Beej Bonewaale ka Nitikatha
Elder Dallin H. Oaks dwara
Barah Devduton ke Parishad ke
Yeh hum sab par nirbhar hai ki hum chune ki hum kya karke apne bhumi ko achcha aur fal ko zyaada karein.
Maha sammelan ke bhaashanon ke shirshak—koi maransheel vyakti dwara nahin par Aatma ki prerna dwara tay hota hai. Kayi shirshak hamare maransheel musibaton ke baare mein hai. Magar jaise ki Ishu ne Apne samay ke maransheelta ke chunaotiyon ya raajnitik kathorta se jeetna nahin sikhlaya, Wah zyaadatar apne naye sewakon ko prerit karta hai ki woh hamare niji jiwan ko sudhaarne ke tariko par bolein taaki hum apne swargiye ghar jaane ke liye tayyaar rahein. Easter ke is mauke par mujhe prerna mili hai Ishu ke ek nitikatha ke bahumulye aur sachcha seekh ke baare mein batlaane ke liye.
Beej bonewaale ka nitikatha Matthew, Mark aur Luke mein paaya jaata hai kuch anye kathaaon ke saath. Yeh un nitikathaaon mein se bhi hai jo Ishu ne Apne chelon ko samjhaaya tha. Jo beej boya gaya tha woh tha “raajye ka vachan” tha (Matthew 13:19), “vachan” (Mark 4:14), ya “Parmeshwar ka vachan” (Luke 8:11)—Swami aur Unke sewakon ki shiksha.
Jin alag alag mittiyon par woh beej gire the yeh dikhlata hai ki hum maransheel log kis tarah se shikshan ko haasil karte aur nibhaate hai. Isliye jo beej “maarg ke kinaare gire the” (Mark 4:4) ab tak maransheel dharti tak nahin pahunche jahan woh ug sakein. Woh un shikshanon ki tarah hai jo kathor hriday waale ya aprastut logon ko sunaai deta hai. Mai in ke baare mein aur kuch nahin kahunga. Mera sandesh un sab ke liye hai jo Maseeh ke chelein banne ke liye tayyaar hai. Is jiwan ke daoraan hum Maseeh ke shikshanon ka kya karein?
Beej bonewaale ka nitikatha hamein stithiyon aur vyavahaar par chetaoni deta hai jisse susamachaar sandesh ke beej ko paaye kisi vyakti ko achchi fasal laane se roka jaaye.
I.Pathrila Bhumi, Koi Jadh nahin
Kuch beej “pathrila bhumi par gira, jahan usko bahut mitti na mili; aur gehri mitti na milne ke kaaran jald ug aaya: jab surya nikla, tab jal gaya; aur jadh na pakadne ke kaaran, sookh gaya” (Mark 4:5–6).
Ishu ne samjhaya ki iska matlab hai woh log “jinhonne, jab vachan ko suna, turant hi anand se grahan kar liye,” magar kyunki “unmein jadh nahin tha, … jab dukh ya takleef aayi vachan ke kaaran, turant hi woh thokar khaate hai” (Mark 4:16–17).
Sunne waale ke kyun “jadh nahin pakadte”? Yahi hota hai naye sadasyon ke saath jo sirf prachaarakon se akarshit hote ya Girjaghar ke vibhinn visheshtaaon se ya Girjaghar sadasyata ke faedon se. Kyunki in logon ke vishwaas ka jadh Uddhaakarta par nahin woh thokar kha kar bikhar sakte hai jab vipatti aati hai. Magar jo log Girjaghar mein pale bade ho—lambe-samay ke sadasye—woh aysi stithi mein jaa sakte hai jahan unhe khudmein jadh nahin milega. Mai ne ayse kuch logon ko jaana hai —jinka samarpan thos aur anant nahin raha hai Ishu Maseeh ke susamachaar ke liye. Agar hum susamachaar ke shikshaaon ko achchi tarah nahin jaante hai aur lagataar nibhaate nahin hai, hum mein se kisi ka bhi hriday kathor ho jaaega, jo ki pathrila bhumi hai dhaarmik beejon ke liye.
Dhaarmik bhojan zaroori hai dharm mein aage badhne ke liye, khaaskar aysi duniya meinjo Parmeshwar mein kam vishwaas rakhti hai aur sach aur jhut ke milaan mein. Internet ke aah jaane se, wah vishwaas badhaane waale sandeshon ki ninda karti hai, hume aatmik sachchaai ko humare liye badhaane ke liye humare vishwaas ko badhaan a hoga aur susamachaar mein jadh pakdte rahana hoga.
Jawaan logon, agar yeh shikshan bahut aam hai, toh yeh lo ek vishisht uddharan. Agar prabhubhoj ke chinh baate jaa rahe ho aur tum text bhej rahe ho ya fufusaa rahe ho ya video game khel rahe ho bajae dhaarmik bhoj liye, tum apne dhaarmik jadhon ko thokar maar rahe ho aur khud ko pathrile bhumi ki or mod rahe ho. Tum khud ko kamzor bana rahe ho agar kabhi aapati aa pade jaise akelapan, sharmindagi, ya khilli ko anubhav karna pade. Aur yeh sab buzurgon ke liye bhi sahi hai.
Dhaarmik jadhon ko nasht karne waala ek aur vinaashi ho sakta hai—jo teknoloji se aage badhta hai par us ke liye naya nahin hai—jab hum susamachaar ya Girjaghar ko ek hi pehlu se parakhte hai. Yeh nazariya kendrit hota hai ek neta ke ek khaas siddhaant ya dastoor ya dikhe dosh par aur susamachaar ke mahaan yojna ko aur uske fasal ke niji aur samudaaik ashirvaadon ko nazarandaaz kar deta hai. Pradhaan Gordon B. Hinckley ne is ek hi pehlu ko parakhne ki baat ko achchi tarah samjhaaya. Usne ek BYU sabha ko raajnitik prasaarakon ke baare mein bataya jo “bahut apmaanit mehsoos kar rahe the” us waqt ke ek samachaar suchna ke daoraan. “Unhonne kayi baatein krodh mein aur apmaanit karne ke liye kahi thi. … Ant mein usne kaha, Zaroor se” “is tarah se baate karna to bahut prasidh ho gaya hai.” 1 Dusri tarah se, susamachaar mein jame rehne ke liye, hamein aalochna kam karni chahiye aur hamesha Parmeshwar ke mahaan kaarye ke bhaari nazariye par dhyaan dena chahiye.
II. Jhadiyaan: Sansaar ki Chintaaen aur Dhan ke Dhokhaaen
Ishu ne sikhlaaya ki “ kuch jhaadiyon mein gire, aur jhaadiyon ne badhkar, use daba diya, ar woh fal na laaya” (Mark 4:7). Usne samjhaya ki yeh woh hai jo “vachan sunte hai, aur sansaar ki chinta, aur dhan ka dhokha, aur anye vastuwon ka lobh unmein samaakar vachan ko daba deta hai, aur woh nishfal reh jaata hai” (Mark 4:18–19). Yeh vaastav mein hum sab ke liye ek chetaaoni hai.
Mai pehle dhan ke dhokhon par kahunga. Jahan par bhi ho hum apne dhaarmik yaatra mein—hamare dharm parivartan ki jo bhi stithi hui hogi—hum sab ko is behkaawe ka saamna karna padhta hai. Jab vyavahaar ya praathmiktaaen sampati paane, istemaal karne, ya apnaane par kendrit ho jaaye, hum use duniya se lagaao kehte hai. Kitna kuch kaha aur likha gaya hai iske baare mein ki mujhe bahut nahin kehna padega. 2 Jo log safalta par vishwaas karte hai woh dhan ke dhokhe se peedit hai. Dhan rakhna ya badhi pagaar swargiye kripa ka chin nahin hai, aur uski kami swargiye asantosh ka chin nahin hai. Jab Ishu ne ek vishwaasi chele ko kaha ki woh anant jiwan paa sakta hai agar woh apna sab kuch gareebon mein baat dein (dekhiye Mark 10:17–24), Usne yeh nahin kaha ki dhan jama karne mein buraai hai magar buraai hai kis tarah se chela uske prati vyavahaar karta hai. Jabki hum sab jaante hai, Ishu ne achche Samaritan ki badhaai ki jisne wahi dhan istemaal kiya apne bhaai ki madad karne ke liye jo Judas ne istemaal kiya tha apne Uddhaarkarta ko pakadwaane mein. Sab buraai ka jadh dhan nahin hai magar dhan se prem hai (dekhiye1 Timothy 6:10).
Mormon Dharamshaastra mein us samay ke baare mein likha hai jab Parmeshwar ka Girjaghar “ki pragati rukne lagi thi” (Alma 4:10) kyunki girjaghar ke sadasye … saansaarik dhan sampati aur vyarth ki vastuwon mein mann lagaye hue the” (Alma 4:8). Jinke paas bhi kayi saansaarik sampatiyaan hoti hai ko dharm ki or “alas” ka bhay hoga aur duniya ke anye cheezon mein bhi. 3 Yeh sahi parichay hai Uddhaarkarta ke aage ke shikshan ka.
Sabse chote jhaadiyaan jisse susamachaar ke vachan ka prabhaao hamaare jiwan se nikalte hai woh jiske baare mein Ishu ne kaha “is jiwan ke chintaaen aur dhan aur suvidhaaen” (Luke 8:14). Yeh bahut zyaada hai kehne ke liye. Kuch uddhaar theek rahenge.
Ek baar ro Ishu ne Apne mukhye Chele ko data, Peter se kehte hue, “Tu mere liye thokar ka kaaran hai: kyunki tu Parmeshwar ke baato par nahin, parantu manushyon ki baton par mann lagata hai” (Matthew 16:23; D&C 3:6–7; 58:39 bhi dekhiye). Manushyon ke cheezon ko mahatva dene ka matlab hai duniya ki chintaaon ko mahaanta dena Parmeshwar ki baaton ko hata ke hamare kaaryon, praathmiktaaon, aur hamare dhyaan mein.
Jab hum kisi cheez ke aadi ho jaate hai hum “is jiwan ke sukhon” (1) ki or samarpit ho jaate hai, jisse Parmeshwar ke anmol chunne ki Shakti bhang ho jaati hai; (2) jab hum chote mote behkaawon se mohit ho jaate hai, yeh hamein anant zaroorat waale cheezon se door le jaata hai; (3) aur jab hum sochenge ki hamare saath sirf achcha hona chahiye, isse hamare andar woh niji badhanti ruk jaaegi jo hamein anant lakshye ke laayak banati hai.
Hum is “jiwan ke chintaaon se ghir jaate hai” jab hum bhavishye ke dar se shaktiheen ho jaate hai, jisse hamara vishwaas mein aage badhna tham jaata, Parmeshwar mein aur Unke vaadon par bharosa karke. Pachis(25) varsh pehle mere priye BYU shikshak Hugh W. Nibley ne, duniya ke chintaaon par samarpan hone ke bare mein kaha. Usse ek inatrviu ke daoraan pucha gaya tha ki kya duniya ki stithi aur susamachaar prachaar karne ka hamara kartavvye se hum aysa tarika dhoondha pasand karte hai jisse “hum Girjaghar kaaryon ko zyaada duniya ke kaaryon ki tarah karte hai.” 4
Unka jawaab tha: “Girjaghar mein yahi to hota aa raha hai, hai na? Yahan tumhe tayyaar rehna chahiye kisi ka apmaan karne ke liye, tumhe khatra mol lene ki ichcha rakhni chahiye. Yahi par vishwaas aata hai. … Hamara zimmedaari ek pariksha honi chahiye, use kathin hona chahiye, aur duniya ke sambandh mein asambhav hona chahiye.” 5
Is susamachaar ki avashyakta ki pushti BYU mein thos ki gayi thi kuch hi mahino pehle ek naami Catholic neta, Charles J. Chaput dwara, jo Philadelphia ke archbishop the. “LDS aur Catholic samaajon mein jo saamaanye chintaaen thi par baate karte hue,” jaise “vivaah aur parivaar, hamare ling par baate, maanav jiwan ki suraksha, aur dhaarmik aazaadi ki baate,” usne yeh kaha:
“Mai phir kehna chahata hoon ki yeh zaroori hai ki hum apne vishwaas ke hi tarah jiye. Yeh ek praathmikta honi chahiye—na sirf hamare niji aur paarivaarik jiwanon mein par hamare girjagharon, raajnitik chunaawon, vyapaar ki baaton mein, gareebon ke prati vyavahaar mein; yaane ki har kaarye mein.”
“Yeh hai kyun woh avashyak hai,” usne aur batlaya. “Catholic anubhav se seekho. Hum Catholicon ka vishwaas hai ki hum samaaj mein khameer(leaven) ki tarah bane. Magar ek chota sa antar hai samaajmein khameer banna, aur samaaj dwara hajam kiya jaana.” 6
Uddhaarkarta ka chetaoni tha ki duniya ke chintaaen kahi hamare jiwanon mein Parmeshwar ke vachan ko na gaayab karde hamein chunaoti deta hai ki hum atal rahein—hamare dil bhi atal rahein—Parmeshwar ke aagyaaon par aur Unke Girjaghar ke nirdeshan par.
Uddhaarkarta ke uddharan hamein is nitikatha ko bhumi ka nitikatha sochne mein majboot karenge. Bhumi kitni achchi uspar nirbhar hai hum mein se jiska dil susamachaar ke beej se waakif hai. Jab dhaarmik shikshak ke prati tayyaari ke samay, kuch hriday kathor aur tayyaar nahin hote, kuch hriday vyarth pade rehne se patthar ho jaate hai, aur kuch hriday duniya ke cheezon par tike reh jaate hai.
III. Achchi Bhumi Par Gire aur Fal Laayein
Beej bonewaale ka nitikatha samaapt hua Uddhaarkartadwara us beej ka vivran dete huwe jo “achchi bhumi par gira, aur fal laayein” alag alag maatra mein (Matthew 13:8). Hum khud ko kaise tayyaar kar sakte hai us achchi bhumi aur achcha fasal banne ke liye?
Ishu ne batlaya ki ”achchi bhumi mein ke woh hai, jo vachan sunkar bhale aur uttam mann se sambhaale rehte hai, aur dhiraj se fal laate hai” (Luke 8:15). Hamare paas susamachaar vachan ka beej hai. Yeh hum sab par nirbhar hai ki hum chune ki hum kya karke apne bhumi ko achcha aur fal ko zyaada karein. Hamein Ishu Maseeh ke susamachaar mein jadh padke aur dharam parivartit hona chahiye (dekhiye Colossians 2:6–7). Hum jaante hai ki hum parivartit hote hai prarthna dwara, dharamshaastra adhyan, sewa, aur prabhubhoj lagataar lene ke dwara taaki Unki Aatma hamesha hamare saath rahe. Hamein hriday mein mahaan parivartan bhi laana chahiye (dekhiyeAlma 5:12–14) jo bure ichchaaon aur swaarthi matlabon ko Parmeshwar ke prem aur Unki aur Unke bachchon ki sewa se badal dete hai.
Main in baaton ki sachchaai aur main hamare Uddhaarkarta, Ishu Maseeh ki gawahi deta hoon, jiske shikshanon ne raasta dikhaya aur jiske Praeshchit se yeh sab mumkin hua hai, Ishu Maseeh ke naam se, amen.