![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F04%2F86%2F04868b9161e7d23dda9334f80372006879d5e163%2F04868b9161e7d23dda9334f80372006879d5e163.jpeg/full/!250,/0/default)
Sohpeilang ih ah pasapeng pahn kohdo
Ahneki peik, oh tamanda ansou me ke kin kehnda ngehno, oh peki ni pwoson, amw pasapeng pahn kohdo.
Ansou me ih pwulopwulo, ai pahpa oh nohno iangala mwomwodiso en Sises Krais en Souleng en Imwin Rahn akan. Se ese me misineri ko kin padahk ong ira, ahpw ai pahpa oh nohno kelehpw me ira kin padahk ong.
Mwurin rohng kapwuriamwei o, ngehi oh riei pwutangko tepida rong misineri ko, oh emen emen irail peren ni arail kin rong ksosipen duwen kapwurupwurdou. Mendahte ai kin ahneki madamadau laud o, ai mongiong sohte men wia mehkot me pahn wekidala ai mour. I wiaier, oh iang kapakapki duwen pwuhk en Mormon ma iei mahsen en Koht, ahpw ih sohte alehdi ai pasapeng.
Ke men idek dahme Samatail Nanleng sohte sapengki ai kapakap o; ih pil kin iang medewe. I ahpw esehda me inou me Moroni wiadahr o inenen kesempwal. Koht kin sapeng atail kapakap akan me pid duwen ma rongamwahu o mehel, ahpw e kin sapeng irail akan me ahneki “mongiong mwakelekel, oh ineng mehlel.”1 E soht kin sapeng pwe en kapwaida atail ineng kan te.
Mwein mie peidek nan amw mour. Mie kahpwal ehu me ke sohte ese ia mwomwen amw pahn apwaliada. Rahnwet ih men sewesekin uhk iren madamadau kei me pahn kak sapeng de sewesehla amw kapwunod akan. E tepida sang ni omw pahn podidiong rongamwahu en Sises Krais.
Alehdi kaudiahl kin kohdo sangete ni koasoandi oh ineng mehlel en atail mohngiong
Ih kin medewe sohng kei me wiawi ong aramas ekein nan pwuhk sarawi kan. Ale, ni karasepe, Laman oh Lemuel. Duwehte Nephi, irail koaros “ipwidiong nan peneinei me mwahu” oh kasukuhlki sohng kan koros me arail pahpa ko kihong irailehr.”2 Ahpw irail pil kin lipahned la pwehki arail pahpa wia ohl en kokohp emen. Sang ni pein arail madamadau, ah kosondi kan kin inenen apwal, pwehki irail sehse sohng kan duwen Koht, eri ihme karehda irail sohte kak kamelel.3
E inenen kesempwal irail en wehwekila me arail pilipil kan kahreiong irail en kak kalaudehla arail pwoson kan sang ni arail doadoahk. Irail kihdi ihmwarail oh arail pai kan. Irail lelohng nan kahpwal akan nan sahpwtehno. Irail pil iang sawas oh kawada pwoht ehu, oh irail pil iang pwungkidahr me irail pahn iang seiloklahng nan sahpw ehu me re sehse.
Nephi pil iang alehdi osngen kahpwal oh doadoahk laud pwukat. Ahpw songen kamwakid pwukat kalaudehla arail pwoson? An Nephi pwoson wiawihda pwe en kehlail, ahpw an Laman oh Lemuel nan peirin oh lingeringer. Perien wet pil kilang oh rong kapitien tohnleng emen, ahpw maingko, ira pil ahneki te peikasal.4
Nan momour en rahn wet, sohte mengei ong emen emen kitail. Kitail kohdo sampah pwe kitail en ale kasongosong oh des. Atail mwekid ong atail momour pahn inenen sewese atail kadehde. Medewe mahs ekei mwekid en Laman oh Lemuel. Ira kin kosoi ansou me ara pahpa ki peki rehra en wia mehkot me inenen apwal.5 Ira iang kohla ale plate brass ko, ahpw ansou me e sohte pweida, ira inda me ira pahn sohla iang. Ara mwekid iei “kita songehr; dame kita pahn wiaiong?”6
Mie pak me ira kin insensuedkihla dahme sapwung ira wiaier ira eri kin pekimahk.7 Ira kin kapakap oh ira kin alehdi mahkpara. Ahpw iren kaweid kan kasalehda me mwuri ira kin pwurehng kampalain oh sohte kin men kapakap. Ira kin kohdo rehn Nephi oh kosoia me ira sohte “wehweki kosoi me arail pahpao kin kosoia ko”8 Nephi idek rehra ma ira kin “pek sawas rehn Kauno.”9 Kitail rong ara pasapeng. “ Se sohte wia, pwe Kauno sohte kin kamaranih kin kiht sohng tohto.”10
Wenwenlahte omwi peik kahreiong kitail en alehdi pasapeng kan.
An Nephi pasapeng ong rie ko iei ih kih ong kitail en ale pasapeng pen atail kapakap:
“ Ia mwomwen omw sohte kin kolokol kosonned akan en Kauno? Ia mwomwen omw pahn iang kamwomwala, pwehki sang ni keptakai en amwail mongiong kan?
“ Ke sohte kin taman sohng kan me Kauno kin masanih?….. ma kumwail pahn sohte kin keptakaila amwail mongiong kan, oh peki ni pwoson, kamelele me e pahn alehdi, sang ni ngong en kolokol ai kosonned akan, udahn sohng pwukat [pahn]sansal ong uhk.”11
Ih ese misineri kei me alehdi kamwakid kaselel kei, ahpw pwehki ah kin tohtola arail kamwakid kat, e kin kahreiong arail kin manokehla ansou me Koht kin mahsendong irail. Ong iral misineri ko oh ong kitail koaros, ma ke “pehmada kehn koulki koul en alehdi limpok, I men peki, ma ke kak pil pehmada ansouet?12 Ma ke sohte pehmada met, ke kak pwurehng pehmada mwuhr, ahpw taman an Nephi kaweid. Ahneki peik, oh tamanda ansou me ke kin pehmada ngehno, oh peki ni omw pwoson. Amw pasapeng pahn kohdo, oh kowe pahn kehn limpok oh popohl en Sounkomour o. E pahn kakete sohte kak kohdo mwadang de ansou me ke mwahuki, ahpw pasapengo pahn kohdo. Ke dehr uhdi! Sohte uhdi!
Kitail sou karasepen Laman oh Lemuel ong nein Mosiah pwutangko. Irail koaros keirda nan peneinei pwung kei, ahpw pil mie me pwopwila. Irail koaros rong kapitien tohnleng emen oh padakiong irail en pekmahk, ahpw met, e wekisang duwen doadoahk en nein Mosia pwutangko?
Kahpwal pahn kahreiong pwoson ah keirda
Arail doadoahk en misineri sohte pahn kak manoknokla. Kid kei idawenla sapwelimen Kauno ahlo. Ahpw, kitail kin kalapw manaknakla me ni ansou me re tepida arail dodohk en misin, “arail mongiong inenen pwunod, oh irail kereniong pwurala mwuri, [ahpw] Kauno kameleilei [iraildi.]”Kauno kaweid kin irail en “ahneki kanengamah nan arail kahpwal akan.”13
Onopiki sapwelime Mahsen akan kasalehiong kitail sapwelimen Koht kosondi.
Dahme karehda kahpwal me nein Mosiah pwutangko alehdi o karehiong arail pwoson oh ngong ah kehlail la sng arail lipahned la de peikasalkihla? Kih o iei “irail onopiki kehlail duwen marain en mehlel o, pwehki irail ohl lolokong kei o irail nantiong rapahki nan iren kaweid kan, pwe irail en esehla duwen mahsen en Koht.”14 Kitail pahn leleohng kahpwal oh ahneki peidek kei, ahpw tamataman me kitail pahn anahne kolokolte teng de rod of Iron.”15 “ Mahsen en Krais pahn padakong kitail sohng koaros[ me] kitail anahne wia.”16 Kitail anahne onopiki sapwelime mahsen kan rahn koaros, pwe en kak ritingadahng kitail wenihmw en alehdi kaudiahl o.
Kapakap, kapataiong kaisihsol, ritingong kitail kaudiahl
Ong neine Mosiah pwutangko, “ kaidehn ihte met; irail kin kapakap ansou kan koaros, oh kaisihsol; karehda irail ahneki ngehn en kokohp, oh ngehn en alehdi kaudiahl.”17 Kapakap oh kaisihsol pahn kahreiong kitail en kak kehnda pepehm en ngehno. Kosoiong Samatail Nanleng ni atail sohte ale mwenge de pihl kin kahreiong kitail en “sa[wadada sahl en sapwungo oh mweidala kotoutou kan.”18 Kapakap iangahki kaisihsol, pahn kounopada pwe ih ansou me kitail “likwer,… Kauno pahn sapeng; ..19
Sohpeila Reh
Songen dodohk sarawi pwukat… peik, onopiki pwuhk sarawi, kapakap, oh kaisihsol…. kakelakahda neine Mosiah pwutangko. Ihte songen doadoahk sarawi pwukat te me kareiong Laman oh Lemuel ara kin kaulimla.
Ma ke ahneki pepehm en lipahned, de ma ke ahneki peikasal me kahreiong uhk omw sohte kamelele, ma kahpwal akan nohn laud ong uk, sohpeila Reh. Ma kowe emen me sohpeisang ih; de wekidala omw wiewia de mwekid, sohpeila Reh. Ke tamataman ansou me e” “kosoin kameleilei ong uhk … ? Songen kadehde da me ke kak alehdi sang rehn Koht?20 Peidek rehmw, I kereniongehr duwehte mour en Krais sang rahn teio?” Menlau, sohpeila reh.
Ih pahn pwurala ai kisin soai o. Ngehi tepida karakarahkala. I tamataman misinerio ah idek rehi ma ih kakehr iang pepdais. I sapingki me miehte ahi peidek kei.Misineri loaloakong menet sapeng kin ie me e kak sapeng ahi peidek ko ahpw ih pahn anahne sapeng mahs ah peideko. E peideko ma pwuhken Mormon mehlel oh ma Soukohp Joseph Smith wia soukohp mehlel men. I padakiong me ih sehse ahpw ih men iang esehla.
Ai peideko mehn kairada pwoson. Ong ie pasapengo kohdo kaidehn te ansou ehu ahpw e wiahla mwekid ehu ong ie. I kasawih me ni ai “tepda onopiki pwuhk sarawi kan” oh tapiada en “doadoahngki ai pwoson” Pwuhk en Mormon wiahla mehkot “kaperen ehu ong ie” oh e kalaudehla ai wewehki oh inenen “audehla palingeniet”. Ih ahneki pepehm ehu me mahsen akan kin kalaudehla omw wehweki..21 Iei ih ansouet me e kihong ie ineng en pepdaisla oh kiong ai mour rehn Krais.
I udahn ese me pwuhk en mormon iei mahsen en Koht. I ese me Joseph Smith wia soukohp emen. Oh, miehte mehkot me ih sohte kasalehda, ahpw ai kadehde ki me mehlelo kahreiong ie ai kin karaniala Sounkomour o oh pil kalaudehla ai pwoson.
Riei ohloko oh lihoko, tamataman Nephi oh neine Mosiah pwutako, me ahneki kehlail nan arail pwoson oh doadoahk laud me kahreiong arail kin alehdi arail pasapeng kahreiong arail pwoson ah kinkeirda. Kaidehn en duwehte Laman oh Lemuel, me kin ahneki peikasal oh kin lipahned la. Mendahte arail kin ekei pak doadoahk ni pwung, wiewia me sohte pwoson iang iei mehla. Kitail anahne ahneki pwoson oh doadoahk pwe kitail en kak alehdi pasapeng kan.
I kopworopworki me ni ansou me kumwail rongehr ngehn sarawi o pahn kiong kumwail en pepehm en pasapeng pen amwail peidek kan de dahme pahn mwahu ong amwail kahpwal akan. I men wia ai kadehde me Sises iei ih me Krais. Sohpeilang ih ah omw kapakap kan pahn pasapeng wei. Nin mwaren Sises Krais, amen.