Khushiyaali ki Yojna

Pradhaan Boyd K. Packer dwara

Barah Devduton ke Parishad Pradhaan

Girjaghar mein sabhi gatividhi ka ant hoga ki ek purush aur ek mahila apne bachchon ke saath ghar par khush hai, ek dusre ke saath bandhe hai samay aur anantta ke liye.

Kayi saal pehle, Vishwa Yudh II ke baad, mai kolaj mein tha. Wahan mai Donna Smith se mila. Usi samay maine padha tha ki safal vivaah ke do zaroori tatva hai ek meetha biskut aur ek chumma. Maine socha yeh donon to sahi hai.

Mai subha padhaai karta tha, aur phir shaam ko waapas Brigham Shahar lauttha apne pita ke motar-theek karne waale garaj mein kaam karne ke liye. Donna ka subha ka aakhri kaksha tha home economics. Mai jaane se pehle uske kaksha ke baahar ruka. Darwaza mein ek dhundhli sheesha tha, magar jab mai uske kareeb khada hota to woh jaan jaati ki mai baahar hoon. Woh baahar aati ek meetha biskut aur chumma le kar. Baaki sab to itihaas hai. Humne Salt Lake Mandir mein vivaah kiya, aur usse shuru hua hamare jiwan ka mahaan abhiyaan.

Saalon se maine lagataar ek zaroori siddhaant sikhlaya hai: Girjaghar mein sabhi gatividhi ka ant hoga ki ek purush aur ek mahila apne bachchon ke saath ghar par khush hai, ek dusre ke saath bandhe hai samay aur anantta ke liye.

Shuruaat mein:

“Ishwarein niche gaye manushye ko apne pratirup mein banane ke liye, Ishwaron ke pratirup mein aadmi ko banaya, unhein stri aur purush banaya.

“Aur Ishwaron ne kaha: Hum unhe ashirvaad denge. Aur Ishwaron ne kaha: Hum unhe dugna hone denge, aur dharti ko bharpur karne, aur sambhaalne denge(Abraham 4:27–28).

Aur is tarah maanav jiwan ka shuruaat hua is dharti par jab “Adam ne apni patni ke saath hua, aur woh use putra aur putriyaan diye, aur unhe dharti ko aabaad karna aur sambhaalna tha.

“Aur  … Adam ke putra aur putriyaan dharti par alag do do karke alag hone lage,  … aur unhonne bhi putra aur putriyaan jane.” (Moses 5:2–3).

Dharti ko dugna karne aur aabaad karne ke niyam ko kabhi radh nahin kiya gaya tha. Yeh mukti ke yojna ke liye avashyak hai aur manushye ke khushiyaali ka zariya hai. Is shakti ke sahi istemaal se, hum Swarg ke Pita ke kareeb aaenge aur khushiyaali ki purti anubhav karenge, yahan tak ki ishwartav bhi. Yojna mein paeda karne ki shakti ka mahatva kam nahin hai; yeh hai khushiyaali ki yojna; yeh hai khushiyaali ka chaabi.

Joda lagane ki ichcha manushye jaati mein nirantar aur bahut jordaar hai. Maransheel jiwan mein hamari khushiyaali, hamara anand aur unnat hona uspar nirbhar hai ki kaise hum in lagataar, damdaar shaaririk waasna ke jawaab mein pesh aaye. Jab paeda karne ki shakti jawaani ke samay ubharti hai, bahut niji ehsaas hote hai, ek prakritik dhang se, anye kisi shaaririk anubhav ke jaisa nahin.

Waise to sanbhog romaans ke saath shuru hota hai. Bhale hi riwaaz alag ho, woh sabhi kitaabo ki kahani ke ehsaas aur pratigya ke saath sammpann hota hai, kabhi kabhi aswikaar bhi. Us samay chaandni aur gulaabein, prem patra, prem bhare sangeet, shaaeri, haath pakadna, aur prem ke anye ishaare hote hai jawaan purush aur jawaan mahila ke beech. Us jode ko duniya nahin dikhta, aur woh khushiyaali ke ehsaas anubhav karte hai.

Aur agar tum sochte ho ki jawaan romaanchak prem ka saara sukh yaon sambandh se hi milta hai, tumne abhi tak jiwan mein lambe samay ke vivaahit prem ka lagan aur sahuliyat nahin dekha hai. Vivaahit dampatiyon ko laalach, galatfehmi, vitt samasyaen, parivaar sankat se, aur beemaari se, aazmaaya jaata hai par phirbhi pyaar mazboot hota rehta hai. Purn viksit prem ka ek param-anand hai jiski kalpana naye-vivaahik dampati bhi nahin kar sakte.

Sachcha prem mein vivaah ke baad tak hua ehsaas ko thaamna hota hai jisse jiwan ke pavitra shaktiyaan baahar aati hai jiwan dene ke liye. Iska matlab hai un stithiyon mein na padna jisse shaaririk ichcha taakatwar ho jaaye. Pavitra prem yeh chahata hai ki anantta tak imaandaari vaada karein, ek kaanooni aur vaydh mutaabik samaaroh ho, aur mandir mein bandhne ke baad hi, woh paeda karne ki shaktiyaan Parmeshwar ke nazar mein di jaati hai pyaar ko purn rup se zaahir karne ke liye. Use apne hamesha ke saathi aur  sirf  unke hi saath baata jaana chahiye.

Jab pure safaai se is vaade mein daakhil hote hai, is prakriya mein sabse utkrasht aur uttam shaaririk, bhauk, aur aatmik ehsaas hote hai joprem shabd se juda hota hai. Jiwan ke us bhaag mein saare maanav anubhav mein koi ek jaisa nahin, jodh nahin. Jab vachanon ko banaya aur nibhaaya jaaega, woh, anantta tak chalega, “kyunki usi mein pavitra purohiti ki chaabiyaan ko niyukt kiya jaata hai, taaki hum sammaan aur mahima paaye (dekhiyeD&C 124:34), “jo mahima se tumhare bachche hamesha hamesha ke liye zyaada hote rahenge” (D&C 132:19).

Magar romaanchak prem adhura hai; woh to sirf ek aarambh hai. Prem ubharta hai bachchon ke aane se, jo us paeda karne ki shakti se aate hai jo vivaah mein dampatiyon ko diya jaata hai. Garbh-dhaaran pati aur patni ke vivaahit milan se hota hai. Ek chota sharir palne lagta hai ek badhiya pechidgi se. Ek bachcha aata hai janam ke chamatkaar se, apne dharti ke maata-pita ke pratirup mein racha hua. Uske maransheel shareer mein ek aatma hai jo aatmik cheezon ko mehsoos aur jaan sakti hai. Is bachche ke us maransheel shareer mein bhi ek shaant shakti hai apne pratirup mein bachcha paeda karne ki.

“Aatma aur shareer aadmi ki aatma hai” (D&C 88:15), aur wahan aatmik aur shaaririk kaanoon hai paalan karne ke liye agar humein khush rehna hai. Wahan anant kaanoon hai jo jiwan dene ki is shakti se jude hai, “jo swarg mein bana tha duniya ke shuruaat se, jise mitaya nahin jaa sakta, jispar sabhi ashirvaadein tiki hai” (D&C 130:20). Yeh aatmik kaanoon hai jo manushye ke star ko batlaati hai (dekhiye Joseph Smith Translation, Romans 7:14–15[Bible ke appendix mein]; 2 Nephi 2:5; D&C 29:34; 134:6). Wahan vachanein hai jo jodti hai, baandhti hai, aur suraksha aur vaade deti hai anant ashirvaadon ke.

Alma apne bete Shiblon ko samjhata hai, “Dekho ki tum apni uttejnaaon par lagaam rakho, jisse ki tum prem se paripurn raho” (Alma 38:12). Lagaam raah dikhaane, nirdesh karne, aur rokne ke liye hota hai. Hamare uttejnaaon ko kaabu mein rakhna hai. Jab vidhi purwak istemaal kiya jaaye, bachche paeda karne ki shakti ashish degi aur shudh karegi (dekhiye Teachings of Presidents of the Church: Joseph F. Smith [1998], 158).

Laalach hamesha rahega. Kyunki shaetaan jiwan nahin paeda kar sakta, woh sabse jalan karta hai jinke paas woh mahaan shakti hai. Woh aur unke chelon ko nikaala gaya tha aur unse shareer cheen liya gaya tha. “Shaetaan to yeh chahata hai ki saara maanav samaaj usi ki tarah aashaaheen ho jaaye” (2 Nephi 2:27). Woh laalach dega, ki woh tumhe, nuksaan pahuncha sakta hai, dushit kar sakta, aur, agar mumkin ho, to is uphaar ko nasht kare jisse hum, agar hum yogye rahe, anant badhanti paaye (dekhiye D&C 132:28–31).

Agar hum is jiwan dene ki shakti ko maela karenge ya auron ko uska durupyog karaenge, uske dand honge kisi bhi shaaririk anand se “utkrasht” aur “sehne mein kathin” (D&C 19:15).

Alma ne apne bete Corianton ko batlaya, “Mere bete, kya tum nahin jaante ki is tarah ke karm Prabhu ke liye grihnapurn hai; haan, yeh kewal nirdoshon ko rakt bahane aur pavitra aatma ko aswikaar karne ko chod kar sabse adhik grihnapurn karm hai?” (Alma 39:5). Hum parinaam se bhaag nahin sakte jab hum paap karte hai.

Pati patni, ek purush aur ek mahila, ke beech jiwan laane ke shakti ka sachcha, adhikaar purn izhaar kaanoon aur vidhi se vivhaahit hone ke baad hota hai. Iske bajae koi aur kaarye Parmeshwar ke niyam ka ullanghan karta hai. Shaetaan ke ghatiya laalach mein mat padna, kyunki paap ke har karz ko chukana padega “jab tak tu kaodi kaodi bhar na de” (Matthew 5:26).

Sirf pashchataap mein hi Parmeshwar ka zyaada udaarta aur daya dikhta hai.

Jab hamare sharir, mein chot lagti hai, woh khud theek kar leta hai, kabhi kabhi ek daactar ke madad se. Agar chot bhaari hai, tab, ek daag us chot ki yaad sa reh jaata hai.

Hamare aatmik deh ke saath to alag hota hai. Jab hum galti karte aur paap karte hai tab hamare aatma ko chot pahunchti hai. Magar yeh hamare maransheel deh ki tarah nahin hai, ismein jab pashchataap pura hota hai, Ishu Maseeh ke Praeshchit ke kaaran koi daag nahin bachta. Vaada yeh hai: “Dekho, use jisne apne paap ka pashchataap kar liya, maaf kiya jaaega, aur Mai, Prabhu, use kabhi yaad nahin karunga” (D&C 58:42).

Jab hum vivaah aur paarivaarik jiwan ki baat karte hai, tab mann mein hamesha aata hai, “Chudaao ka kya hoga?” Kuch log ki kamiyaan paedaaish se hoti hai aur woh bachcha nahin paeda kar paate. Kuch bekasuron ka vivaah nasht ho jaata hai unke pati/patni ke bewafaai ke kaaran. Anye log kabhi vivaah nahin karte aur akelepan mein yogye reh ke jiwan bitate hai.

Abhi ke liye mai yeh aashwaasan deta hoon: Parmeshwar hamare Pita hai! Jitna prem aur daya ek dharti waale pita mein hai Unmein dugna ho jaata hai jo hamare aaseem Pita aur Parmeshwar hai. Unke nyaaye sahi hai; Unke daya ki koi seema nahin; Unka shakti barabar kar dene ka dharti se tulna se baahar hai. “Yadi hum kewal isi jiwan mein Maseeh se aasha rakhte hai to hum sab manushyon se adhik abhaage hai” (1 Corinthians 15:19).

Ab mai mandir shabd sammaan purwak istemaal karunga. Main kalpana karta hoon ek bandhne(sealing) kamra aur vedi ka jahan ek jawaan dampati ghutne par baethe hai. Yeh pavitra mandir dharamvidhi ek vivaah se bhi badh kar hai, kyunki is vivaah ko Vachan ke Pavitra Aatma dwara baandha jaaega, aur dharamshaastra mein kaha hai ki hum “singhaasan, raajye, riyaasat, aur shaktiyaan, shaasan paaenge” (D&C 132:19). Mai woh khushiyaali dekh sakta hoon jo unke liye hai jo is mahaan uphaar ko graham kare aur yogye rup se istemaal kare.

Bahan Donna Smith Packer aur maine 70 saal guzaare hai ek saath vivaahit rup mein. Jab mere patni ki baat aati hai, hamare bachchon ki maa ki, mai apne ehsaas nahin zaahir kar paata. Woh ehsaas itna gehra hai aur uska abhaar itna shaktishaali ki mai bina izhaar ke reh gaya. Hamara is jiwan aur aane waale jiwan ka sabse bada inaam raha hai, hamare bachche aur hamare naati pote. Hamare saath ke maransheel dinon ke ant mein, mai abhaari hoon us har ek pal ke liye jab mai uske saath hota hoon aur us Prabhu ke us vaade ke liye ki is pal ka koi ant na hoga.

Mai gawahi deta hoon ki Ishu hi Maseeh hai aur jiwit Parmeshwar ka Putra. Woh Girjaghar ke mukhiya hai. Unke Praeshchit aur purohiti ke shakti ke dwara, parivaarein jo maransheelta mein shuru hui anantta tak saath rahengi. Woh Praeshchit, jo hum sab ko waapas laa sakta hai, par koi daag nahin hai. Iska matlab hai ki chaahe hum ne jo kuch kiya hai ya jahan kahin hum gaye hai ya kaise kuch hua tha, agar hum sachchaai se pashchataap karein, Usne vaada kiya hai ki Woh praeshchit karega. Aur jab Usne praeshchit kiya, usse sab sulajh gaya. Hum mein se kayi log hare huwon ki tarah ji rahe hai, maano, gunehgaari ke ehsaas ke saath, na jaante huwe kaise chutkaara paaye isse. Tum Maseeh ke Praeshchit ke dwara chutkaara paa sakte ho, aur dil ka bojh sundarta aur prem aur anantta mein badal sakta hai.

Mai Prabhu Ishu Maseeh ke ashirvaadon, paeda karne ke shakti, mukti ki shakti, Praeshchit ke liye abhaari hoon—woh Praeshchit jo har daag ko mita sakta hai chaahe kitna bhi kathin ho ya kitne lambe samay tak kiya ho ya kitni baar dohraaya gaya ho. Praeshchit tumhe phir se mukt kar sakta hai aage badhne ke liye, saaf aur yogye rup se, us maarg ko paane ke liye jo tumne jiwan mein chuna hai.

Mai gawahi deta hoon ki Parmeshwar jiwit hai, ki Ishu hi Maseeh hai, ki Praeshchit pure Girjaghar ke liye aam baat nahin hai. Praeshchit niji hai, aur agar tum kisi baat se chintit ho—kabhi kabhi itna purana ki sab kuch yaad bhi na aaye—tab Praeshchit ko apna kaam karne do. Woh use mita dega, aur tum, jaise Woh karta hai, apne paap nahin yaad rakhoge. Ishu Maseeh ke naam se, amen.