzin áko t’ááłá’í dah alzhinjį’ bił ashzhishgo ashkee léí’shi deelchid.
Eíí dóo shił akot’éego. Nléí na’nitiní nishłį́nę́ędą́ą́’ akǫ́ǫ́ naajidááh bohooł’ąą’ bibéésh bee hane’é shá ayíilaa dóó biiskání bich’į’ béésh nségiz, ndi’ ółta’ binaaltsoos yinaalnish dóó haa’áshį́į́ diináál bi’dóo’niid. Ahéhee’, azhá shich’į’ naahwii’áo t’áá bił náas yisháał, dóó t’áa doole’é baa nidéít’ash. Bidishní. Dóó ła’ náana bił. Dóó t’á́á t’áa doole’é bił anéísh’íihgo eíí shí t’aa’áanii dóo na’nitiní nishłį́ bidishní—t’áa bił bee hodooziił nisinjǫ’o. K’ad, 64jį’ naahai, tsosts’id niha’áłchiní, ig’í nihítsooké dóó naaki natsoíí silį́į́’ eíí bééhozin azhá nizhonígo sááh bee hásízíí’ ndí, nída t’áadoo bee hadíídzíhad ałkéé’ honi’ą́ą, t’áa bidíílkaalgo.
Díí daats’í biniinaa déijį́ baa ayá naa’niiłt’i’ nigháiidę́ę́’ ałáh siidlíí’go naakidí baa yéiiłti’ę́ę.
October 2011 bii’ ałah azlį́į́, t’áashǫǫdí ataa’ bizáá nihił nilį́įgo binéiilnįįh: “Jó nii’—yiłkaah bíI’dí kót’áo shisodizin bee wójíidoo, aghą́ Jesus Christ índa Niiłk’aahjį’ Daboodlą́nii Bisodizin Bá hooghan.”
Díí sááh bee’ ataa’yit’ę́į́go áyiiláa eíí dóo díí t’éiyá bee wóhjiidah ndí Bisodízin Bá Hooghan wolyé. Dishją́ ayiilaíí, nihí t’áadoo sodizin bá hooghan łá’ yizhí bee yínohshíhi, Mormon Church doodáo LDS Churchgi at’áo.
Mormon łáhgoo t’áa akot’áo ch’oo’ą́ Nahágha’ yihídiikáii yaa nidaat’ę̨́įgoo Mormon ninániigi’ at’áo, doodáo kin ---níloo, Mormon Bikindóó Dahátaał. Sodizin yidiikáii da’nilts’aa’oo Mormon nohłį́ dóó nihí déiiniidlą́ǫ dayoodlą́nii, nihí Mormon daniidlį́ dadii’ní bikéédoo sodizin bá hooghan bá ałtso yidííjiił.
Nahagha’ yidiikáii t’áa akot’áo bizhi’ chodayooł’í índa háit’áo Mormon bił choo’į́s, éí Christ deiiníidlą́nii yidooltseeł, Yisda’iiniil biNahagha’ yidiikáii.
Shik’is dóó shilá t’áa’ahąąh t’áá bee hozinígo baa yadeilti’ígíí éíí nihí Jesus Christ índa Niił-kaah Da’oodláii biNahagha’ bidiikái.
Naaki baa yadeeshtihíí éíí ałtséédą́ą́’ nitsáo ałah siidlį́įgo baa yéiiłti’, ’iidą́ą́’ diné t’áa ła’ígo baa sodadołzinígíí Késmish t’áadoo baa hoolzhishi hane’ yá’át’ééhíí bee bił hodoołní. Nahagha’ yidiikáii t’óó áháyóí ataa’ yidayííkeedgo diné nideineezt’ą’íí yee shił ndahoolne’.
Na’nitíní ła’nadzá, koní, sodilzíngo ła’ baa shidéíloos akéé’ dah didloogááł. Ła’ yiił’iił hodáhgo ’iiłt’a’íí yaa tsinkééz. Bí Facebook yii’ at’ééd yik’íniyá, dóó at’ééd ha’íila bikéé yisháałdoo nizǫ́ǫ yaa sodoolzin. Bí at’ééd ts’ída t’áa’aanínii háít’áo yik’iniyá, dóó Késhmish yii’tó bee yilzį́į́’.
Tóó áháyóí akó’t’áo bee shił hoone’, ndi t’áa dikwiihí díígi at’áo yił náashnish.
Shí akǫ́ǫ́ ałnaa’ádaah ayóó yinishdlą́. Nanitíní binaaltsoos niníí Shá Hane’ Bee Na’nítin, “áadiinááł bijinínii t’áadoo ałtso ch’áanjiyá nijiyá nahalin doodáo na’alkid dinéezh’ę́ę́ł jinizǫ́ǫ naaltsoos níjinii’ ndi t’áadoo yá ajiiyá nahálin. T’áadoo ajiidzáawoo, t’óó bii’ ahádin.”
Shá Hane’ Bee Na’nítin bii’ t’áa ’aniit’é háii diinaał bididii’nííł dóó bich’į’ ałnanéiidááh. Nanítiní Binááshnish nihaadíínááł “bidíi’nį́įhgo sodizin bá hooghangí hane’ yá’át’ééhíí Jesus Christ yóódlą́ dóó Bá nina’idlá, iiná łáhgo al’iih tó bee yilzį́į́h, Diyin Ii’sizíí baa yilyééh, dóó ha’olníigo iiłkaah.”
Dnnááł ha’nínii áłkéé’ honi’ą́́. Ndi na’nítiní bináánish t’óó áháyóígi at’é ’ihidiikaíí diné na’anítiní dayíídoołts’ę́ę́łji’ ndayii’éésh éí do’ nda’nitinii yił ałnanákahgo diné be’oodla’ dadineesą́, bi’íina’ łáhgo adayíílaa, ididookáhii yá hasht’é dahóolaa, dóó náasee’ hada’olni.
Díí ach’į’ ałnaa’ádaah éí Acts binaaltsoos bii’ yisdzoh:
“Peter dóó John k’ad diyin bighan góne’ yah ii’aazh …
“Dóó hastiin léí bimá bits’ą́ądą́ą́’ bąąh dahoo’ágo yiltį’, éí Diyin bighangi yah’e’etiin ninatłééhii’éiyá Nizhóní hoolyé, Diyin bighan yiih bikáhii yo’okeedgo;
“Éí Peter dóó John Diyin bighan yiih yi’aashgo yi’iikeed.
“Dóó Peter dóó John binaa’ yee yinéł’į̨́įgo kóní, nihí niniłnį́.
“Dóó bik’é dahóniil’į́, binahjį’ t’áadoo le’é ndadidiilyééł.
“Áádoo Peter aní béésh łigáii dóó óólaa nihee’ ádin; ndí shee holǫ́ǫnii haah nishlé: Nazareth dóó Jesus Christ bizhi’ binahjį’ ndii’nééh dóó yinááł.”
Eíí ataa’ bitsé’go bá naalnish yaa haadzíí’, jókón? Ndí Peter t’óó doohkáh yił níída. Diyingo baa hane’ígíí koní “nish’áájí yila’yisił, dóó néiidiidzíízh: dóó t’aa hodina’í bikéé’ dóó bikéhtsiin bitse’ sillį́į́’.
“Dóó nahidiicha’go yiizį́, dóó dah diiyá, dóó Diyin bighan yííh yiyá, yigááł, dóó dah naniljį́į́, dóó Diyin God yaa hanį́įgo.”
Sááh bii’koní, Peter dóo t’óó bee’ádziil yee haadzíí’da dóó hastį́į́ ndii’nééh dóó yinááł. Bí ałdó’ hastį́į́ bila’ yee yíká dah diilnii’, nish’ááji yila’ yee yisił, neidiidzíízh, dóó Diyin Bighan yił yííh yi’áázh.
Peter adzaahígi at’áo, bee nihá haasdziih t’áá ahą́ą́h nanitį́ní bináánish t’áa baa nihił ye’é t’áá iiniidlą́ągo. 4 ndeezí diné ła’ bił néiikah—nahájį’ díí doolééł—nanitį́ní ndabidinǫ́ǫtį́į́ł. Diyin Ii’sizíí binahjį’, t’áá aaníigo dóó ataa’ bijéí yee yidéelchidah. Nihídaokah naahabididii’niił, bila’ yidíílsoł, ndidiidzį́į́s, dóó náas t’áá bił yiikah doolééł.
Díí bee nihíká ’i’dóolwoł, ’idadóohkaíí, k’ad shį́į́ naanish ła’ niheehólǫ́ doodáo Nahágha’gi aká anáłwo’, naaltsoos Shá Hane’ Bee Na’nítin. Nihí naaltsoos bá hooghangi sinil dóó dóo ’ílį́į́ da. Éí nanitin bii’ baa hane—éí éiya biyi’ naaltsoos ałtso niká. Yinółta’, naałkááh, dóó óóhooł’a’íí binahjį’ bik’i’doohtííhgo Christ bich’į’ diné ninádaho’éésh dóó báa ndaahkál. Naat’áanii Thomas S. Monson koní, “K’ad yee’ ídiikáii dóó ndanitiníí ałhíídoo hááh, ałhiłnaanish, diné ataa’ yaa ninádayiit’éésh yiká nidaalnish.”
Jesus Christ bikéé naazį́į́ neineeztą́ą́’:
“T’óó áháyóí da’neest’ą́, ndí t’áa dikwihóo nidaalnish;
“Eíí bąą ataa’ aneest’a’nii baa bich’í’ sodólzin, anéest’ą́ yindadóolnishíí yidooł’ááł.”
Ataa’ díígį’ nihí sodízin yit’į́ ayíílahígíí binanitin ní łą́ągo ayíís’a’ nahasdzaa yikáá’goo. Díí anii dadeeshnishígíí, diné yineest’ą́nii yee nihíha adoolwółgo ataa’ ayiis’ą́’.
T’áa anáhoot’i’í bee aká adíílwołíí holǫ́ dóó nanitiní dahayóí. Jó kot’éego, nihí nda’nitiníí eíí bił hodiiní Shá Hane’ Bee Na’nítin dóó yidahooł’ááhígíí nihił íishją adéiile’. Bee ałhił dahołné’go, binahjį’ nizhǫ́noo bił naalnish dóó nda’itiníí yee dadinǫ́ǫsééł, t’áá ataa’ anínée bik’éhgo:
“Ndí hastóí [dóó sáanii] ałtso dah Diyin God ataa’ nilį́į́ bizhi’ yínahjį’ yádaalti’, azhá nihokáá’ bi Yisda’iiníílii.”
Dóó Akón, “Ts’ída at’éii baa dah hołne’ dóó dine’é hane’ baa nóh’aah, dóó bił hoone’íí bikéii yił hodóolní.”
Shik’is dóó shilá, baa nisóhkeesgo hoogha dóó hak’is danlį́į́ Shá Hane’ Bee Na’nítin yik’í’ niłta’íí naaltsoos yikáá’ yaa halné’go dóó chíłch’i’ na’nítiní yich’i’ ííłǫ́ǫ? Hooghan nahaz’ą́ągoo bee bik’idahozhdoodlííł dóó biye’ké dóó bits’i’ké yihooł’aahíí yik’i’didootį́į́ł dóó yee ndi’nǫ́ǫtį́į́ł? Dóó nina’íyaíí b́nahjį’ ayóó’ adaat’éii bee niháahojooba’ígíí deediilsééł, t’aa niizį́į́ dóó t’áa aníiltso, diné t’áa at’é Yisda’iinííłii yaa dahalne’’ígíí yee yaa ninádéiidigoo’ish—dóó diináał yił nínę́ę yaa nádaah?
“Niki’hojídlí,” ataa’ Joseph Smith yinahjį’ haadzíí, “Jó t’áa’aaníigo baa hoołne’íí ya’ą́ąshdi bá sidáal’a’í ndayíizohgo deinéł’į́; dóó nihínahjį́’ bił dahozhǫ́, dóó asóhisíí nihá yóó’ ahidit’aah.”
“Jó nihá yoo’adii’ą́ bee da’sosiihii díí béé haz’áanii—nihí eíí bidadoołkaal…nihokáa’ dine’é ałtso bee bił dahodoołníhígíí éiyá nihił ch’idasi’ą́.”
Baa niikaigo, ataa’ dóo nihaiidooná da. Shí bi’hashinee’ deiłtsą́nii eíí t’áá bił t’áá’aanii bee iłhane’ dóó Nahagha’ t’áa’aheeiihool’áo ’ishdiikáii azho’ó iłyiilnísh t’áá’aanii Argentina niyáo idoolkáii hada’iinołnǫ́ǫ díí nitśao ałhiikai bitsiz̨į́’diné ła’ bił dadookáh. Joshua tseebíí binaaháigo adiizts’aa’dóó bik’is dóó bighą dóó Buenos Aires yah anadáagi yił yah éekai. Naaltsoos shich’į̨’ ’elyáii yinishta’ Joshua eíí akǫ́ǫ́ diikah yiłse dóó yighagoo ałnanádaah:
“T’áá dikwii dah alzhin na’adlę́ęgo aniti’ yidáahjį’ ninálgo’ ńt’ę́ę́’. Koní shił beehozinii eíí aadę́ę́’ [dookah].
“Áádóó hiliijii’ dóó Joshua bik’is t’áá niyáa da, ndi Joshua t’áa diniitłóo’dá. T’áaa akwii dah alzhin yaa ninaantaah. T’áa doole’é hasht’éédabi’ niilyao Joshua dah nahacha’go koní, ‘Yíkai! Yíkai!’ Háiigálgo t’áa at’é nahagha’ yah anjijah yaa ýikai. Joshua yaa yilwodgo k’é yił ní dóó bik’is yinashchid. Yah ’eekai dóó baa hoone’ígíí ayóó bił danilį́. Naaltsoos ła’dah deidiijaa’ dóó diné ła’ yił ałhéédahooszį́įdgo bik’is daazlį́į́. Díí ashkii ayóó oodlą́ǫ yiiłtsą́ dóó ałchiní yazhí do’nanitiní danilį́įgo at’ée láh.”
Éí shił t’áa’aaníi eíí ałhíl yiilníshgo, dine la’ haniitáo, diinááł, dóó niha’ólí dóó oodlą́ bee bich’į’ ałnaneiidááh, Yisdá’iinííł nihaa bił hozhǫ́ dóó neez’nadiin dadinííl yazhí Diyin God ba’álchiní yii’ bił dahoozyéél Jesus Christ índa Niił - káahjį’ Dabóodą’í bisodizin bá hooghan. Ataa’ yisdaa’sidéé binaanish isáas t’áa’ániiltsóh hodadiilnííł, Shí Jesus Christ bízhi’ binahjį’ nihá baa sodizin, ámen.